¹ Sicalekiso kulomchelo wemhlobiso lotigabatisako logcokwa tidzakwa ta Ephraim, nakulembali lebunako yebuhle bayo lobumangalisako, lomhlobiso lobekwe enhloko yalesigodzi lesivundzile salabo labadzakwe liyawini! ² Buka, Simakadze utfumela munye lonemandla futsi locinile; njenge njengesangcotfo nemoya lobhubisako, njengemvula leshayelako nemanti lageletako; futsi utawulahla wonkhe umhlobiso phansi emhlabatsini. ³ Lomhlobiso lotigabatisako waletidzakwa ta Ephraim titawumyatselwa ngaphansi kwetinyawo. ⁴ Lembali lebunako yebuhle bakhe lobumangalisako, lesenhloko salesigodzi lesicebile, kutawufana nemkhiwa lovutswe kucala kungakafiki lihlobo, kute, uma umuntfu asibona sona, uma kusesesandleni sakhe, akunatse. ⁵ Ngalelo langa Simakadze wekumema utawuba ngumchele lomuhle, umchele lomuhle wesikhumbuto sebantfu bakhe, ⁶ umoya wekulunga wakhe lohlale ekuhluleni, nemandla alabo labajikela titsa tabo emagedeni abo. ⁷ Kodvwa nalaba bajayiviswa liyawini, bayendzetela nesinatfo lesidzakako. Umpristi nemprofethi bajayiva nesinatfo lesidzakako, futsi bamitiwe liwayini. Bayendzetela nesinatfo lesidzakanako, bayendzetela embonweni bajayive esincumeni. ⁸ Ngicinisile, onkhe ematafula abhonywe ngemahlanta, kute kubebete indzawo lehlobile. ⁹ Utawufundzisa kubani lwati, utawuchazela bani lomlayeto? Kulabo labayekeliswe lubisi noma kulabo labatsatfwe emabeleni? ¹⁰ Ngoba kungumyalo etukwe myalo, umyalo etukwe muyalo; umtsetfo etukwe mtsetfo; lana lokuncane nalapha lokuncane. ¹¹ Ngempela, ngetindzebe letidzelelako nelulwimi lwekuhamba utawukhuluma ebantfwini bakhe. ¹² Kadzeni watsi kubo '' Loku kuphumula, nika kuphumula kuye lodziniwe; futsi kuyaphumuta,'' kodvwa abatange balalele. ¹³ Ngako ligama laSimakdze litawuba ngumyalo etukwe myalo, uyalo etukwe myalo; umtsetfo etukwe mtsetfo, umtsetfo etukwe mtsetfo; lana lokuncane, lapha lokuncane; kute batawuhamba bawele emuva, baphuke,babanjwe phindze batfunjwe. ¹⁴ Ngako lalela livi laSimakadze, wena lohlekako, wena lobusa etukwe bantfu bakhe labase Jerusalema. ¹⁵ Loku kutawukwenteka ngoba ushito wena, " Sente sivumelwano nekufa, naSheol sifike ekuvumelaneni. Ngako uma lokushaya lokukhulu kwendlula, angeke kufike kitsi. Ngoba sente emanga siphephelo setfu, satsatsa indlu endzaweni lengemanga. ¹⁶ Ngako Somandla longuSimakadze utsi, '' Bona, ngitawubeka eZayoni sisekelo selitje, litje lelizamile, litje leliligugu, sisekelo lesiliciniso. Loyo lotsembako angeke ahlazeke. ¹⁷ Ngitawenta kuhlulela kube lutsi lesikalo, futsi nekulunga kube lilayini lekucondzisa. Sangcotfo sitawushanyela lesiphephelo semanga, nemanti esikhukhula atawengama lendzawo yekubhaca. ¹⁸ Sivumelwano sakho nekufa sitawusombululwa, nesivumelwano naSheol sitawukuma. Uma lesivunguvungu selulaka senga, utawunganywa ngiso. Uma ¹⁹ sengca, sitakwengama, kusa ngekusa kutawengca nelilanga nebusuku butowufika. Uma lomlayeto ucondziwe, utawubanga kwesaba. ²⁰ Ngoba umbhedze mufisha kakhulu kutsi indvodza itulule kuwo, nengubo incama kakhulu kutsi angatigoca.'' ²¹ Simakadze utawuvuka njengasentsabeni i Perazim; utativusa njenge sigodzi sa Gibeon atowenta umsebenti wakhe, umsebenti wakhe longakatayeleki, futsi ente tento takhe letimangalisiko. ²² Nyalo ngako yekelani kuphukuta, noma tibopho titawufaswa. Ngivile kuSomandla Simakadze wekumema, sincumo sekubhubhisa umhlaba. ²³ Nakani futsi nilalele livi lami; nakisisa futsi ulalele emagama ami. ²⁴ Ngabe umlimi lolima lilanga lonkhe atawuhlanyela, ulima umhlaba wodvwa? Ngabe uyachubeka ahlukanise futsi agumbe insimi? ²⁵ Uma sekalungisele umhlaba, akayisakati yini inhlanyelo, ahlanyele iKhumini, abeke emabele emigceni nebhali endzaweni lekahle, nesekugcineni? ²⁶ Nkulunkulu wakhe uyamutfuma, umufundzisa ngekuhlakanipha. ²⁷ Kungeta, lenhlanyelo ayikashaywa ngesiswebhu, noma inkalishi ihambe etukwe khumini; kodvwa khumini ushaywe ngeluswati, futsi ngelugodvo. ²⁸ Umbila uphansi wesinkhwa kodvwa akacosakali kakhulu, futsi emasondvo etikalishi takhe timbongolo tiyawusakata, timbongolo takhe atiwubulali. ²⁹ Naloku kusuka kuSimakadze wetimemo, lomangalisako emiyalweni nalomuhle kakhulu ekuhlakanipheni.