1 Mungeyo twafanena kutetecha yonone ei tunayubu, nji twaka yendukela kwako. 2 Kakuli eli liywi linaambiwa kupitela mwa man'eloi linamonahalisha kukutinga, mi ama fosisa oshe nakukana kuyuba kuna wanahala mupuzo ufanenine, 3 honi kuma tutwesha kupunyuha ngepi apa tukana kutetecha ku puluso chikulu chongeyo? Echi cho puluso cho pili nachi ambiwa kwa Mulimu mi naku kolwisisa yetu kwao naliyubu. 4 Munako chimweya echo Mulimu yopo chi monalisha naisupo, mamakazo, mi nainu yo kushutana shutana ya mata, nakuatapela impo yo moya kucha mutato chae. 5 Neli kaha kuman'eloi nji Mulimu apake lifasi likeile, kwei tuambile. 6 Kupitanji, mumweya onapu upaki, yoambile, ''munu anyi, nji mumuyubele? Kapa mwana munu anyi, nji mumubabalele? 7 8 Onatende munu kanyonyo pashi kupita man'eloi; ona mupu mushukwe mu kanya na likute eli lipilwe ka alena. Ona paka inu yoshe kushi omaulu oye. ''kakuli neli okwae Mulimu naapaka inu yoahe. Kela ashiya shuwa shimweya kutuliwa mumata ae. Kono katwashi mona kale nji einu yoshe yaikala mu maata ae. 9 10 Kono twamumona oyu nangwishiwa kupita man'eloi pa kanyonyo, Jesu, onapiwa mushukwe o ulena mu kanya na kukutekiwa kabaka lyo manyando na lifu lyae, nji mushishemo sha Mulimu ona yubu lifu lyo munu oshe. Neli shemwa ka Mulimu, kakuli inu yoshe yaikala kaye mi kupita omwae, kuleta ana angi ku kanya. Neli kwaluka okwae kutenda mueteleli wo puluso choo kumana kupitela mu manyando aye. 11 Pakutenda nji oshe aili oyu kenishile naa akenishilwe oshe akwata matatekelo amwe. Kana kaaswabelile ku aishana nji aminae. 12 Aamba nji, '' kuma nikutaza lichina lyoe kwa aminange , kuma niimba kayoe mukachi cho mikopano.'' 13 Mi kame, '' kuma ni musepa.'' mi kame, '' mumone, yome kuno niikile mi anuke aa ananipu Mulimu.'' 14 Honi, omona nji anuke anakutapele mu nyama na mu unyinga, omu nashingi kukutapela munjila chimwe, nji shuwa e lifu lyae kuma lilesha oyu kwite maata ku lifu, oyo, satani. 15 Eyi neli ngeyo nji alukulule awo oshe ambukile lifu anayoyo upilo woo mu utanga. 16 Shemwa katusize man'eloi, kono lusika lwa Abrahama. 17 Honi neli kwa utokwa okwae kukufeka wenji aminae mu manjila oshe, nji atenda shishemo naku sepahala pakuikala omuprista mukulu mushihoni kuinu yoshe ya Mulimu, nji alete kukulombela ko ibi yo anu. 18 Kakuli Jesu oye ona nyanda naku likiwa, atwesha kutusa ao alikilwe.