¹ Ngiyafisa kutsi ningibeketelele nami kulobulima. Kodvwa vele ningibeketele nami! ² Nginemona ngani! Nginemona lobunebu Nkulunkulu ngani, njengobe nganetsembisa emshadweni kumunye umyeni. Nganitsembisa kuniveta ningu labahlantekile ku Kristu. ³ Kodvwa nginekwesaba kutsi kungenteka, njengobe inyoka yakhohlisa Eva ngebucili, imicabango yenu kungenteka iphambuke kulokucinisekile nangekutinikela ngalokuhlantekile ku Kristu. ⁴ Asitsi kufika umuntfu akhulume lomunye Kristu kunaloyo lesimushumayelako. Nome asitsi wemukele umoya lowehlukile kunaloyo leniwemukele. Nome asitsi nemukele lelehlukile livangeli kunaleli lenalemukela. Niyatibeketelela letintfo ngalokuphelele! ⁵ Ngiyacabanga kutsi angisuye lomncane kulabo lababitwa ngulabakhulu- bapostoli. ⁶ Nome ngingaka ceceshwa ekukhulumeni, angisuye longakaceceshwa elwatini. Kuto tonkhe tindlela nato tonkhe tintfo sikwentile kutsi kwateke kuwe. ⁷ Ngonile yini ngekutitfoba kuze uphakame? Mine mahhala ngashumayela livangeli laNkulunkulu kini. ⁸ Ngatsatsa kulamanye emabandla ngekwemukela umnikelo kubo kuze nginikhonte. ⁹ Nangisenani benginesidzingo, angizange ngibe umtfwalo nakumunye wenu. Tidzingo tami tahlangabetwa bazalwane labachamuka eMacedonia. Kuko konkhe ngitilondvolotile kutsi ngingaba ngumtfwalo kini, futsi ngitawuchubeka ngente njalo. ¹⁰ Njengobe liciniso laKristu likimi, lokutibonga kwami ngeke kutfuliswe endzaweni yase Achaia. ¹¹ Leni? Ngobe anginitsandzi? Ngu Nkulunkulu lowatiko. ¹² Futsi loku lengikwentako ngitawuchubeka ngikwente, kuze kutsi ngitsatse lesento labangigceka ngaso kuze kutsi batibonge-batfolakale kuloku labakwentako ngulokufana nalesikwentako. ¹³ Loluhlobo lwebantfu baba babapostoli labedukisako neba khohlisi labasebentako. Bativeta kungatsi baba postoli ba Kristu. ¹⁴ Loku akumangalisi, ngobe naSathane wativeta ayingelosi yekukhanya. ¹⁵ Akumangalisi uma netikhonti takhe titiveta titikhonti tekulunga. Lokubi lokutakwenteka kutawube kuyimisebenti yabo lebafanele. ¹⁶ Ngiyasho futsi: Akubete locabanga kutsi ngisilima, kepha uma ningemukela njengesilima ngitotibonga kancane. ¹⁷ Lelengikushoko ngikusho ngekutibonga lokucinisekile- angikhulumi njengobe na Nkulunkulu abengakhuluma-ngikusho njenge silima. ¹⁸ Njengobe labanyenti bantfu batibonga ngekwenyama, ngitawutibonga. ¹⁹ Nitibeketelela netilima. Nihlakaniphile nani! ²⁰ Nitibeketelela nemuntfu uma anekwenta tigcili, uma anidla,uma anentisa intfo leningayitsandzi, uma atibona ancono kunani, nome anishaye esihlatsini. ²¹ Ngitawutsi kulelihlazo letfu besibutsakatsaka kukwenta loko. Uma umuntfu atibonga - ngikhulumisa kwesilima-nami ngitawutibonga. ²² BangemaHebheru yini? Ngingilo. Bangema Israeli yini? Ngingilo. Basitukulwane sa Abraham? Ngingiso. ²³ Batikhonti yini ta Kristu? ( Ngikhuluma ngatsi angikho engcondvweni) Ngingiso ngalokwecile. Ngibe ngiso ngisho nasekusebent ekuboshweni kanyenti , ngashaywa ngalokwecile, nekubhekana netingoti letinyenti tekufa. ²⁴ Kuma Juda ngemukela kasihlanu ' emashumi lamane yemivimba kwakhishwa sinye.' ²⁵ Katsatfu ngishaywa ngetindvuku. Ngake ngashaywa ngematje. Katsatfu ngilimala ngemkhumbi. Ngicitse busuku nemini ekhatsi nelwandle. ²⁶ Kanyenti ngihamba, engotini yemifula, engotini yetigebengu, engotini yebantfu bakitsi, engotini yabetive, engotini yasedolobheni, engotini yase hlane, engotini ye Lwandle, engotini yebafowethu labedukisko. ²⁷ Bengisemsebentini lolukhuni nase bulukhunini, kanyenti ngingabutfoli butfongo, ekulambeni nasekomeni, nasekuzileni, emakhateni nasebugcunwini. ²⁸ Ngetulu kwako konkhe, ngicindzetelwa ngumtfwalo wekukhatsalela onkhe emabandla. ²⁹ Ngubani lobutsakatsaka, ngingesiye lobutsakatsaka? Ngubani lowentiwe kutsi ashayise, ngingashi? ³⁰ Uma ngingatibonga, ngitawutibonga ngaloko lokukhomba butsatsaka bami. ³¹ Nkulunkulu na Babe weNkhosi Jesu, lodvunyiswa njalonjalo, uyati kutsi angicambi manga! ³² EDamaseku , lombusi ngaphansi kwe Nkhosi Aretas abegadze lidolobha lase Damaseku kuze bangibophe. ³³ Kodvwa ngehliswa ngelibhakede ngelifasitelo elubondzeni, ngaphunyuka esandleni sakhe.