1 Henyi Jesu apa nalimuka nji o mafalisi ana yubu ei atendile na kukolobeza a lutiwa angi kupita Joani, 2 hiwanga nji Jesu oye hemwa hiwanji a kolobeza kono neli alutiwa aye. 3 O hiya Judea na kuhuka kame ku Galileya. 4 Kono neli kwa utokwa nji ace ca Samaria. 5 Henyi yopo o keya ku tolopo ca Samaria, cihyaniwa Sikare, pepi na hibaka Jakobo naapa mwanae Josefa. 6 Olihima lya Jakobo pona likala. Jesu neli akatala ku mwendo wae yopo otongomana kunyonga no lihima. Neli nako ca mutanu na kamweya. 7 Mukaci no Musamaria o keya kwaku beta meyu, Jesu oamba okwae, "Onipeko meyu ninwe. 8 "Kakuli alutiwa aye kuma naca mutolopo kuka ula ilya. 9 Henyi mukaci no Musamaria omwambela, "kwa keya ngepi nji owe, kuikala Mujuda, wa ni lomba, ei no kunwa, ome no Musamaria?" Kakuli Majuda hiwanji ei atwehya kuku tapela na ma Samaria. 10 Jesu oalaba naku mwambela, "Nga ona kulimuka ompo ca Mulimu, nayu oambile okoe, 'Onipeko meyu, 'inga yowe ona mulombo, inga ona kupu meyu no moyo." 11 Mukaci yopo amba kwae, "Molyange, kokwite hikala kame lihima licoñi. Kupi henyi oko okwite meyu no moyo? 12 Kenanji omukulu, nji omukulu, kupita ihyetu Jakobo notupa lihima nakunwangamo, oye, wenji omu natendela anaye na imunanu yaye. 13 Jesu oalaba na kuamba kwae, "Yoshe oyunwa kwaa meyu kuma akufa linyotwa kame. 14 Kono oyunwa kumeyu a nakumupa hiwanji kufa linyotwa kame. Kono, omeyu nakumupa kuma akwikala liweluwelu lya meyu okwae, liwelaukile ku moyo no kuhapwa." 15 O mukaci oamba okwae, "Molyange, onipe omeyu nji kohina fa linyotwa kame kohinakeyanga kuno kwa kubeta meyu." 16 Jesu omuambela, "Oce, oke hyane humoe, oka huke kame kuno." 17 Omukaci oalaba na kuamba okwae, "Koni kwite mulume," Jesu oalaba, "Ona amba hiwana kwa mbanji kani kwite mulume." 18 Kakuli ona kukwata alume mutanu, henyi oyu okwite pano kenanji humoe. Ei ona amba ya hikuma." 19 O mukaci yopo amba kwae, "Molyange, hina mono nji omupolofita. 20 Akanyakulyetu kuma nalapelelanga peli lilundu, kono wa aamba nji Jelusalema hyonyiko hibaka anu a swanela kulapelela." 21 Jesu oamba okwae, "Oni tane, mukaci, onako ca keya eci mwa kulapela Tate kenanji peli lilundu kapa mu Jelusalema. 22 Mwa lapela ei mukana kulimuka. otwi twalapela ei tulimukile, kakuli okuyoihiwa kwa pana ku majuda. 23 Kono, nako cakeya, mane cina kumu apo alapeli nohikuma kuma akulapela Tate mu moya na muhikuma kakuli aa no ngeyo onyiko afaile Tate inji aikale alapeli aye. 24 Mulimu moya, na anu a mulapelile aswanela kumu lapela mumoya no hikuma. 25 Omukaci oamba okwae, "Nalimuka nji Mesia akeya(oyu oihyaniwa Kelesite). Apa akeya, kuma akutu himekeca oinu yoshe." 26 Jesu oamba okwae, "Yome, oyu oambile okoe. 27 Mweco nako alutiwa aye akahuka, Henyi kuma nakomoka kuwana yo ambile na mukaci kono hiwanji ko oyu no amba, "Ike yofaile?" ike yo faile kapa ike yo wambelile naye?" 28 Henyi mukaci o hiya hibetelo hyae, o huka ku tolopo, na kukaamba kwaanu, 29 "Mukeye, muya mone mulume oyu naniambele oinu yoshe hina kutenda. Oyu katwehye kuikala Kelesite, inji atwehya? 30 Opo a hiya tolopo na kukeya okwae. 31 Mweco nako, alutiwa ae amueleza kuambanji, "Rabbi, olye." 32 Kono yopo oambela, "Na kwata ilya ya kulya ei mukona kulimuka." 33 Henyi alutiwa amba ku mweya no mweya hwanji oyu na muletele eino kulya, inji anamuletele?" 34 Jesu oambela, "Oilya yange kutenda ei ahingile oyu onani tumu kwaku maninena olitenda yaye. 35 Ko mwambile nji , 'kuhihyalilile makweci mane cambu henyi okucola kwa keya? Na miambela, mutaneke na kumona yanda inebu onako no kucola cina kwana! 36 Oyu colile awana kui acolile na kuwaneka o miselo ku moyo no kuhapwa, inji oyu kumine nayu colile a wapelele pamweya. 37 Kakuli muo muambelo, 'Omweya akuna, akutula, wa hikuma. 38 Hina kumituma kwa kucola ei muna kukana kubelaka. Akwae ana kubeleka onwi mane mu peleko coo." 39 Ungi no Masmaria mowo muleneñi aitana kwae mulika no piho ca mukaci oyu na paka, "onaniambele inu yoshe inakutenda." 40 Henyi apa ma Samaria naa keyaokwae, Omulomba nji aikale noo, yopo oikala maiwa meli. 41 Angi kuma maitana muliba noli lii. 42 Aambela oyu mukaci, "kotwa hitana mulibaka lyoe no amba, kakuli otwi twa kahinda tuna yubu, tuna limuka nji oyu hemwa yomuyoihi no litunga." 43 Mumanyima no ao maiwa meli, yopo ofunduka kutunda oko kuca ku Galileya. 44 Kakuli Jesu oye kuma na amba nji mupolofita kakutekiwa mu litunga lyaye. 45 Apa na keya mu Galileya, A Galileya amutambula. Kuma namona inu yoshe na tenda mu Jelusalema pa mukiti, kakuli nao neli aca ku mukiti. 46 Henyi yopo keya kame ku Kana mu Galileya, oko na alula meyu veine. Kuma na kuikala nduna no ku muleneñi mu Kapenauma oyu no kolela mwanae. 47 Apa nayuba nji Jesu ona keye ku Galileya, kutunda ku Judea, oca kwa Jesu na kuka mulomba nji akeye kuya yoihya mwanae, oyu nohinga kufa. 48 Henyi Jesu oamba okwae, "Ene apo mona isupo nai noku komokihya, hiwanji kwitana. 49 Nduna oamba kwae, "Mulena, okeye mwanange pano a ulwa kale nakufa. 50 Jesu omuambela, "Oce mwanoe muyumi." Oyumulume oitana lii na mwambela Jesu, yopo oca. 51 Yo hicile ngeyo, atanga ae a mumbatawela, naku yaamba nji mwanae a yoya. 52 Henyi yopo oaipula nako anatateke kuikala hiwana. Yopo a mualaba, "Hingola muhola ca mutanu na meli o shiki yopo ci muhiya. 53 Henyi muhyemi o lemuha nji neli conyiko nako eci Jesu na muambela, "Mwanoe a yoya." Henyi yopoitana oye na anjiyo cae oshe. 54 Ehi hyonyiko hisupo hya wili ehi na tenda Jesu yo tunda mu Judea kuca mu Galileya.