¹ Nobana , ndilikumu lembela zintu ezi mukucitila kuti mutakabisyi. Pele na umwi wabisya, tulijesi mwiminizi utwambila kuti tata, Jesu kilisito, ngonguwe ululeme. ² Ngonguwe cipaizyo cezibi zyense, ape kutainsi swebo buyo, pele okunyika yenseni mboizulwa. ³ Tulizi kuti twaza kuzomuziba, kuti na twabamba malailile akwe. ⁴ Oyo wamba kuti, ndilimwizi Leza kono tabambi malalile akwe mubefi, amasimpe tainsi muli nguwe. ⁵ Kono kufumbwa oyo ubamba jwi lyakwe, mulinguwe nconzyo luyando lwa Leza lwazulila. Muli eci tulizi kuti tuli mulinguwe. ⁶ Kufumbwa oyo wamnba kuti ulikalilide muli Leza ulelede kwenda munzila mbonyina mbwa kenda we. ⁷ Nomuyandwa , nsilimukulembi mulawo mupya kuli nywebo, pele mulawo we cindi oyo ngumwajesi kuzwa kumatalikilo. Mulawo wecindi ndijwi elyo ndimwakamvwa. ⁸ Ino nikuba namu mulawo mupya oyo ngwemu lembela, ulimasimpe muli kilisito o mulinywebo, kambo mudima wainda, mponya mumuni weni weni ulimukumunika kale. ⁹ Oyo wamba kuti uli mumumuni ape katayandi muzyalwanyina ucilimumudima o mbuli sunu. ¹⁰ Oyo uyanda mwenzinyina ulasyala mumumuni ambi mulinguwe takwe cileba. ¹¹ Kono oyo utayandi muzyalwanyina mumudima okwenda mumudima, tazi nkwayobuya kambo mudima wamujala menso. ¹² Ndilikumu lembela, nobana, kambo zibi zyenu zyalekelelwa kambo kezina lyakwe. Ndili kumulembela , nomatata, kambo mulimwifi oyu kuzwa kumatalikilo. ¹³ Ndili kumulembela , nobantu balumi banini, kambo mwamuzunda sizibi, ndilikumu lembela nobana, kambo mulimwizi tata. ¹⁴ Ndakamu lembela, nomatata, kambo mulimwizi oyo kuzwa kumatalikilo. Ndaka mulembela, nobalumi banini, kambo mulidide, ejwi lya Leza lyasyala mulinguwe, ape mwakazunda sizibi. ¹⁵ Mutayandi nykika nenga zintu zili munyika . Kuti na umwi uyanda nyika luyando lwa tata talwinsi mulinguwe. ¹⁶ Kambo zyense zilimunyika , sisusi zyomubili, ezintu zinyomenenwa amenso, ezyo zipa bantu kuti kabaliduda mubumi tacizwi kuli tata pele ciswa kunyika. ¹⁷ Lnyika obunyo menezi bwayo zilainda. Kono kufumbwa oyo ucita luyando lwa Leza unopona cindi cense. ¹⁸ Nobana, ncecindi camamanino, mbonya mbumwamvwa kuti sinkondonyina o kilisito uyobuza mponya ino bunji bwabasi nkondonyina o kilisito basika. Mbuli eci tulizi kuti cino nce cindi camamanino. ¹⁹ Bakatusiya, kono tibali kuzwa kuliswenbo kuti kambe nibali kuzwa kuliswe nibakasyala aswibo. Kono nibakainka anze, eco cakatondezya kuti tibali kuzwa kuliswebo. ²⁰ Kono nywebo mwakananikwa kuzwa kuloyo usalala, ape nwense mulizi. ²¹ Nsili kumulembeli kambo kokuti tamwazi masimpe, kono kambo nkimuzi ape takwe bubezi buzwa kumasimpe. ²² Ngwani mubezji kono ngoyo ukaka kuti Jesu ngo kilisitu, mgulya ukaka ngosinko ndonyina o kilisitu, mukuti kambo ukaka tata omwana. ²³ Takwe oyo naba owmi ukaka mwana azumine tata. Uzumina mwana wazuminizya o tata. ²⁴ Mbuli nywebo, amuleke ncimwakamvwa kuzwa kumatalikilo cisyale kulinywebo. ²⁵ Kuti na ncimwakamvwa kumatalikilo cisyala mulinywebo, nkokuti anywibo mulasyala mumwana omuli tata. Ecince cisyomezyo ncaka tupa kobumi butamani. ²⁶ Ndazilemba zintu ezi kuli nywebo kambo banga bamwenena. ²⁷ Mbuli kuli nywebo, kunanikwa nkumwa katambula kuzwa kuli nguwe kusyala mulinywebo, ape tamuyandikani umwi kumuyisya kono mbuli kunanikwa mbukuyisya zyonse ape ncomasimpe okuti tainsi cokubeja, ape mbonya mbuli mbumwakaisigwa, kukale mulinguwe. ²⁸ Ino, nobana, mukale mulinguwe mukuti kuboneka tukabe basicamba okutausa nsoni buzuba mbwazoya . ²⁹ Na mulizi kuti ulasalala, mulizi kuti kufumbwa oyo ucita eco cili kabotu nkokuti wazyalwa kulinguwe.