¹ Kokuti, mwanangu, welede kuyumisigwa muluse luli muli kilisito Jesu. ² Zintu ziwakamnvwa kuli mebo kwindila mubunji bwabakamboni, ape kubasyomi abo bayoisya bamwi. ³ Libambile kupenga amibo mbuli musoja mubotu wa kilisitu jesu. ⁴ Takwe sindondo ubeleka munkondo kakwambila mumi bwakwe, kwamba kuti akondelezye simalelo akwe. ⁵ Ape kuti, umwi waima mu kuzundana buli sikuzuza, takonzi kuku lumbulwa ati wazundana kwendelana omulawo. ⁶ Cilelela kuti mulimi ulenguzu atambule cabilo cakwe cobulimi kusanguna. ⁷ Yeye eci celi mukwamba, kamo mwami kupa kunvwisisya muzintu zyoonse. ⁸ Yeye Jesu kilisito, womukowa wa Davida, wakabusigwa kuzwa kubafwide. Eci cendelana o mulumbe wangu wamakani. ⁹ Eco cepengela mukambo. Pele majwi a leza ta angwa. ¹⁰ Mponya ndilayumina kuzintu zyense muli abo basalidwe, kwamba kuti ambabo bakabone lufutuko luli muli kilisito Jesu, mukubotelwa kutamani. ¹¹ Eci camasimpe camba: na twakafwa awe, tuyopona awe. ¹² Na twayuma tuyolela awe, na twamukaka, awe uyotukaka aswibo. ¹³ Kuti na katutasyomeki, we uno syomeka, kambo takonzi kulikaka we lwakwe. ¹⁴ Kamu bayubulusya zintu ezi, amubacengezye munsi o leza kambo kokuka cilana kambo kamajwi eci tacigwasyi, ape cila tyompya abo baswilila. ¹⁵ Amucite cenguzu kulitondezya nobeni kuli leza mbuli umwi mbwakazuminwa, similimo oyo utakwe kambo koku lisenda, oyo upandulula kwisya majwi amasimpe. ¹⁶ Amuleke kuleya kwamba, oko kutondezya liko ape loko kukutayowa leza. ¹⁷ Kwambola kwabo kuyomwaika mbuli cilonda cimwaika mubuli onse akati kabo kuli ba Haimeneyusi aba Filetasi. ¹⁸ Oyo wakazwa mukasimpe, bamba kuti bubuke bwakabakale ape balanyonyona lusyomo lwa baumi. ¹⁹ Nikuba intalisyo yaleza invwi. Ilijesi bulemu: "mwami uliibezi abo bakawe ape kufumbwa oyo wamba zina lyo mwami welede kuzwa kububotu." ²⁰ Munganda yobuvubi takwe buyo zibikilizya ngolide na nsiliva. Pele ape muli zibikilo zye zisamu obulongo, ezi zimwi zilalemekwa mukuzibelesy. ²¹ Na umwi walisalazya lwakwe mukutabelesya kabotu, elyo cibikilo cilemekwe. Ubikidwe kumbali ulo mulimo kuli simalelo ape ulibambidwe kufumbwa mulimo mubotu. ²² Cija zisusi zyobukusi. Cilizya bululami, lusyomo, luyando, ape olumuno abo baita kwa mwami kuzwa kukusalala komoyo. ²³ Pele kaka bufuba ape e mibuzyo yo buyanga muli kuti zizyala ku kakazyana. ²⁴ Bana bo mwami tabelede kelwana. Kutaisi namu welede kuba ubombide muzintu zyense, ukonzya kwisya, ape ulelecamba. ²⁵ Welede kubikila manu kwisya abo bamukazya leza akonzya kubapa kulilekelela kuba oluzibo lwa kasimpe. ²⁶ Balakonzya kuzizunukwa ape okuleka satani kubaca kakuli wali bajesi mukuyanda kwakwe.