¹ Paulo, o mutumwa wa kilisito Jesu kwindila mukuyanda kwa leza, kwendelana oku shomezya ko bumi buli muli kilisito. ² Kuli Timoti uyandwa mwana: luse, lwengelelo, o lumuno luzwa kuli leza tata okuli kilisito Jesu mwami wesu. ³ Ndilumba leza, oyo ngwebelekela kuzwa ku matata bangu, emiyeyo isalala, mbuli mbwendilizya kuyeya yebo mu nkombyo masiku o sikati. ⁴ Kuti ndayeya misozi yako, ndiyandisya kukubona, kuti mebo ndizulwe okunonenwa. ⁵ Ndakayabulusigwa kuyuma kolusyomo lwako, olo lwali muli nyokolulu ba Loisi kusanguna aba nyoko ba Eunice, ape ndilizumina kuti muliyebo mwaponena. ⁶ Akaambo ako ncikuyubulusya kuti uyeye, cipego ca leza cili muli yebo kwindila mukubika manza ali yebo. ⁷ Mbuli leza mbwata katupa muya obu yofu, pele we nguzu oluyando okuli lemeka. ⁸ Toelede kuli senda kwambola zyo bumboni bo mwami wesu nenga zyangu, Paulo, mwange wakwe. Kutaisi namu, abana mapenzi o mulumbe kwndelana enguzu zya leza. ⁹ Ngu leza wakatufutula swebo oku twita swebo obwite busalala. Wakacita eci, kutamba mumilimo yesu, kono kwendelana amakanze akwe oluse. Wakatupa zintu ezi muli kilisito Jesu ka citana kutalika cindi eci. ¹⁰ Ino lufutuko lwa leza lwayubununa oku boneka ko mufutuli kilisito Jesu, ngu kilisito obika mamanino olufu okweta bumi butamani kumumuni kwindila mu mulumbe. ¹¹ Akambo keci, ndakasalwa kuba muheloda mutumwa, ape mwiyi. ¹² Akambo kako amebo ndilapenga ezintu ezi. Pele mebo tandilisendi, pele mebo ndilizi muli pyo ngwezumina, ndilazumina kuti ulakonzya kubamba eco cindi kasyomezya kuti nguwe kusikila obo buzuba. ¹³ Amubambe citondezyo cimvwigwa camajwi ngi mwakamvwa kuli mebo, olusyomo oluyando zili muli kilisito Jesu. ¹⁴ Eco cintu cibotu leza caka pa kuli yebo, cibambe kwinda mumuya usalala, ikale muli swebo. ¹⁵ Mulizi eci, kuti bonse bakala mu Asia bakazwa kuli mebo. O mu mukabunga muli bafugelo aba Hermogene. ¹⁶ Ndilomba leza ababede o luse ku nganda yaba Onesifolosi mbuli mbwali kundibu kulusya amibo ape takwe nalikuli senda akambo kokwangwa kwangu. ¹⁷ Ino kuti nali kukoma, wakandiyandola ce nguzu, mane wakandijana. ¹⁸ Pele mwami amujanine luse kujana luse kuzwa kuli nguwe obo buzuba. Munzila nzyese zya kandi gwasya mebo mu Efeso, muli zikabotu.