¹ Nyimbo yokwela. Yehova, chifukwa cha Davide, kumbukilani masauso yake yonse. ² Kumbukilani mwamene analumbilila Yehova, mwamene analumbilila Wamphamvu wa Yakobo. ³ Anakamba kuti , “Sinizangena muchi hema cha munyumba mwanga, kapena kulowa pabedi yanga, ⁴ sinizapasa manso yanga tulo kapena mpumulo ku zikope zanga ⁵ mpaka nikapeze malo ya Yehova, chihema cha Wamphamvu wa Yakobo.'' ⁶ Onani, tinamvela ku Efrata; tinaupeza muminda ya Yaari. ⁷ Tizalowa muchihema cha Mulungu; tizalambila pa chopondapo pamendo yake. ⁸ Nyamukani, Yehova, ku mpumulo wanu, Imwe na likasa ya mphamvu yanu! ⁹ Bansembe banu bavale ungwilo; okhulupilika banu akambe mokondwela. ¹⁰ Chifukwa cha Davide mutumiki wanu , musapatuke kuli wozozedwa wanu mfumu. ¹¹ Yehova analumbilia Davide na lumbilo losimikizilika kuti sazabweza eve : “Nizaika umozi wa mbadwo wako pamupando wako wachifumu. ¹² Ngati bana bako basunga chipangano changa na malamulo yamene nizabaphunzisa, bana bonse bazankhala pamupando wako wachifumu wamuyayaya.” ¹³ Zoona Yehova wasanka Ziyoni , ndipo wamufuna kuti unkhale mupando wake. ¹⁴ “Apa ni malo yanga yopumulilamo mpaka muyayaya. Ndipo nizankhala pano, chifukwa nimamufuna . ¹⁵ Nizamudalisa kwambili na chakudya. nizakhutisa bosauka bake na buledi. ¹⁶ Bansembe bake nizabavalika chipulumuso, okhulupilika bake azafuula mokondwela . ¹⁷ Kwamene uko nizameresa nyanga ya Davide ndipo nizamuyashila nyali wozozedwa wanga. ¹⁸ Adani bake nizabavalika manyazi, koma korona wake izawala pali iye.