¹ Tainsi banji banji bayoba bafundisi, nobazyalwama, mulizi kuti swebo tobafundisi tuyojana kubetekwa kujulu kwindila. ² Kaambo tonse tulalubizya munzila zinji pele na luti muntu talubizyi mumajwi, oyo ngomuntu ululeme, ukonzya kwendelezya mubili wakwe wense. ^{3 4} Eno kutit twabika kazangala kukanwa lye mbizi kutimbabo batumvwide, yulakonzya ape kweendelezya mibili yabo yeense. Amubone ape maaato nekuba kuti mapati alezigwa oluwo lupati, enzigwa akantu kanini kufumbwa kwayanda sikwenzya. ⁵ Munzila eyi, lulimi cizo cinini buyo, pele lulalilumbaizya muzintu zipati. Amubone ape kililo kanini mbukatenta saka pati. ⁶ Lulimi andulo mulilo, nyika yababi akati kabana kulindiswe. Lulimi lulasofwazya mubili wonse, lutola muuya kukutentwa, ape lulabikila mulilo mugehena. ⁷ Kaambo yonse misyobo yabanyama, otuyuni, embulu, ape ezilengwe zikala mumanzi ulabombisigwa yakabombisigwa kale kubantu ⁸ Pele takwe muntu ukonzya kubombya lulimi. Mbubi butakonzya kuzundwa, buzwide musamu ujaya. ⁹ Kuli ndulo ndotulumbaizya mwami o tata, ape ndondulo ndotutukizya bantu abo bakapangwa mucikozyano ca leza. ¹⁰ Kuzwa mumulomo omwi mulazwa zileleko ape okutukwa nobazyalwama, zintu zilinamu tazyelede kucitika. ¹¹ Ino mucikala kulakonzya buti kuzwa manzi mabotu a manzi aalula? ¹² Ino musamu womukuyu, nobazyalwama, kuzyala nsikili? ninga musansa kuzyala nkuyu? nanga manzi asautu kugwisya manzi alwela. ¹³ Nguni musongo uvwisisya akati kanu? oyu muntu atondezye buumi bubotu kwinda mumulimo mumuyo mubombe wobusongo. ¹⁴ Pele kuti na mulomunyono ekanzyano mumyoyo yanu, mutalilumbaizya masimpe. ¹⁵ Obo tainsi busongo buzwa ansi buzwa kujulu.kwinda kuti, mbwebenyika, tainsi bomuya, mbomudima. ¹⁶ Kaambo kuli munyono alukazyanyo, kokuli lupyopyongano ezicito zibi. ¹⁷ Pele busongo buzwa kujulu lyokusanguna busalala, mponya mbolumuno-luyando, bubombe, mizezo mibotu, buzwide kuse ape emicelo mubotu, kutasalalulula ape akusyomeka. ¹⁸ Micelo yobusalali elabyalwa mulumuno akati kaabo bapanga lumuno.