¹ Ino na Leza wakamubusya o kilisito , amuyandole ezyo zintu zyomujulu, oko kilisito kwakwe ajanza lye cilisya lya Leza. ² Amuyeye azintu zyomujulu, kutamba ezyo zintu zyenyika. ³ Kambo kuti mwakafwa , ape bmi bwenu bulisisidwe o kilisito muli Leza. ⁴ Ino kilisito akulitondezya, oyo mgobumi bwenu mponya anyebo kuli nguwe mubulemu . ⁵ Amujaye , mponya ezyo zibela zili munyika bulale, kutasalala, kuyandisya, kuyanda zibi, obunyu, eyo nje mituni. ⁶ Kambo kezi zintu pele bukali bwa Leza bulaza kubana batanvwidi. ⁷ Ezi zezizo zintu kuti anywibo mwakainda mumo nimwali kupona muli ziyo. ⁸ Pele inawa nyebo mulukede kuleka ezi zintu zyense bunyami, bukali mizezo mibi, kuswabisya ezyambo zibi zizwa mukanwa lyenu. ⁹ Mutabejelani, kambo mwakazununa muntu ezicito zyakwe, ¹⁰ Mponya mwaka zwata muntu mupya oyo we telezya bupya muluzibo kwendelana bumbwa coyo wakacibumba. ¹¹ Oko koku kutakwe mu giliki na mu juda upalwidwa na utapalwida, bbabaliani, scythian, muzike, muntu wangunukide, pele kilisito ngu zyense, ape ngo zyense. ¹² Kambo kako, mulibasale ba leza , mulasalala ape muli bayandwa, muzwate moyo oluzyalo bubotu, lubomba kulicesya obu sicamba. ¹³ Amuyeyane omwi oumwi, amube babotu kuli umwi oumwi, na umwi ujesi tongosi kuli umwi mujatile munzila iswan eyo mwami njakamujatila nywebo. ¹⁴ Atala ezi zintu zyense,ba oluyando, ndodulo olo lumweta kukululanikwa. ¹⁵ Muleke lumuno lwa kilisito lwenelezye mumyeyo yenu. Ndondulo lumuno ndumwakaitilwa nywebo mumubili omwi, mponya amube balumba. ¹⁶ Amuleke ijwi lya kilisito lipona mulinywebo okukalilila , kuisya ape okuisyana umwi oumwi mubusongo bwense, kwinda ngimbo zyokulumbaizya ape engimbo zyomuya kulumbaizya loko Leza mumyoyo yenu. ¹⁷ Kufumbwa cocita , mujwi na muzicito, cita zyense muzina lyo mwami Jesu, pakuluba kuli Leza tata kwindila mulinguwe. ¹⁸ Nobanakazi, amulipe kubalumi benu, eci cilayandika kumwami. ¹⁹ Nobalumi amuyande bnakazi benu, ape mutabi obunyemi kulimbabo. ²⁰ Nobana amunvwide bazyali benu muzintu zyense, kambo eci cilanonezya mumwami. ²¹ Nomaisi mutasumuni bana benu, kuti bata tyompwi. ²² Nobazike, amulemeke bamubelesya kwe ndelana muzintu zyense munyama. Kutamba kulanga amenso, mbuli bantu banonezya, pele omoyo wakasimpe, yowa mwami. ²³ Kufumbwa cocita , beleka kuzw kubumi mbuli kumwana ape na kutamba kubantu. ²⁴ Mulizi kuti muyotambula kuzwa kumwami cipengo co kukona. Oyu ngo mwami Jesu ngumu komba. ²⁵ Kufumbwa umwi oyo utaciti zitasalali uyo tambula cisubulo co kutalulama kwakacita, mponya takwe kusalulula.