¹ Maye Ariyeli, Ariyeli, lidolobha lapho Davide ahlala khona! Ngeta umnyaka ngemnyaka; yenta imigubho yenu ite. ² Kodvwa ngitawuhlasela Ariyeli, futsi utawuzila alile; utawuba kimi njenga Ariyeli. ³ Ngitawuhlala ngihlasele nine ngendingilizi futsi ngibeke sihlalo ngekunihlasela nemabodza, futsi ngitawuvusa imisebenti yesihlalo kuwe. ⁴ Utawuletfwa phansi futsi ukhulume phansi; inkhulumo yakho itawuba phansi emhlabatsini. Liphimbo lakho litawuvakala ngatsi ngumoya lokhuluma emhlabatsini, futsi elutfulini inkhulumo yakho itawuhleba. ⁵ Inombolo lenkhulu yetitsa takho itawufana nelutfuli, nalabanengi labanelulaka batawuba njengemakhoba landlulako. Kutawenteka masinyane,ngekushesha. ⁶ Simakadze wesimemo utawuta kuwe ngekudvuma, ngesihhushu, umsindvo lomkhulu, nemimoya lenemandla nesangcotfo lesinelulaka, nemalangabi emlilo loshisako. ⁷ Kutawufana neliphupho, sibonakaliso sebusuku: libutfo lalo tonkhe letive titawulwa na Ariyeli nemabutfo akhe. Batamuhlasela nelibutfo lakhe limucindzetele. ⁸ Kutawuba ngatsi uma indvodza lelambile iphupha iyadla, kodvwa uma avuka, sisu sakhe asinalutfo. Kutawuba ngatsi indvodza leyomile ibhudza iyanatsa, kodvwa uma ivuka, uyacaleka, nemphimbo wakho ungakacedzi koma. Yebo, ngako kutawuba yinombolo lenkhulu yetive lelwa neNtsaba i zayoni. ⁹ Timangaliseni nimangale; tenteni timphuphutse nibe timphuphutse! Dzakwani, kodvwa hhayi ngeliwayini; yedzetela, kodvwa hhayi bhiya. ¹⁰ Ngoba Simakadze utsele kuwe umoya wekulala lokukhulu. Uvale emehlo akho, baprofethi, ubhonye netinhloko tenu, lababoniswako. ¹¹ Konkhe kwembulelwa kube kuwe njengemagama encwandzi levaliwe, le emadvodza angayinika loyo lofundzile, atsi, '' Fundza loku.'' Uphindze utsi, ''Angeke ngikhone ngoba kuvaliwe,'' ¹² Uma lencwandzi iniketwa loyo longakhoni kufundza, atsi, ''Fundza loku,'' Utsi, "Angeke ngikhone kufundza.'' ¹³ Somandla watsi, ''Labantfu laba beta dvute kimi nemilomo yabo bangibonga ngetindzebe tabo, kodvwa tinhlitiyo tabo tikhashane nami. Kubonga kwabo kwami kungumtsetfo kuphela wemadvodza lafundzisiwe. ¹⁴ Ngakoke, buka, Ngitawuchubeka ngente tintfo letinhle kulabantfu laba, simanga emva kwesimanga. Kuhlakanipha kwemadvodza abo lahlakaniphile kutawubhubha, nekucondza kwemadvodza lahlakaniphile kutawunyamalala. ¹⁵ Maye kulabo labafihla kakhulu emacebo abo kuSimakadze, nalabo tento tabo tisebumnyameni. Batsi, ''Loyo lobona tsine, naloyo lossatiko tsine?'' ¹⁶ Ugucula tintfo etule phansi! Umbumbi kumele afananiswr njenge libumba, kute lentfo leyentiwe itawusho ngaye loyentile, ''Akakenti mine,'' noma lentfo leyentiwe isho ngaye loyentile, ''Akacondzi"? ¹⁷ Ngesikhashana lesincane, Lebanon utawujikiswa ensimini, nensimu itawuba lihlatsi. ¹⁸ Ngalelo langa labangeva batawuva emagama encwandzi, nemehlo alabangaboni atawubona ngaphandle kwebumnyama lobukhulu. ¹⁹ Labacindzetelekile batawutfola kujabula, nalabamphofu emadvodzeni batawijabula kuLongcwele wa Israyeli. ²⁰ Ngoba lulaka lutawuma, labaphukutako batawunyamalala. Bonkhe labo labatsandza kwenta loku batawukhishwa, ²¹ ngubani ngeligama lowenta indvodza ibe ngulonelicala. Babeka lugibe kuloyo lofuna kulunga egedeni babeke kulunga phansi nemanga langenalutfo. ²² Ngakoke nguloku Simakadze lakushoko mayelana nendlu ya Jakobe-Simakadze, lowahlenga Abraham, ''Jakobe angeke asaba nemahloni, noma buso bakhe buphaphatseke. ²³ Kodvwa uma abona bantfwana bakhe, imisebenti yetandla tami, batawenta ligama lami libe ngcwele. Batalenta ngcwele ligama laLongcwele waJakobhe futsi batawuma ngekumangaliswa nguNkulunkulu waka Israyeli. ²⁴ Labo labanemaphutsa emoyeni batawuzuza kucondza, nalabakhononako batawufundza lwati.