¹ Nizalemekeza Yehova na moyo wanga wonse, Yehova Mulungu wanga, ndimwe bakulu; mwavaliwa ulemerero na ukulu. ² Mumaziphimba na kuwala monga chovala; munayala kumwamba monga nsalu yochinga. ³ Mumayalila zipinda zanu mu makumbi; mupanga makumbi galeta yako; mumayenda pa mapiko a mphepo. ⁴ Apanga mphepo mutumiki wake, malawi yamoto ya kapolo wake. ⁵ Anakazikisa maziko ya ziko yapansi, ndipo silizagwedezeka ku ntawi zonse. ⁶ Munaphimba ziko yapansi na manzi monga chovala; manzi anaphimba mapili. ⁷ Kuzuzula kwanu kunaphwanyisa manzi; pa kunveka kwa ya mabingu anu banataba. ⁸ Mapili anakwela ndipo zigwa zinasikila kumalo kwamene munawaikila. ⁹ Munawaikila malile kuti basaoloke; sibazaphimba ziko yapansi. ¹⁰ Anachitisa kasupe kuyenda muzigwa; misinje kuyenda pakati pa mapili. ¹¹ Amatila manzi nyama zonse za munsanga; ma kavalo bamunsanga yasiliza chilaka chao. ¹² Mumpepete mwa misinje tunyoni tumanga zisa zawo; zimayimba pakati pa ntambi. ¹³ Amwesa mapili kuchokela muzipinda zake zamazi zakumwamba. ziko yapansi yazaza na zipaso za nchito yake. ¹⁴ Amamelesa musipu wa ng’ombe, na zomela zoti bantu bazimele, kuti muntu babeleke chakudya muntaka. ¹⁵ Amapanga vinyo kuti bakondwelese muntu, mafuta opangisa nkope yake kuwala, na chakudya chochilikiza moyo wake. ¹⁶ Mitengo ya Yehova ipeza mvula yambili; mikunguza ya ku Lebanoni yamene anashanga. ¹⁷ Tunyoni tumanga zisa zawo. Dokowe apanga mutengo wa mukuyu nyumba yake; ¹⁸ Mbuzi zamunsanga zimankala pamapili yatali; pamwamba pa mapili ndiye potabilako mbila. ¹⁹ Anaika mwezi kuzindikisa nyengo; zuba limaziba ntawi yake yakulowa. ²⁰ Mumachitisa mudima wausiku pamene zilombo zonse za munsanga zimatuluka. ²¹ Mikango ikubangula nyama, nakufunafuna cakudya cao kuli Mulungu. ²² Pamene zuba inyamuka, zimabwelela mumbuyo nakugona mumapanga yawo. ²³ Pakali pano, bantu bamapita ku nchito zawo na kugwila nchito mpaka mazulo. ²⁴ Yehova, nchito zanu nizochuluka! Munazipanga zonse na nzelu; ziko yapansi izasefukila na nchito zanu. ²⁵ Kumeneko kuli nyanja yakuya ndi yotakata, yozala na zolengewa zosabelengeka, zing'ono nazikulu . ²⁶ Zombo zimayenda kwamene, ndipo Leviathan aliko, wamene munapanga kuti azisewela munyanja. ²⁷ Zonse izi ziyangana kuli imwe kuti muzipase chakudya chawo pa ntawi yake. ²⁸ Mukabapasa, bamasonkanisa; posegula kwanja yanu, zikuta. ²⁹ Mukabisa nkope yanu, zizunzika; mukachosa mpweya yao, bamafa nakubwelela kufumbi. ³⁰ Pamene mutumiza muzimu wanu, zilengewa, ndipo mukonzanso kuminzi. ³¹ Lekani ulemelelo wa Yehova ankale kwamuyayaya; Yehova akodwela na volenga vaka. ³² Amayangana pa ziko ya pansi, ndipo injenjema; amagwila mapili, ndipo bankala na chusi ³³ Nizayimbila Yehova moyo wanga wonse; nizayimbila zolemekeza Mulungu wanga masiku yonse ya moyo wanga. ³⁴ Malingalilo yanga ankale okoma kuli eve; Nizakondwela muli Yehova. ³⁵ Bochimwa awonongeke paziko yapansi, ndipo boipa asankalepo. Nimatamanda Yehova na moyo wanga wonse. Tamandani Yehova.