¹ Pawula, umpostoli waKristu Jesu ngekwentsandvo yaNkulunkulu, naThimothi mzalwane wetfu, ebandleni laNkulunkulu lelise Korinthe, nakubobonkhe bantfu baNkulunkulu labangcwele labakusosonkhe sifundza sase-Akhaya. ² Shangatsi umusa angaba kuwe nekuthula lokuchamuka kuNkulunkulu Babe wetfu neNkhosi Jesu Khristu. ³ Akabongwe Nkulunkulu naBabe weNkhosi yetfu Jesu Khristu. Ungu Babe wemusa naNkulunkulu wayo yonkhe indvudvuto. ⁴ Nkulunkulu uyasidvudvuta kutotonkhe tinhlupheko tetfu, kuze natsi sidvudvute labo labakunome nguyiphi inhlupheko. Sidvudvute labanye ngayoyona lendudvuto leyasebentiswa nguNkulunkulu kusidvudvuta. ⁵ Njengaloku letinhlupheko taKhristu tikhonela tsine, kanjalo nekudvudvuteka kwetfu kukhona nga Khristu. ⁶ Kepha uma sihlupheka, kungenca yekudvudvuta kwakho nensindziso yakho; futsi uma sidvudvutiwe,kungenca yendvudvuto yakho. kudvudvuteka kwakho kusebenta ngemandla uma uhlephulela ngesineke labasekuhluphekeni kunye lesihlupheka nabo. ⁷ Litsemba letfu mayelana nawe alinyakatiswa, ngoba siyati kutsi uma usahlephula ngetinhlupheko, nawe futsi uhlephula indvudvuto yetfu. ⁸ Ngoba asifuni nibe yintfo yinye, bazalwane, ngaletinkinga lesaba nato e-Asiya. Sasicilwa saphela ngalokungetulu kwemandla etfu singeke sabuyiseleka ngisho nasemphilweni. ⁹ Ngempela, sasinesijubo sekufa etikwetfu. Kepha loko kwasenta kutsi singabeki litsemba kitsi, esikhundleni silibeke kuNkulunkulu, lovusa labafile. ¹⁰ Wasikhukulula engotini lebulalako, futsi usetawusikhulula. ¹¹ Utakwenta loku njengoba nawe futsi usisitile ngemthantazo wakho. Ngako labanyenti batawusimelela baletse tibongo ngemusa wekulunga lesanikwa wona ngemithandazo yalabanyenti. ¹² Siyatichenya ngaloku: Imicabango yetfu ifakazela kutsi sitiphetse kulomhlaba ngebungcwele nangenhlitiyo letfobekile, singabambeleli enhlakanipheni yenyama kepha emseni waNkulunkulu. ¹³ Asinibhaleli lite leningeke nikhone kulifundza futsi nilicondze, futsi ngiyetsemba nitawucondza ngalokuphelele ¹⁴ njengoba nisivile kulesiceshana, kutsi ungatikhukhumeta ngatsi ngalelo langa leNkhosi yetfu Jesu, njengoba sitawutikhukhumeta ngawe. ¹⁵ Ngoba ngangitetsemba ngaloku, bengifuna kuta kuwe kucala, khona nitomukela inzuzo yetivakashi letimbili. ¹⁶ Bengisahlela kukuvakashela endleleni yami leya eMasedoniya.Bengisafuna kukuvakashela futsi eluhambeni lwami lelibuya eMasedoniya, nekutsi bese uyangitfumela endleleni yami leya eJudiya. ¹⁷ Ngalesikhatsi ngicabanga lendlela lena, bengicabanga kanyenti yini? ngabe ngihlela tintfo ngendlela yemazinga ebantfu, khona ngitowutsi ''Yebo, yebo'' na ''Cha, cha'' sikhatsi sinye? ¹⁸ Njengaloku Nkulunkulu atsembekile, asikusho kokubili''Yebo'' na ''Cha.'' ¹⁹ Ngoba Indvodzana yaNkulunku, Jesu Khristu, leyashunyayelwa ngitsi kini mine nginaSilasi naThimothi, ayisuye ''Yebo'' na ''Cha.'' Esikhundleni, wahlale angu ''Yebo.'' ²⁰ Ngoba tonkhe tetsembiso taNkulunkulu tingu ''Yebo'' kuye. Kungako futsi ngaye sitsi ''Amen'' kuleludvumo lwaNkulunkulu. ²¹ Nyalo nguNkulunkulu losicinisako tsine sinawe kuKristu, futsi lowasigcoba, ²² wabeka luphawu lwakhe tikwetfu wasinika Moya wakhe etinhlitiyweni tetfu njenge sibambiso saloku lokutawuta. ²³ Esikhundleni, ngibita Nkulunkulu atoba ngufakazi wami kutsi lesizatfu ngingetanga eKhorinthe kwakungukutsi nginonge. ²⁴ Loku akusiko ngoba sizama kwenta lukholo lwenu lube nguloku lesifuna kutsi lube ngilo. Esikhundleni, sisebenta nani nekujabula kwakho.