Salimo ya Davide. ¹ Yehova, nililila kuli imwe; bwelali kuli ine musanga. Munimvele ine pokuitanani. ² Pempelo yanga inkale monga vofukiza pamenso panu; manja yanga mumwamba monga nsembe ya kumazulo. ³ Yehova, ikani kamalonda pakamwa panga; sungani komo ya mulomo wanga. ⁴ Mutima wanga usakumbwe choipa chilichonse kapena kuchita nabo pamozi voipa bantu bochita voipa. Nisadyeko vambwino vao vilivonse. ⁵ Muntu wolungama animenya; chizankala chabwino kuli ine; Musiyeni anibweze ine; yazankala ngati mafuta pamutu panga; mutu wanga usakane kuyalandila koma pempelo yanga ntau zonse imashushana na voipa vao. ⁶ Basogoleli bao bazagwesewa kuchokela pamwamba pa vimyala vikulu ; bazamvela kuti mau yanga ni yokondwelesa. ⁷ beve bazakamba ati, “Monga mwamene muntu amalimila na kupwanya ntaka, ndiye mwamene mabonzo yatu yamwazyikilana pamulomo pa sheol. ⁸ Zoona, menso yanga yali pali Imwe, Yehova, Yehova; muli Imwe ndiye mwamene nitabila; musasiye umoyo wanga ninshi ulibe chonichingiliza. ⁹ Munichingilize ku misampa yamene bani ikila, Ku misampa ya bochita voipa. ¹⁰ lekani boyipa bagwele mumasumbu yao, ine nipulumuke.