¹ Pawula naThimothi , tisebenti taKhristu Jesu , kubo bonkhe labangcwele baNkhulunkulu labaseFiliphu, nebabonisi kanye nebaDikhoni. ² Shengatsi umusa ungaba kini kanye nekutfula lokuvela kuNkulunkulu longubabe neNkhosi Jesu Khristu. ³ Ngiyabonga Nkulunkulu ngaso sonkhe sikhatsi nangikhumbula nine, ⁴ Njalo emikhulekweni yami ngani nonkhe, ngenta imikhuleko yami ngenjabulo ⁵ Ngobe nibe nami evangelini kusukela elangeni lekucala kwate kwaba ngunyalo. ⁶ Ngicinisekile ngaloku, kutsi loyo lowacala umsebenti lomuhle kini utochubeka ate awucede kute kube lisuku lwaJesu Khristu ⁷ Ngulokuhle kimi kutsi ngitivele ngalendlela ngani nonkhe ngobe nikhona enhlitiyweni yami. Nonkhe nibe nenhlanganyelo ngemusa khatsi ngiboshiwe ngekutivikela nangekufakazela livangeli. ⁸ Ngobe Nkulunkulu ungufakazi wami, kutsi nginilangatelela kanjani nonkhe ngesihe saKhristu Jesu. ⁹ Loku kungumkhuleko wami : Kutsi lotsandvo lwenu likhule njalo ekwatini nasekucondzeni konkhe. Kute nikwati kuhlukanisa lokuhle , ¹⁰ kuze ningasoleki ngalutfo kute kube lilanga laKhristu, ¹¹ Nigcwaliswe ngetitselo tekulunga letivela ngaJesu Khristu kube yinkhatimulo neludvumo lwaNkulunkulu ¹² Manje ngifuna nati, Bazalwane, lokutsi lokwenteke kimi kwasita ekuchubekiseni livangeli. ¹³ Ngenca yaloko, kuboshwa kwami kwabonakala kubo bonkhe bogadi besigodlo nakubantfu bonkhe. ¹⁴ Bazalwane labanyenti batfole sibindzi lesikhulu enkhosini ngenca yekuboshwa kwami, babanesindzi kukhuluma ngekungesabi livi. ¹⁵ Labanye bashumayela Khristu ngemhobholo nangembango, labanye ngenhlitiyo lenhle. ¹⁶ Laba ke bachutjwa lutsandvo , Ngekwati kutsi ngifakwe lapha ngenca yekuvikela livangeli. ¹⁷ kepha laba labanye bashumayela Khristu ngembango ayi ngenhlitiyo levumako. Bacabanga kutsi batawuvusa lisizi ngisesekuboshweni. ¹⁸ Kunani? phandle kwekutsi noma labanye bashumayele khristu ngekutentisa labanye bashumayela ngeliciniso kepha Khristu uyashunyayelwa, kuloko ngiyajabula. Yebo, ngiyojabula, ¹⁹ Ngobe ngiyati kutsi loko kutongenta ngikhululeke ngemtsandazo yenu nangekusitwa ngumoya waJesu Khristu. ²⁰ Kukulangetelela kwami ngekwetsemba nekutsi ngingabi nemahloni , kepha ngibe nesibindi njengobe benginaso, Khristu wentiwe wabamkhulu kimi , kwenteke ngemphilo yami nome kwentiwe ngekufa. ²¹ Kimi kuphila kunguKhristu nekufa kuyinzuzo ²² Kepha uma ngabe ngiphila enyameni loko kusho kutsi nginemsebenti lengitowenta. Ngingakhetsani? Angati. ²³ Ngicindzeteleke kuko kokubili, sifiso sami kuhamba ngiyoba naKhristu, lokuncono kakhulu, ²⁴ Kani nekuhlala ngisenyameni kubalulekile kini ²⁵ Ngineliciniso ngaloku, ngiyati kutsi ngitohlala ngichubeke nani nonkhe, ekuchubekeni kwenu nasekujabuleni ekukholweni, ²⁶ Kute kimi kukhule tizatfu tekutibonga kuKhristu nangibuya kini futsi. ²⁷ Tiphatseni ngendlela lefanele livangeli laKhristu, noma ngita kutonibona noma angikho, ngitova ngani, kutsi nime nacina emoyeni munye, nangemcondvo munye wekubandzawonye nilwele kukholwa ngelivangeli ²⁸ Ningetfuswa ngulutfo lokuvela kulaba melene nani. Kutibonakaliso kubo tekufa , kepha kini sekusindziswa loku kuvela . ²⁹ Loku kusipho samahhala lesentelwe nine ngaKhristu hhayi nje ngekukholwa nguye kuphela, kepha nangetihlupheko ngaye, ³⁰ Waba nekulwa lokufanako lenakubona kimi, nyalo ke niyakuva ngami.