¹ Ndapa cenguzu mulawo wa leza o kilisito Jesu, uyobeteka baumi abafwide, ape kambo akokulinonya ape: mubwami bwakwe. ² Kambauke majwi kwambilana canozuminika ape na tacizuminiki, zumina, tapatila, isya obusicamba. ³ Kambo cindi ciyosika nantu nibayoleka kuzumanana kunvwa njisyo zyeni. Kutainsi namu, bayolijana lwabo beni basi kubisya kwendelana okuyanda kwabo, ngwani uyoamba kuti matwi abo ayanda kuswilizya. ⁴ Bayozwa mukunvwa kasimpe, ape bayozwa kumbali ezyo buyo. ⁵ Pele nywebo, amube emizezo ikalilide muzintu zyense, a mupenge cenguzu; amucite mulimo okwisya, amuzuzikizye mulimo wenu. ⁶ Kambo mebo ndakananikwa kale cindi cangu cokwinka casika. ⁷ Ndakalwana nkondo imbotu ndazunda; ndamana musinzo, ndakalukoma. ⁸ Musyini wo bubotu ulibambidwe kuli mebo, obo mwami, muyatuzi mubotu, o ndipa mebo muli bumwi buzuba, ape kutamba mebo buyo, pele okuli abo bense bayanda kuboneka kwalwe. ⁹ Amucite cenguzu kuza kulimebo kufwamba. ¹⁰ Kambo Demasi wakandisiya. Ulayanda zye nyika eyi ape wakainka ku Tesalonika. Kiliseni wakainka ku Galatiya, ape Taitasi wakainka ku Dalumesiya. ¹¹ Pele Luka ngula mibo, koya ukamwete Mako uze anguwe kambo ulomusebezi amibo mumulimo. ¹² Tukiko ndamutuma ku Efesusi. ¹³ Cibya cindakasiya ku Tuloasi kuli Kapusi, uzocetelezya wa zoza, amabuku, kwambisisya loko mapepa. ¹⁴ Alekisanda mufuzi wakandicitila loko zintu zibi kuli mebo. Mwami uyo mubadezya kwendelana ezya cita. ¹⁵ Anywibo mwelede kulibamba kuzwa kulinguwe, kambo cenguzu waka sandukila majwi esu ¹⁶ Kukusaguna kwangu kuli kwabilila, takwe omwi wakaima amibo. Kutainsi namu, bense bakandisiya. Pele tacelede kubalwa kubalwana. ¹⁷ Pele mwami wakaima amibo ape oku ndiyumya mebo kutegwa, kwindila muli mebo, mulumbe welede kuzulila kukambaukwa, ape kwamba kuti bense bamasi bakalinvwe. Ape ndakafutuka kuzwa kumulomo o mulavu. ¹⁸ Mwami uyondi kwabilila mebo kuzwa kububi mwense ape uyo ndivuna mebo kujulu munwami bwakwe. Kuli nguwe kube bulemu cindi conse ape conse. Akube namu. ¹⁹ Amumulumelesye Pulusila, Aqula, ape enganda ya Onesihulusi. ²⁰ Erastusi wakasyala ku Korinto, pele Tulofimasi ndakamusiya ulicisidwe ku Melitasi. ²¹ Cita cenguzu kuza kaitano kutalika mpeyo. Eubulo ulakulumelisya o pudeni, Linusi, Kulodiya ape abense bazyalwanyina. ²² Mwami abe omuya wako luselube ayoibo.