¹ Kambo , nitwakacili kucikozya kucibweza, twalikuyeya kuti calicibotu kutusiya atulike ku Atene. ² Twakamutuma Timoti, mukwesu wesu similimoma waleza mumulumbe wa kilisito, kumudisya okumumbulizya kujatikizya lusyomo lwenu. ³ Kutegwa kubule uzunganisigwa okupenzegwa oku, Kambo nwebo nobeni mulizi kuti kambo keci twakasalwa. ⁴ Nconzyo, nitwali anwibo, twaka mwambila cimo kuti twakelede kuba amapenzi, mponya cakacitika mbonya namu, mbuli mbumuzi. ⁵ Kambo kako, nindakakacilwa kucibweza, ndakatuma kuti ndizibe kujatikizya lusyomo lwenu na sikutepaulwa kuli mbwaka mutepawide, okubeleka kwesu kwali kwabuyo. ⁶ Pele Timoti wakaza kuliswe kuzwa kulinwe okutwetela mulumbe mubotu wolusyomo lwenu oluyando. Wakatwambila kuti cindi conse mulijesi kuyubulukwa kubotu kwesu, okuti mulayandisisya kutubona mbuli mbutuyandisisya kumubona aswibo. ⁷ Kambo keci, nobakwesu , twaka umbulizya anwibo kambo kolusyomo lwenu, mukupenga kwesu konse. ⁸ Kambo ino tulapona, kuti mwaima nji muli Leza. ⁹ Kambo kulumba mi kutunga twamupa Leza kambo kenu, konse kunonenwa kutujesi kunembo lyaleza wesu alinwe, ¹⁰ Masiku esikati tulakomba maningi kutegwa tukonzye kubona kumenso kwako okupa cibulide mulusyomo lwenu. ¹¹ Leza tataesu mwini, oleza Jesu, atutondeezye nzila yesu kulinwe. ¹² Leza wesu amuvuzizye okumufwasuzya muluyando umwi oumwi okunembo lyabntu bonse, mbuli mbutumucitila aswibo. ¹³ Akonzye kumudisya myoyo yenu kutegwa kubule kutamikizya mukusalalisya konembo lya Leza akuza kwa Leza Jesu abantu bakwe bense basalala.