¹ Barena, neelang batlhanka se se molemo, se sa gobelele. Le itse fa le lona le na le morena kwa legodimong. ² Tswelelang le tlhomame mo thapelong.Disang le le mo thapelong le malebogo. ³ Gape re rapeleleng gammogo, gore Modimo a bulele lefoko la gagwe dipati, go bua masaitseweng a boammaruri jwa ga Keresete. Ke mo dikeetaneng ka se. ⁴ Le rapele gape gore ke rere go utwala jaaka go tshwanetse. ⁵ Tsamayang ka Botlhale mo go bao ba ba ko ntle , le dirise nako sentle. ⁶ A mafoko a lona a nne tshegofatso ka nako tsotlhe. A a lokwe ka letswai, gore le itse ka fa le ka arabang mongwe le mongwe ka teng. ⁷ Mme ka ga dilo tse di nkamang, Titshakaso o tla a di le itsisi. Ke mokaulengwe yo o rategang,motlhanka yo o ikanyegang, yo re mo bokgobeng mo moreneng mmogo. ⁸ Ke mo rometse ko go lona ka lebaka le, gore le itse ka tse di re amang, gore a kgothatse dipelo tsa lona. ⁹ Ke mo rometse gammogo le Onesimase, mokaulengwe yo o ikanyegang, yo o rategang yo e leng mongwe wa lona. Ba tla a le bolelela sengwe le sengwe se se diragetseng fa. ¹⁰ Arisetatshote, legolegwa ka nna, o a le dumedisa le Mareko ntsalaa Barenabase (yo le amogetseng ditaelo ka ga gagwe; fa a tla kwa go lona le mo amogele) ¹¹ le Jeso yo o bidiwang Josutose. Ba ke badiri ka nna fela mo go ba ba rupileng, mo bogosing jwa Modimo. Ba ntse ba nkgomotsa. ¹² Epafarase o a le dumedisa. Ke mongwe wa lona, lekgoba la ga Jeso Keresete. O nna a le lwela mo thapelong, gore le eme lefeletse, le tlhomame mo go rateng ga Modimo. ¹³ Gonne ke supa ka ga gagwe gore o le direla ka thata, le ba ba kwa Laodisea, le ba ba kwa Hirapolesa. ¹⁴ Luke, ngaka e e rategang le Temase ba a le dumedisa. ¹⁵ Dumedisang bakaulengwe ba ba kwa Laodisia, Nimfa le kereke e e mo ntlong ya gagwe. ¹⁶ Fa lekwalo le le sena go balwa magareng ga lona, a le balelwe le kereke ya Laodiseana, le netefatse gape gore le bala lekwalo le le tswang ko Laodisia. ¹⁷ Le ree Aritshiposo le re" Lebelela bodiredi jo o bo amogetseng mo Modimong, gore o bo dirafatse." ¹⁸ Madume a a tla ka letsogo lame -Paulo. Gakologelwang dikeetane tsame. A tshegofatso e nne le lona.