¹ Kucindi Leza walikwambola kumatata kwinda mu basinsimi mu zindi zinji omu nzila zinji. ² Pele mumazuba aya ayinda , wakambola kuli swebo kwinda mu mwana, oyo ngwakasala kuba sikukona we zintu zyense. Momulinguwe omo Leza mwakalenga nyika. ³ Ngo mumuni wobulemu bwa Leza, ncecizibyo ceni co kwinda mu jwi lye nguzu zyakwe . Nakamana kusalazya zibi, wakakala kujanza lye cilisya lya singuzu wokujulu. ⁴ Wakaba mupati kwinda bangelo mbulizina ndyakakona mbulinda mazina abo. ⁵ Nkokuti uli mungelo Leza ngwakambila kuti, ndiwe mwanangu, sunu ndaba uso, na mkokuti uli mungelo Leza, nkwakati, ndiyoba isi kulinguwe ape uyoba mwana kuli mebo, ⁶ Pele ape, Leza aeta mwana muntanzi munyika ulati,bense bangelo ba Leza belede kumukomba, ⁷ Kubangelo ulati, ngonguwe ubamba myuya yabangelo, amabanga banga omulilo kubazike bakwe, ⁸ Pele ku mwana ulati, cibbula cako, Leza, ciyoba citayomani, kasako kako kobululami kasako ko bwami bwako. ⁹ Wakayanda bululami wakasula bubi, mponya Leza, wako, wakakunanika amafuta oku kondwa kwinda benzinyoko. ¹⁰ Kumatalikilo, mwami, wakalenga nyika. Amajulu mililo ya manza ako. ¹¹ Ziyomana, pele uyozumanana. Ziyokulumpala mbuli masila. ¹² Uyoavungaila mbuli cibaki mponya ziyosanduka mbuli tusila twezizwato pele yebo unoli mbubonya, ape myaka yako taigoli. ¹³ Pele nkokuti uli wabangelo Leza kwakamba acind kufumbwa, kala kujanza lyangu lyecilisya kusikila basikondonyoko babe ngamatandabalilo amaulu ako, ¹⁴ Taizi yense myuya yabangelo ibeleka, ape mbayotumwa kuyobamba abo bayokona lufutuko.