¹ Basimalelo, amupe bazike eco celelede, kamuzi anwibo kuti mulijesi simalelo kujulu. ² Amwindilizye kuyuma mukukomba. Amukale kamuzi eco mukulumba. ³ Amukombele antomwi mane aswibo, kuti Leza ajule mulyango kujwi, kambo maseseke a kilisito. Akambo kaka, ndili angidwe. ⁴ Amukombe kuti ndikozye kucisalazya, mbuli mbwekozya kwamba. ⁵ Amwende mubusongo kuli abo balanze, ape okulanganya nako. Amuleke majwi enu abe oluse cindi conse. ⁶ Amwaleke kavwene amunyo, kutegwa muzibe mukutabila kufumbwa muntu. ⁷ Mbuli kuzintu zijatikizya mebo, tychicus uyo muzibisya. Muzyalwama uyandwa, mubelesi usyomeka, ape muzikema mumwami. ⁸ Ndakamutuma kulinwebo kambo kaka, kutegwa muzibe twamba twesu, ape kutegwa amuyumye yumye myoyo yenu. ⁹ Ndakamutuma antomwi o onesimusi , usyomeka ape omuzyalwama uyndwa, uyo uli anwibo. Bayomuzibya zyonse zyaka citika kuno. ¹⁰ Alitakasi, nobangwima, wamulumelesya,antomwi amako, muzyalwanyina o bbanabbasi oyu kumutambula malailile, kuti wasika kulinwe, amumutambule, ¹¹ Ape o Jesu oyu witwa kuti Jesitasi. Aba abalike bapaludwe mbabelesima kubwami bwa Leza. Mbabali kundiyumya yumya me. ¹² Epalasi wamulumelesya. Ngumwi wenu ape muzike wa Jesu kilisito . Oyu ulimya cokulya kambo kenu munkombyo, kutegwa mwime cakumanina ape okumaninizya kusyoma kulizyonse zyayanda Leza. ¹³ Ape ninda ndampa bukamboni kuti wakabeleka canguzu kulinwe, kuli abo mu laodiya , ape abo mu Hierapolis . ¹⁴ Luke musinsimi uyandwa ape o Demasi wamulumelesya. ¹⁵ Mubalumelesye bazyalwama mu Laodiya, ape omu nymhpa, ape eci kombelo cili muyanda yakwe. ¹⁶ Olu lugwalo lwakubalwa akati kenu, alukabelwe ape mucikombelo caba Laodiyasi, ape mubone kuti mwalubala lugwalo mu Laodiyasi. ¹⁷ Amwambe kuli Archippus, alulange musebezi ngumwatambula mumwami kuti mukozye kucita . ¹⁸ Oku kulumelisya kuli mumanza angu Paulo. Amuyeye zinismbi zyangu. Luse lube anwibo.