¹ Buku lye chindi ndi nda kalemba, Theophelasi, wakamba zyonse Jeso nzya kaisya, ² kusikila buzuba mbwaka tolwa mu julu,na kamana kupa malailile kwindila mu muya usalala ku ma Apostola mbaka sala. ³ Ni kwakamana kupenga kwakwe,wa kalitondezya kuti ucipona azitondezyo zyakuti ba zuliwe, mumazuba ama kumi one wakalitondezya kuli mbabo, mponya okubambila abwami bwa kujulu. ⁴ Ino nalikuswanana ambabo , wakabalailela okwamba kuti batazwi mu Jelusalema , pele kuti balindile cisyomezyo ca tata, eco cakamba kuti, wakamvwa kuli mebo. ⁵ Kuti Joni kasimpe waliku bbizya mumanzi , pele muyobbizigwa mumuya uaslala mazuba mace. ⁶ Nibakabungana antomwe bakamubuzya, mwami eci ncecico cindi coyobozya bwami bwaka bwaku Izilayili, ⁷ wakamba kulimbabo, tacinsi kuli nwebo kuziba zindi ezyo tata zyakabika munguzu zyakwe. ⁸ Pele muyotambula nguzu muya usalala wayoseluka alinwebo, mponya muyoba bakamboni bangu mu Jelusalema amonse mu Judiya omu Somaliya, ape okumamanino enyika. ⁹ Mwami Jesu nakamana kwamba ezyi zintu, nibaliku langa kujulu, wakazo nyumunwa, mponya kumbi yakazomusisa kumenso abo. ¹⁰ Nibaliku langisisya kujulu kabwinka, mponya balumi bobile bakaima ezi zwato zituba. ¹¹ Bakamba , nobalumi boku Galili, ninzi nomwimvwi awo akamulanga kujulu, oyu Jesu wakatolwa kuzwa kuli nwebo kuinka kujulu, oyupiluka monya mucimo mumwakamu bona kainka kujulu. ¹² Mponya bakapiluka mu Jelusalema kuzwa kumulundu witwa oliveti oyu ulatwi o Jelusalema, bwende butola mazuba e nsabata. ¹³ Nibakasika, bakainka kutanta munyanda ,ilatala, oko kubalikukala. Balibene Petulo, Joni, Jemusi, Andulu, Filipo, Tomasi, Bbatolome Mateyo, Jemusi mwana wa Apeyasi , Sayimoni muna ziloti, o Juda mwana wa Jemusi. ¹⁴ Bonse balilipede kumakanze omwe aswana mumpailo, atomwi abanakazi, o Maliya banyina ba Jesu, mponya abazyalwanyina. ¹⁵ Muli awo mazuba Petulo wakaima akati kabazyalwanyina, abantu bali mwanda omwi amakumi obile, mponya okwamba, ¹⁶ Nobakwesu, cila yandikana kuti mangwalo nzulilwe, ayo muya usalala ngwaka twambila kwindila akanya k Davida kungama Judasi , oyo wakandilezya basiku jata Jesu. ¹⁷ Pele wali wakati kesu amana wakatambula lubazu bwe mulimo. ¹⁸ Ino oyu mwalumi waula munda kwindila mali nyaka yambula mumicito yakwe abi, Ape wakawisya mutwe cakusanguna, mponya mubili kwandika cokujula, mponya zyonse zyomukati zyaka tika anze. ¹⁹ Bonse bakali mu Jelusalema bakacimvwa eci , mponya bakaita ulya munda mumusyobo wabo kuti Akeledema, nkokuti munda wobulowa. ²⁰ Mbuli mbocilembedwe mubbuku lyentembauzyo, amuleke munda wakwe wanzanwe, ape mutaleki na muntu omwi akale kuya amuleke umbi abweze busena bobwendelezi. ²¹ Ninga cakonzeka, kuti omwi wabalumi wali aswibo cindi conse Jesu nakanjila okuzwa aliswebo. ²² Katalikila kulubizya lwa Joni kubuzuba mbwakazo bwezegwa kuzwa kuli swebo, abe mumboni aswibo wokubuka kwakwe. ²³ Bakabika kunembo balumi bolile, Josefa witwa Bbanabbasi, oyo walizoitidwe Jusitasi o Matiyasi o Matiyasi. ²⁴ Bakakomba okwamba, yebo, mwami , ulizi myoyo yabantu , ino liyobunune kuti ino nguni ali aba balumi bobile nguwasala. ²⁵ Kutola mulimo kumasena abu apositola obu Juda mbwaketa ansi kuti ainke kubusena bwakwe. ²⁶ Ino bakatalika kulisalila mponya banji bakaza kuli Matiyasi ,ape wakazo bikwa abo bali kumi akomwi.