¹ Nobazyalwama, mbuli mbumujesilidi kulusyomo lomwami Jesu kilisitu, mwami ulemekwa, mutasalulani abamwi bantu. ² Na kwanjila muntu mumuswangano wenu uzwete inwenwe yengolide ezebiya zyebeeka, ape kwanjila muntu upengide uzwete muzibya zyedoti. ³ Kuti mwamulanga ulya muntu uzwete zibya zili kabotu okwaamba,"kalawa acibaka cibotu,"okuya na kala awa kumbali amanda angu," ⁴ Ino tamulikulibeteki akati kanu? takwe ni mwaba basikubeteka na emizezo mibi? ⁵ Amuswilile, nobakwesu nomuyandwa, eno leza takwe nakasala mapenzi munyika kuti babe bavubi mulusyomo ape kuti babe baswana bobwami mbuli mbwakasyomezya kuli aba bamuyanda? ⁶ Pele nywebo mwasampolwa mumapenzi! eno tainsi bavubi bamupenzya nywebo? tainsi mbabo bamutola kunkuta? ⁷ Eno tabalituki zina botu elyo ndimwakaitilwa? ⁸ Kuti na, nikutegwa, kuti muzuzikizye mulawo kwendelanya mugwalo,"muyoyanda mwenzinyoko mbuli mboliyanda yebo lwako,"mwacita kabotu. ⁹ Pele kuti na mwasalulula bamwi bantu, mwabisya, kaambo mulangidwe kumulawo kuti mwakalubizya. ¹⁰ Kufumbwa muntu ucilila milao wense, akati walubizya munzila buyo yomwe, waba okulibilika okutyola mulao wense. ¹¹ Kaambo puo wakamba kuti, utaciti mamambe,"ngonguwe wakamba ape kuti,"utanojaya, kuti na tociti mamambe, pele wajaya, kokuti wadula mulao. ¹² Amwambe okucita lyense mbuli mbubelede abo babetesi bomulao wolwangunuko. ¹³ Kaambo lubeta lulaza kakutakwe luse kuli abo batatondezyi luse.Luse lulalumbaizya omulubeta. ¹⁴ Ino nimpindu nzi, nobazyalwama, kuti na umwi wamba kuti ulijisi lusyomo, pele takwe milimo,"ninga lwamuvuna lusyomo olu na? ¹⁵ Ino kuti na muzyalwanyoko takwe zeebeya zibotu okubula zyokulya mubuzuba. ¹⁶ Ino na kuti womwi wenu waamba kuti kulimbabo,"kamuya mulumuno, mukale kamukasalidwe okuzulila."kuti na tabapi zintu zyiyandikana kumubili, nimpindu nzi eyo? ¹⁷ Munzila yomwi lusyomo alulike, kuti kalutajesi mulimo, lulifwide. ¹⁸ Iiyi muntu umwi ulamba kuti,@ ulijisi lusyomo, ape ndilijisi milimo.@ unditondezye lushomo lwako lutakwe milimo, ape ndiyokutondezya lushomo emilimo yangu. ¹⁹ Mulazumina kuti kuli leza omwi na; mwacita kabotu. Pele angawo madaimona alazumina namu, okutuntuma. ²⁰ Muyanda kuziba na, muntu mufuba fuba, kuti lusyomo lutakwe milimo talukwe tunso? ²¹ Tainsi Abulahamu tata wesu wakasalazigwa emilimo nakatula mwana akwe Izeki kucituzyo? ²² Mwambona kuti lusyomo lwakabeleka antomwe emilimo yakwe, ape kumilimo lusyomo lwakwe lwakamanina. ²³ Mangwalo akazuzikizigwa okwamba kut,, Abulahamu wakasyoma leza, ape lwakabalwa kulinguwe kuti mululami, ape wakaitwa kuti mwenzinyina wa_leza. ²⁴ Mwabona kuti kumilimo kwalulamikwa muntu, tainsi kulusyomo okulike. ²⁵ Munzila imwi amumo, tainsiRahabi simamambe wakasalazigwa kumilimo nakatambula batumwa okubatuma kunzila imbi? ²⁶ Kaambo mbuli mubili muwanzene omuya ulifwide, andulo lusyomo lwaleza omulimo lulifwide.