¹ Jemusi, mubelesi wa leza awa mwami Jesu kilisitu kumishobo iili kumi aibili imwaikide konse konse. Ndamujuzya! ² Nobanakulidiswe, amubotelwe nimusikilwa makatazyo manji manji. ³ Mulizi kuti lushomo lwenu lwazwidilila mumasukusyo aaya mulaiya kukakatila' ⁴ Amuleke kukakatila oku kumanisye milimo kwao mukuti kwanda mulondoke kamutakwe kampenda, na kubula kubisya cintu vimwi. ⁵ Kuti na mpali umwi akati kunu ubula busongo, amumuleke akumbile kuli leza, oyo upa cokumanina ambi kakutakwe busotongo kuli abo bakumbila, mponya uyopegwa. ⁶ Pele amumuleke akumbile lushomo cokutadonaika. Nkambo oyo udonaika uli buli mayuwe alwizi avwilinganana akutontaikwe oluwo. ⁷ Muntu uli namu taelede kuyeya kuti inga watambula niciba cintu kuzwa kuli leza; ⁸ Nkambo muntu ujisi zila zyobilo, takazikene munzila zyakwe zyoonse. ⁹ Muleke munakuliswe mucete akondwe cindi leza namusumpula, ¹⁰ pele anguwe muvubi nacesigwa, nkambo anguwe uyomana mbuli dubaluba mubwizu. ¹¹ Nkambo zuba lilazwa okutenta okuyumya bwizu. Iduba lilaloka, obwebesi bwaliyo bulamana. Munzila buyo njonyina, muvubi anguwe ulakonzya kumana kacili akati komusinzo wakwe. ¹² Ulilelekidwe muntu uyumina masunko. Nkambo amana kuzunda masunko uyo pegwe minsini wabuumi, oyo ngwakasyomezya kuli abo bamuyanda leza. ¹³ Mutazunizyi umwi kwamba na kuti wasunkwa,"ndasunkwa o leza," nkambo leza tasunkwi abubi, nikuba namu we lwakwe ngwasunka. ¹⁴ Pele muntu amuntu ulasunkwa azintu zyaongelezegwa mweni,okucigwa mane okucita. ¹⁵ Mponya zisusi zyasima zizyala zibi, ambi zibi zyasima zyzyala lufu. ¹⁶ Mutaenenwi nobanakuliswe nomuyandwa. ¹⁷ Kufumbwa cipego cibotu ecipego cilondokide cizwa kujulu. Cilaseluka ansi kuzwa kuli leza we mwini. Muli anguwe takwe kucinca neenga kuba mwemvule mukucebuka kumbi. ¹⁸ Leza ulasala kupa kuzyala kwiinda mujwi lye nchonzyo mukucita kuti tukonzye kuba zimwi zizyalo zye zilenge zyoonser nzyakabumba. ¹⁹ Mulicizi eci, nobanakuliswe nomuyandwa; Amuleke uli wense abe ufwambana kuswilila, pele utafwambani kwamba, nikuba kunyema. ²⁰ Nkambo muntu unyemede takinzi kucita ziluleme zya leza. ²¹ Mponya amusiye busofwazi bweense okugwisya bubi buzwide mulinywebo. Amutambule majwi a leza ngakabyala mumoyo yenu, akonzya kufutula myuya yenu. ²² Amube basikucita jwi ncilyamba kuleka kuba buyo basikuswilila, mutanolyeeni lwanu. ²³ Nkambo kuti na muntu kaswiilila buyo majwi okutacita nzyamvwa ulikozyene omuntu ulilanga muciboni. ²⁴ Ulalisunka lwakwe mwimi okwinka mponya-mponya ulaluba mbuli mbwabede. ²⁵ Pele muntu ulangisisya kabotu mukulondoka ko mulawo wangunukide, okuzumanana kucita namu, kuleka kuba muswilizi buyo ulaba oyo muntu uyomulekelela muli zyoonse nzyacita. ²⁶ Kuti nakuli muntu uliyeya kuti mukombi amana talijati kululimi mukwamba kwakwe, ulalyena mumoyo wakwe ambi bukombibwakwe, ulalyena mumoyo wakwe ambi bukombi bwakwe mbwabuyo. ²⁷ Bukombi bweni-bweni bulondokide ambi butanyonyokide kuli leza kali Tata nkugwasya batakwe maisi abamukabafu mumapenzi abo, ambi okuliba cokubula kampenda mukuti kwayanda bubi bwansi ano bulamusofwazya.