¹ Ino kujatikizya zindi eziimo, nobakwesu, tamukwe ndaba kufumbwa kuti zyakalembwa kulinwe. ² Kambo kenu nobeni mulizi kabotu kuti buzuba bwa mwami buza mbuli mubbi masiku. ³ Bamba, lumuno obukwabilizi, mponya kunyonyo ka kutazibidwe kunyoza alimbabo. Kuyoba mbuli lusinga mukati komwanakazi umisi wadozyala. Takwe mubatakacije. ⁴ Pele nwebo, nobakwesu , tamwinsi mumudima kutegwa buzuba bukamwindile mbuli mubbi. ⁵ Kambo nwebo muli bana bomumuni abana bobuzuba. Tatwinsi bana bamasiku olo mudima. ⁶ Mponya ino, tutaoni mbuli bonse mbubacita. Nikuba kuti, atulindile okutalyangana. ⁷ Kambo abo baona balacita namuya masiku, abo bakolwa bacita namu masiku. ⁸ Pele swebo mbotuli besikati atube baswililisya okubika lusyomo oluyando mbuli citakilizyo, obulangizi bolufutuko bwentulu zyesu. ⁹ Kambo Leza takwe nakatusala kambo kolunyemo, pele kujana lufutuko kwinda muli mwami Jesu kilisito. ¹⁰ Ngonguwe wakafwa kambo kesu kutegwa, nikuba kuti na tulalanga olo kona tukonzye kupona antomwi anguwe. ¹¹ Kambo kako tumbulizyanye okuyakana, mbuli mbutuli kucita kale. ¹² Ino twamukumbila , bakwesu, mulemeke abo mbomubeleka limwi akati kenu abo bapati kulinwe mumwami abo bamulailila. ¹³ Tulamukumbila ape kuti mukabapelikute olko muluyando kambo kemilimo yabo. Mube olumuno akati kenu. ¹⁴ Tulakusumpula, nobakwesu, amubacenjezye abo bakandu, mubayumye yumye batyompwide, mubagwasye bakatede okuba busicmba kulimbabo bonse. ¹⁵ Anubone kuti kutabi upilusya cibi kucibi kuli onse nikuba kuti amucite cibotu kumuntu onse abonse. ¹⁶ Amusekelele cindi conse. ¹⁷ Amukombe cakutaleka. ¹⁸ Muzintu zyonse mupe kulumba. Kambo olu nduyando lwa Leza muli kilisitu Jesu kambo kenu. ¹⁹ Mutatimunimuya waleza. ²⁰ Mutanyansilizi businsimi. ²¹ Musole zintu zyonse, amujatisye zibotu. ²² Amutantamuke kuzwa kuzibi zyamisyobo yonse. ²³ Ino Leza wolumuno amusalazye konse. Myuya yenu, myoyo emibili lyobolwe cokutaba akampenda kukuza kwa mwami Jesu kilisitu. ²⁴ Musyomezi oyo umwita, oyu uyota namuya. ²⁵ Nobakwesu ,mutukombele aswibo. ²⁶ Mubalumelesye bonse bakwesu olumyonto lusalala. ²⁷ Ndamukonkezya ku mwami kuba olugwalo lubalwe kubakwesu bense. ²⁸ Luzyalo lwa mwami Jesu kilisitu lube anwibo nonse.