Pemphelo ya wozunzika atalefuka na kusanulila malilo yake pamaso pa Yehova. ¹ Nvelani pemphelo yanga, Yehova; nvelani kulila kwanga kuli imwe. ² Musanibisile nkope yanu muntawi yamavuto. Nimveleni. Nikaitana kuli imwe, muniyanke moyendesa. ³ Pakuti masiku yanga yapita ngati chushi, ndipo mafupa yanga ayaka monga mulilo. ⁴ Mutima wanga wapwanyiwa, ndipo nakala monga uzu wofota. Nimayibala kudya chakudya chilichonse. ⁵ Na kuwuluma kwanga kosalekeza, nayonda kwambili. ⁶ Nakala monga vuwo wa muchipululu; Nankala monga kazizi mumabwinja. ⁷ Nigona neka monga kanyoni kokazikika, keka padenga ya nyumba. ⁸ Badani banga banitonza siku yonse; bamene baninyoza basebenzesa zina yanga kutukwana. ⁹ Nimadya milota monga mukate nakusakaniza chakumwa changa na misozi. ¹⁰ Chifukwa cha kukwiya kwanu kukali, mwaninyamulila kuti munigwese pansi. ¹¹ Masiku yanga ali ngati chintunzi wofota, ndipo nafota monga uzu. ¹² Koma imwe, Yehova, nkalani wamoyo kwamuyayaya, mbili yanu ifikila mibadwomibadwo. ¹³ Imwe muzauka na kuchitila chifundo Ziyoni. Manje ndiye ntawi yakumuchitila chifundo; ntawi yoikika yafika. ¹⁴ Pakuti mutumiki wanu alemekeza miyala yake, ndipo achitira chifundo fumbi ya mabwinja yake. ¹⁵ Mitundu izalemekeza zina yanu, Yehova, ndipo mafumu yonse ya ziko yapansi izalemekeza ulemelelo wanu. ¹⁶ Yehova azamanga Ziyoni ndipo azawonekela mu ulemelelo wake. ¹⁷ Pa ntawi iyo azayanka pemphelo ya bosowa; sazataya pemphero yawo. ¹⁸ Izi zizalembedwela mibadwo yakusogolo, ndipo bantu bamene sanabadwe azatamanda Yehova. ¹⁹ Pakuti ayangana pansi kuchokela ku malo opatulika; ali kumwamba Yehova ayangana ziko yapansi; ²⁰ kumva kuwuluma kwa bakaili, kumasula bamene banaweluziwa kuti bapaiwe. ²¹ Pamenepo bantu bazalengeza zina ya Yehova mu Ziyoni nda chitamando chake mu Yerusalemu ²² pamene mitundu ya bantu na ufumu bazasonkana pamozi kuti batumikile Yehova. ²³ Achosa mphamvu zanga pakati pa moyo. Afupikisa masiku yanga. ²⁴ Ninakamba kuti, “Mulungu wanga, musanichose pakati pa moyo; muli pano ku mibadwomibadwo. ²⁵ Kale munakazikisa ziko yapansi; kumwamba ni nchito ya manja yanu. ²⁶ bazawonongeka, koma muzakalapo; bazakalamba monga chovala; monga chovala, muzabavula, ndipo bazasoba. ²⁷ Koma simuchinja, ndipo zaka zanu sizizasila. ²⁸ Bana ba akapolo banu bazakala na moyo, ndipo bobadwa mumbuyo mwawo bazankala pamaso panu.”