¹ Kapena simuziba abale (Chifukwa nikamba nabanthu bamene baziba lamulo), kuti lamulo ima lamulila muntu umoyo wake onse? ² Pakuti mkazi wokwatiliwa niwomangika na lamulo kuli mwamuna wake pamene akali moyo. Koma ngati mwamuna wake wafa,ankhala omasuka ku lamulo ya chikwati. ³ Kotelo pamene mwamuna wake akali na moyo,ngati ankhala namuna winangu anankhala mkazi wachigololo. Koma ngati mwamuna wake wafa,ankhala omasuka ku lamulo, sankhala wachigololo ngati ankhala na mwamuna winangu. ⁴ kotelo abale munapangiwa bakufa ku lamulo kupitila muthupi ya Yesu Christu.Ichi chili telo kuti mukaphatikizane kuli wina,ndiye kuti,kuli uja wamene anaukisiwa kwa akufa kuti tikabale zipaso kwa Mulungu. ⁵ Pakuti pamene tenze muthupi,muzilako lako zauchimo,zoukisidwa na lamulo,zinali pantchito mumathupi athu kubala zipaso za infa. ⁶ Koma lomba tamasuka ku lamulo.Tinafa kuli chija chamene chinatipanga ukapolo. Ichi chinankhla telo kuti tikatumikile mu umoyo wasopano mumuzimu,osati mukalata yakale. ⁷ Tizakamba chani manje? Ninshi lamulo nichimo payeka? Chisankhale telo, koma sembe sininazibe chimo, kuti sichinali kupitila mu lamulo.chifukwa sembe sininazibe kukhumbwila chamwine pokhapo lamulo yakamba, ⁸ Koma chimo inatenga Mpata kupitila mu lamulo nakuleta chilakolako muli ine. Pakuti kulibe lamulo chimo niyaakufa. ⁹ Panthawi inangu nenze wamoyo kulibe lamulo,koma pamene lamulo inabwela,chimo inankhala na moyo ndipo ninfa. ¹⁰ Lamulo yamene yenzofunika kuleta omoyo inasanduka infa kuli ine ¹¹ Pakuti chimo inankhala na Mpata kupitila mu lamulo nakunama ine.Kupitila mu lamulo inanipaya. ¹² Kotelo lamulo niyoyela, ndipo lamulo niyolungama, niyoyela, ndipo niyabwino. ¹³ Manje ninshi chabwino chinankhala infa kuli ine?Chisankhale telo. Koma chimo kuchitila kuti ikaonekele kuti nichimo, kupitila mu chamene nichabwino, chinabwelesa infa muli ine.Ichi chinachitika kuti kupitila mu lamulo, kuti chimo ikankhale chimo kupitilila malile. ¹⁴ Pakuti tiziba kuti lamulo niyauzimu, koma ine ndine waku thupi.Ninagulisiwa ku ukapolo wa chimo. ¹⁵ Pakuti chamene nichita,sinimanimnvesesa,chifukwa chamene nifuna kuchita,sinichichita,ndipo chamene nizonda ndiye chamene nichita. ¹⁶ Koma ngati nichita chamene sinifuna kuchita,nigwilizana na lamulo kuti lamulo niyabwino. ¹⁷ Koma manje sindine wamene achichita ichi, koma chimo yamene inkhala muli ine. ¹⁸ Pakuti niziba kuti muli ine, ndiye kuti mu thupi yanga,mulibe chabwino. Chilakolako cha zinthu zabwino chilimo muli ine, koma sinikwanisa kuchichita. ¹⁹ Pakuti chabwino chamene niifuna sinichita,koma choipa chamene sinifuna kuchita,ndiye chamene nichita. ²⁰ Manje ngati nichita chamene sinifuna kuchita,ninshi sindine nichichita, koma chimo yamene inkhala muli ine. ²¹ Nipeza kansi lamulo muli ine kuti nifuna kuchita chabwino, koma choipa ndiye chili muli ine. ²² Pakuti nisangalala na lamulo ya Mulungu na munthu wamkati, ²³ Koma niwona chinthu chosiyana muziwalo za thupi yanga. Chimenyana na ichi chinthu chanyawane munzelu zanga. Chinisunga ukapolo na nkhani ya uchimo muziwalo zathupi yanga. ²⁴ Ndine munthu obvutisidwa,ndani azanimasulako ku infa yathupi? ²⁵ Koma tionga Mulungu kupitila mwa Yesu Christu mfumu yathu.Kotelo ine nitumikila lamulo ya Mulungu na nzelu zanga. Koma na thupi yanga nitumikila mphamnvu yauchimo.