¹ Naakamana jesu kwaamba izhi zhintu wakayamuna meenso kujulu ,akawaamba" taata ciindi chasika amupe Bbulemu mwana anu kwaamba ati mwana anu amupe Bbulemu. ² Bweenka mbuli mbumwampa nguzu pamuntu wanyama oonse kwamba nga wapa buumi butamani kuli woonse ngumwapa kuli nguwe. ³ Ubu mbuumi butami kwaamba ati bamuzhibe leza eenka wachobene alimwi awalo ngu mwatuma jesu klistu. ⁴ ndapa Bbulemu kuli ndimwe panyika ndamanizha incito njimwampa kwaamba ati ncite. ⁵ Ono taata amumpe Bbulemu pantomwe andimwe a Bbulemu mbunda kacite nyika kaitana akupangwa. ⁶ ndakashibya izhina lyanu kubantu balo mbumwakampa kuzwa munyika bakalinga banu amane mwaka bapa kuli ndime alimwe basunga magwalo anu. ⁷ Ono balizhi kwaamba ati zhoonse zhimwampa zhilazwa kulindimwe. ⁸ kaambo ndabapa oonse magwalo ngumwakampa bakatambula alimwi ncobeni akuzhiba kwaamba .ati ndakazwa kulindimwe, alimwi bakashoma kwamba ati mwakantuma. ⁹ ndaba pailila ,shipailili nyika pesi abo mbumwakampa nkaambo mbanu . ¹⁰ zhoonse nzhanngu nzhanu,alimwi nzhanu nzahangu alimwi tapewa Bbulemu muli mbabo. ¹¹ shichili munyika pesi aba bantu bali munyika amane ntokuza kulindime. taata usalala amuba sunge muzhina lyanu ndimwampa kwaamba ati babe bomwi mbuli mbutuli bomwe. ¹² nindakalinga abalo ,ndakabasunga muzhina lyanu ,lyalo ndiwampa ,ndakabwabilila alimwi taaku olo omwi wakanyonyonoka ,kunze kwa mwaana musankwa wa kwaamba kuti magwalo azuzhishikwe. ¹³ Ono ntokuza kulindime ,pesi ntokukwaanda izhi zhintu kwaamba ati inga baba akukondwa ,kwaangu kuzuzhikishiwa muli mbabo beene. ¹⁴ Ndabapa magwalo anu ,alimwi nyika ,yakaba kaka nkaambo tabali banyika ,bweenka mbuli mbuuntali wamunyika. ¹⁵ Nshito kulomba kulindimwe kwaamba ati mubagushe pa nyika ,pesi kwaamba ati mubakwabilile kuzwa ku mubiyabi. ¹⁶ tabali ba nyika ,bweenka mbuli mbuntali wanyika. ¹⁷ amubabike ambali kwindilila mu ncobeni mazwi anu nga ncobeni. ¹⁸ Bweenka mbuli mbumwakantuma munyika ,bweenka nda batuma munyika. ¹⁹ nkaambo ka mbabo ndalibika ambali , kwaamba ati abalo bakamumwini inga babikwa ambali mu ncobeni, ²⁰ nshipailili bo aba beenka ,pesi abaabo boonse bashi baka shoma muli ndime kwiinda mazwi abo. ²¹ kwamba ati boonse babe bomwi , bweenka mbomumubele ,tatat bali muli ndime, alimwi andime mulindimwe. abalo ababe muli ndiswe kucita kubamba ati nyika ibashome kwaamba ati mwantuma. ²² Bbulemu mbukampa ndabapa kucita kwaamba ati babe bomwi ,bweenka mbutuli bomwi; ²³ ime muli mbabo ,andimwe muli ndime-kwaamba ati babe bajatane cakumanina, kucita kwaamba nyika izhibe ati mwakantuma ,alimwi mwabayanda bweenka mbumwaka nyanda. ²⁴ tata ndayanda boonse mbumwakampa babe andime nkumbele akubona ,akubona bulemu bwaangu mbumwakampa mwakayanda nyika kaitana akulengwa. ²⁵ taata noluleme ,nyika tiyakalinga kukuzhi ,pesi ndikuzhi abaaba balizhi kwaamba ati mwakantuma. ²⁶ Ndakalizhibya zhina lyanu kuli mbabo ,alimwi ndakalizhibiya ,ati luyando ndumwaka nyanda lube muli mbabo alimwi andime muli mbabo.