¹ Jesu nakali kwiinda ,wakabona musankwa wakali moofu kuzwa mukuzhyalwa kwakwe. ² Bashichiya bakwe bakamubuzhya, ''Bayi,nguni wakabisha muntu uyu olo mbazhyali bakwe, kwamba kuti abe moofu?'' ^{4 3} Jesu wakabakumbula, "taku nakabisha olo bazyali abantu pakwamba abe moofu, pele incito ya Leza ibonekele alinguwe. Tulizyi tu sebenze inchinto ya oyu wakandituma nali malumwi, ashika mashiku taku kusebenza. ⁵ Nindichili munyika ndime mumuni wanyika." ⁶ Jesu nakamana kwamba makani aya, wakashipa mate akwe ansi, aku panga matipa kusebenzebeshya mate,alimwi akuli nanika matipa kumenso amuntu uyu. ⁷ Wakamba kuli nguwe , ''koya; ukasambe mumazhyi a siloam uyu musankwa ''wakaunka, mukusamba ,alimwi wakajokela kaboona. ⁸ bashimikobo ba musankwa uyu ababo bakamubona mazuba amunshyi bakamba sa tali musankwa wali kulomba a kulombelela.?'' ⁹ Bamwi bakamba, 'kuti ngunguwe bamwi bakamba ''kuti wakonzhyanya anguwe.'' walo wakabambila ,kuti ngunguwe". ¹⁰ Bakamba kuli nguwe " ino menso aako akajaluka buti?'' ¹¹ Wakabambila kuti, ''musankwa witwa kuti Jesu wakapanga matipa akunanika kumenso alimwi wakandambila kuti ndikasambe, ' mumuzhyi wa siloam, 'ndakaunka akusamba, ninda kamana ndakabona.'' ¹² Bakamwambila kuti ,''ino ulikuli?" wakabakumbula, nsinzhyi.'' ¹³ Bakamuleta uyu muntu watali kulanga kumafalisi. ¹⁴ Ino mwakali munsabata Jesu nakapanga matipa akujalula meenso akwe muntu uyu. ¹⁵ alimwi bamafalisi bakamwipusha mbuli mbwakalanga. wakabambila kuti wakambika matipa kumenso ndakasamba alimwi ndakabona. ¹⁶ bamwi bamafalisi bakamba, kuti "uyu muntu tazwi kuli Leza mkambo tana kabamba sabata" bamwi bakamba kuti,''ino muntu mubishi inga wapanga malele?'' kwaba kwandana muli mbabo. ¹⁷ alimwi bakamubuzhya moofu, ino wamba buti amuntu uyu mbwinga waka jalula meenso?'' moofu wakamba kuti ''oyu muntu mushinshimi.'' ¹⁸ Bamajuda tibakashoma kuti uyu muntu tana kali kubona mpaka baka bushya bazhyali bakwe. ¹⁹ Baka buzhya bazhyali bakwe, "sa mwanenu wakazhyalwa kaali moofu? ino nkambo nzhyi sunu ulabona?" ²⁰ Bazhyali bakwe bakakumbula kuti uyu mwanesu alimwi wakazyalwa moofu. ²¹ Ino nkambonzhyi sunu ulabona ino nguni wakamujalula meenso tatuzhyi, amumubuzhye ,munene. iinga walyambila.''. ²² Bazhyali bakwe bakamba zhyintu ezhyi, nkambo bakali kuloonda bajuda.nkambo ba juda balipangene kuti ambe Jesu ngu kilisitu,bala musowa anzee a chikombelo. ²³ Nkambo kachechi, bazhyali bakwe bakamba kuti, amumubuzhye muntu munene iinga walyambilila.'' ²⁴ kuciindi chabili baka mwita uyu musankwa watakali kubona aku mwambila "kopa bulemu kuli leza tulizhyi kuti oyu muntu ngushizhyibi." ²⁵ Musankwa wakakumbula kuti ''nsizhyi nangu shizhyibi,nchintu chomwi ncezhyi; kuti tindali kulanga sunu ndalanga.'' ²⁶ Baka mubuzhya kuti, ''ino waka kucita buti? ,ino wakakujalula buti menso?'' ²⁷ Wakakumbula, "kuti ndakamwambila kale, alimwi timwakatelela! ino kambo nzhyi mulayanda kuchitelela alimwi? timwa mwakayanda kuba basichiya bakwe sa mwakayanda?" ²⁸ Bakamutukana akwamba kuti, "ndiwe sichiya wakwe, iswe tuli basichiya ba Moses. ²⁹ Tulizhyi kuti Leza wakambaula a moses ,sa tulizhyi uyu muntu nkwa zwa.'' ³⁰ Musankwa wakabakumbula ati, chandabwisha, kuti tamuzhyi uyu muntu nkwa zwa, amane wakandijalula meenso kuti ndibone. ³¹ Tulizhyi kuti Leza tateleli bantu babisha, ino olo muntu kaali mubishi,amana kachita kapaila Leza akuchita luyando lyakwe, ulamutelela. ³² Kuzwa nyika niya kalengwe takuna kutelelwa kuti umwi muntu waponya moofu kuti abone. ³³ Uyu muntu natali kuzwa kuli Leza, ninga tapangi malele. " ³⁴ Bakamukumbula akwamba kuli ''nguwe wakamanina kuzhyalwa muchinyonyono, amana koyisha ndiswe?" nibakama bakamusowela anze. ³⁵ Jesus nakatelela ati uyu muntu bakamusowa anze,achikombelo.wakamujana akumwambila kuti ,''sa ulashoma mumwana wa muntu?'' ³⁶ Wakakumbula kuti ino nguni, mwami kuti ndishome, muli nguwe.? ³⁷ Jesu wakamba kuli nguwe, waka mubona alimwi,ngu oyo ngowambaula anguye". ³⁸ musankwa wakamba kuti ''mwami,'' ndashoma ,alimwi waka mukomba. ³⁹ Jesu wakamba kuti kukubeteka ndakabola munyika kwamba kuti abo bantu bataboni inga babona. ⁴⁰ Bamwi bafalisi bakali anguwe bakatelela zhyintu ezhyi alimwi akumubuzhya, sa andiswe tuli boofu?'' ⁴¹ Jesu wakamba kuli mbabo,''na mwakuli boofu, nimwanyina chinyonyono, ono mwamba kuti 'tulabona' ngona chibi chashala mulindimwe.''