¹ Kukale Mulimu kuma naamba kwaa ihwetu kupita mwa apolofita ka nako chingi mi muma njila mangi. ² Kono muno munako cho maungulo, ahaamba okwetu kupitela mwa mwanae, oyu naakete kubusa inu yoshe. Kupitela mwae Mulimu naye yopo panga lihalimu. ³ Yoye liseli lio kanya cha Mulimu, ku kumonahaza kwae.Aha kwata naku kwata yoshe pamweya ka liywi liaye. Yomana kuhupa ibi, yopo ikala pashi kulikaha lio shilyo lia Mulena muambakani ⁴ Ona ikala o mukulu kwa man'eloi ka lichina naashimbi likulu yonone kupita a machina oo oshe. ⁵ Honi ngelipi ku man'eloi Mulimu naamba, ''yowe mwanange, pelo ninekala ihoe''? Kapa ku man'eloi api oku naamba Mulimu nji, ''kuma niikala ihwae, mi kuma aikala mwanange''? ⁶ Kono kame, Mulimu yoleta mwana opili mu lifasi, yopo amba nji, ''oshe a man'eloi ahafanena kumu lapela. ⁷ Ya man'eloi aamba nji, ''yoye oyupangile e mioya cha man'eloi, na atanga aye amalimi o mulilo.'' ⁸ Kono kwa mwana aamba nji, ''olubona loye, Mulimu, lwa kamita na mita. Mulamu oye o mulenen'i o mulamu woye wo niti. Onashingi kuluka na kuchimba kuulwa mulao. ⁹ Honi Mulimu, Mulimu oye, ona kufuyu oli cho tabo kupita akoye.'' ¹⁰ ''Kuma tatekelo, Mulena, kumo nakuumba akaye. E lihalimu musebezi wa mumakaha oye. ¹¹ Kuma akuyunda, kono owe kuma waku zwelapili. Oshe kuma akukumanga wenji shiemba sho shikumango. ¹² Kuma oichingulukisha wenji shito shombula makaha, mi kuma akuchinjiwa wenji shiemba shoshi kumango. Kono mwakufeka, mi e myaka choye kachi manine.'' ¹³ Kono ku man'eloi api okwa naamba Mulimu nji nako choshe, ''oikale kulikaha liange lyo shilyo ene apa nitenda ila yoe shipula sho maulu oye''? ¹⁴ Kaha man'eloi oshe mioya echi chi sebelize, mi ana tumiwa kubabalela aa awana puluso?