¹ ''Nobazyalwa ma anywibo nomatata, amuswilile kuli iminina kwangu kweyanda kumwambila.'' ² Mbunga niyakamvwa Paulo kambola kuli mbabo mumushobo wechi Hebrayo, bakaumunina. Wakateti, ³ ''Ndili mu Juda, wakazyalilwa ku Tesasi yoku Silisia, kono ndakaila mumunzi oyu kumaulu a Gamaliele. Ndakayisigwa cokumaninina kwendelanya nzila yo mulawo wa matata. Ndilobuyandisi bwa Leza, mbuli mumubede anywibo noonse sunu. ⁴ Ndaka bapenzya benzila eyi kusikila kulufu, kubaanga oku babika mu ntolongo boonse balumi abanakazi, ⁵ mbuli mupaizi mupati abolupati pati inga bandiminina. Ndakatambula magwalo kuzwa kuli mbabo aabazyalwa ma mu Damasikasi, poonya ndakainka kobapilusya ku Jerusalemu kabangidwe kuti bakapegwe cisubulo. ⁶ Chakazocitika indacili kuya bweenda afwifwi okusika ku Damasikasi, kuciindi cesikati ciconya mumuni mupati kuzwa kujulu wakandimunika. ⁷ Ndakawida ansi okumvwa jwi kalindambila, 'Saulo, Saulo, undipenzezya nzi ino?' ⁸ Ndakataba, 'Ndiweni Mwami?' wakateti kuli mebo, 'Ndime Jesu oku Nazareta ngoli kupenzya.' ⁹ Mbindali amwi bakabona mumuni, kono takwe nibaka mvwisisya jwi lyoyo walikwambola kuli mebo. ¹⁰ Ndakazoteti, 'Ino ndichite nzi Mwami?' Wakandambila, 'Nyamuka wiinke ku Damasikasi. Kuya uyoambilwa zyoonse zyoyelede kucita. ¹¹ Sindacili kukonzya kubona akambo kokuyakisya koulya mumuni, kwindila muku sololelwa amanza abaya mbindali amwi, ndakasika ku Damasikasi. ¹² Kuya ndakaswanya mwalumi wezina lya Ananiyasi, mwalumi walikukomba okweenda kwendelanya omulawo kalempuwo mbotu kuma Juda boonse balikukala kuya. ¹³ Wakaza kuli mebo, okwima afwifwi amibo, okundambila, 'Mukwesu Saulo, tambula kubona kwako.' Muciindi ciya coonya ndakamubona. ¹⁴ Poonya wakazo amba, 'Leza wa matateesu wakusala kuti uzibe luyando lwakwe, okuboona ululeme, okumvwa jwi lizwa mu mulomo wakwe. ¹⁵ Uyoba kamboni wakwe kubantu bonse kuli ziwaka bona okumvwa. ¹⁶ Ino ulindila nzi? Nyamuka, ubbizigwe, usanzye zinyonyono zyako, kunoita a zina lyakwe.' ¹⁷ Nindaka piluka ku Jerusalem, kechi komba mu tempo, chaka zocitika kuti ndakapegwa chilengano. ¹⁸ Ndakamubona kandambila, 'Zuzana usiye Jerusalem chokufwambana, kaambo tabakotambula bumboni mbojesi alimebo. ¹⁹ 'Ndakateeti, 'Mwami, boobeni balizi kuti ndalikwanga oku bauma bali kushoma muli yebo muzikombelo zyoonse zyama Juda. ²⁰ Bulowa bwa Stefani mwiminizi wako nibwaka tika, ndalimvwi kumbali okuno zumizyana, okuno londelela zibiya zyabaya baka mujaya.' ²¹ Kono wakazo ndambila, 'Koya, kaambo ndila kutuma kulaale kuli Basimasi.''' ²² Baka muswilila mane kusikila kujwi liya. Poonya bakongolola okwamba kuteti, ''Ulinamu azwe anyika, kambo taceelede kuti abe muumi.'' ²³ Nibachili kongolola, kusowaila zibiya zyabo, oku lundumuna suko muluwo, ²⁴ Musololi mupati waka layilela Paulo kuti atolwe mukati mukwabilidwe. Wakabalailela kuti abuzigwe okuumwa, kutegwa we mwini azibe chibali kumongolweda comushobo ulya, Paulo. ²⁵ Nibaka mwanga entambo, Paulo wakateti ku mupati waba silumamba waimvwi kumbali, ''Ino kulelede na kuma mu Roma utano zekisigwa?'' ²⁶ Mupati waba silumamba nakamvwa echi, wakainkila musololi mupati oku mwambila, kati, ''Ino wando cita buti? kambo mwalumi oyu uzulilwa ku Romu.'' ²⁷ Musololi mupati waka musikila okuti kuli nguwe, ''Ndambile, uli mu Roma?'' Paulo wakati, ''Iyi'' ²⁸ Musololi mupati wakataba, ''Ndakachita kuula amali manji nguzu zyoku zulilwa ku Romu.'' Kono Paulo wakateeti, ''Mebo ndakazyalwa keli mu Roma.'' ²⁹ Mpoonya balumi balikuyanda komubuzya baka musiya ciindi ciya coonya. Musololi mupati anguwe waliyowide, naka zo ziba kuti Paulo wali kuzulilwa kunyika yoku Romu, kaambo walimwangide entambo. ³⁰ Buzuba bwaka chilila, musololi mupati wakayanda kuziba kasimpe kujatikizya ma Juda zibaka mutambikizya Paulo. Ponya waka mwangununa ntambo zibamwangide okulailela bapaizi bapati embunga yabendelezi kuti baswangane. Omo waketwa Paulo okubikwa akati kabo.