¹ Nibwakasika buzuba bwa pentecosita, baliswangene antomwi acibaka comwi. ² Mpawo kwakasika muzumo kuzwa kujulu mbuli guwo lyunga, lya kazuzya nganda yonse mubali kede. ³ Kwa kabasikila malimi kulimbabo mbuli mulilo waka etwa, wakabakala amitwe yabo nguwaya. ⁴ Boonse bakazuzigwa o muya usalala oku talika mwambo mu malimi manji, mbonya mbu wakabotondezya muya. ⁵ Mponya kwali ma Juda bali kukala mu Jelusalemu, baalumi bashomi, kuzwa ku masi ali munsi e julu. ⁶ Ino muzuzumo oyu niwakamvwika, makamu abantu akaza okukomokwa kambo muntu o muntu wakabanvwa kaba ambola mu mushobo wakwe. ⁷ Baka komokwa bakti masimpe, tabali bonse bambola ci Galileya? ⁸ Ino nkambo nzi kuti mane tulikubanvwa, nguwaya wakwe mu wa kazyalilwa? ⁹ Patians o Medes o Elamites, abo bali kukala mu Mesopotamia, mu Judiya omu Kapadosia, mu Pontus omu Asia, ¹⁰ Pragia o Patiyasi, zyoku Egepita zibaka zimwi zyoku libiya kuswena ku Cilene, abenzu bazwa ku Roma, ¹¹ Ma Juda aba Proselite, ba Cretani aba Arabia, tulabanvwa kabamba mu mishobo yesu mu mi sebezi mipati ya leza.' ¹² Bonse bakakomokwa oku ziyelwa; bakambola kuli umwi o umwi, camba nzi eci? ¹³ Kono bamwi bakafubazika okwamba, bakolwa waini mupya.' ¹⁴ Kono Pita wakaima abamwi bali kumi aumwi, wa kongolola ejwi lyakwe, okwamba kuli mbabo, mobalumi baku Judeya anywibo bakala mu Jelusalemu, acizibwe eci kuli nguwe, amuswililezye majwi angu. ¹⁵ Aba bantu taba kaidwe, mbuli mbubamuyeya, nkambo cipanzi catatu ca hola co buzuba. ¹⁶ Kono eci cakambwa mukwindila mu mumusinsimi Joilo. ¹⁷ Cindi camamanino, leza mbwamba, ndiyo tila muya wangu mu mibili, bana benu ba shimani aba simbi bayo sinsima, bana benu banini balombe ba yo bona zilengano, ama daala benu bayo lota ¹⁸ Masimpe mu bazike bangu bazike bangu be canakazi muli ayo mazuba ndiyo tila muya wangu, ape bayo sinsima. ¹⁹ Ndiyo tondezya zigambya mujulu e zitondezyo mu nyika ansi, bulowa, mulilo o sikunkwe wo busi. ²⁰ Izuba liyosandulwa ku kusiya o mwezi ku bulowa kabutana kusika buzuba bupati lilembedwe lyo mwami lyasika. ²¹ Ciyoba kuti kufumbwa wita muzina lyo mwami uyo futulwa! ²² Nobalumi ba Izilaeli, amwanvwe majwi aya. Jesu wa Nazaleta wali mwalumi wapedwe kulinywe o leza a malele azicito e zigambya e zitondezyo leza nzyakacita kwinda mulinguwe mukuti kene mbuli mbomuzi. ²³ Oyu mwalumi wakapegwa o mwami mumakanze o busongo, a nywibo, mumanza a balumi batakwe mano, ku mubika kulufu muku mukankamina a cipingano. ²⁴ Kono leza wakamubusya, kumugwisya mukucisa ko lufu, nkambo ticali elede nguwe kujeswi eco. ²⁵ Akambo Davida wakamba zyakwe, ndamubona mwami cindi cinse kaitana nkumo yangu, akambi we uli kumbali ejanza lyangu lyo lulyo kategwa ata swenzuki ²⁶ Mpawo moyo wangu wali nonenidwe o lulimi lwangu lwakabotelwa. O mubili wangu uyopona mukushoma. ²⁷ Akambo tokoyosiya muya wangu ku babi na uyo zumizya oyo usalala kubona kubola. Wakazibwa kuli mebo inzila zyo bumi, uyo zumizya oyo usalala kubona kubola. ²⁸ Wakazibwa kuli mebo inzila zyo bumi, uyondipanga kubotelwa kuzwide o busyu bwako. ²⁹ Nobazyalwama, cilelede kuli mebo kwambola kuli nywe zya Davida, kuti wakafwa ape wakazikwa e bita lyakwe mpalicili esunu. ³⁰ Mponya, wali musinsimi okuziba kuti leza waka konka e ckonke kulinguwe kutegwa uyobika umwi walunyungu lwakwe acuno. ³¹ Wakabona cali kuyocitika kunembo ukuyo amba zyo bubuke bwa kilisito. ³² Oyu Jesu leza wakamubusya, mponya swebo tubakamboni. ³³ Mpawo, mbwasumpwidwe kujana lyalulyo lya leza okutambula cishomezyo co muya usalala kuzwa kuli baisi, wakatila eco ncimubona akunvwa. ³⁴ Akaambo Davida takwe nakainka kujulu, kono wakati, leza wangu wamba kuli leza wangu, kala a janza lyangu lyolulyo. ³⁵ Ati ndicite basinkondonyoko citandabalilo ca maulu ako. ³⁶ Mpawo, amuleke nganda ya Izilayeli kuti izibe kuti leza a wamupanga mububili leza o kilisito, oyu Jesu ngumwa kajaya. ³⁷ Ino nibakanvwa eci, bakayaswa mumyoyo, okwamba kuli Pita aba Apositolo bonse,' nobazyalwama, tulacita buti? ³⁸ Mponya Pita wakati kuli mbabo, amwempwe oku babatizigwa, muzina lya Jesu kilisito mukujatilwa kwe zibi zyenu, ape muyo tambula cipego co muya usalala. ³⁹ Nkambo cishomezyo eci ncicenu abana benu okuli abo bali kule mbuli bantu mbali mwami o leza uyo ita. ⁴⁰ Oku majwi wakapa buboni oku bakombelezya, kwamba, amufutulwe kubantu babi becino cindi. ⁴¹ Mpona nibakatambula eli jwi baka babapilusigwa, ape baka yugizigwa muli obo buzuba bali zyuulu zyotatwe bakabatizigwa. ⁴² Bakacili kunjisyo zyabapositola mukuswngana a amuya amu kukomona cinkwa amukukomba. ⁴³ Kuyowa kwakaza ku myuya, zigambya zintu ezitondezyo zyakacitwa mu ba Apositolo. ⁴⁴ Bonse bakashoma bali antomwi bavwania zyoonse zibajesi mubumwi. ⁴⁵ Mponya bakauzya zintu zyabo babana bonse, kwendelana mbuli muntu omuntu mbwajesi. ⁴⁶ Ino buzuba obuzuba bali kuswangana antomwi mucindi comwi mu tempele. Bakakomona cinkwa mu manda, bali kwanana cilyo antomwi mukubotelwa e myoyo ituba. ⁴⁷ Kulumba leza okuba luyando ku bantu bonse, ape buzuba o buzuba mwami wakayungizya ku mpalo yabo baka futulwa.