¹ iwe, mwana wanga, limbikitsidwa mu chisomo chamene chili mwa yesu khristu. ² zinthu zamene munamvera pakati pa mboni zambiri, ziperekeni ku banthu bokulupilika bamene bazakwanisa kupunzisa benangu. ³ Bvutikani na ine, kwati mu silikali wabwino wa yesu khristu. ⁴ Palibe musilikali wamene agwira nchito pamene ali na zinthu zobvuta zambiri za umoyo, kuti akondwerese basogoleri bake. ⁵ Komanso, ngati winangu apikisana pa kutamanga, sapasidwa mphoto pokapo ngati wasata malamulo. ⁶ nikofunikira kuti mulimi olimba pa nchito alandira gawo lake la mbeu poyamba. ⁷ Ganizirani zamene nikamba, pakuti mulungu azakupasani kumvesesa pa zonse ⁸ Kumbukirani yesu khristu, kuchoka ku mbeu ya davide, wamene anaukisidwa kwav akufa. Izi ni kulingana na uthenga wabwino wanga, ⁹ Wamene nibvutikira mpaka kunkhala kwati kawalala mu zingwe. koma mau ya mulungu siyali mu zingwe. ¹⁰ Kotero nipilila zinthu zonse kamba ka iwo bamene ni bosankhidwa, kuti nabeve bapeze chipulumuso chamene chili mwa khristu yesu na ulemelero wosatha. ¹¹ zonena izi ndi zokulupilika: "ngati tafa nayeve, tizankhalaso na moyo nayeve. ¹² Ngati tilimbika, tizalamulira nayeve. ngati timukana, nayeve azatikana, ¹³ ngati ndife osakulupilika, yeve ankhala okulupilika, chifukwa sangazikane yeka. ¹⁴ Pitirizani kuwakumbusa pa zinthu izi. muwachenjeze pamaso pa mulungu kuti sibafunika kuyambana pa mau. chifukwa cha ichi palibe chinthu chapindu. chifukwa cha ichi pali chionongeko kwa iwo bamene amvera. ¹⁵ Muyesese kuzipereka kwa mulungu ngati wamene avomelezedwa, wanchito wamene alibe chifukwa chochitira nsoni, wamene apunzisa mau ya chilungamo. ¹⁶ Pewani zokamba zopanda pindu, zamene zipangisa kuti munkhale kutali na umulungu. ¹⁷ Vokamba vao vizayenda monga gangari. Mwa iwo pali hymenaesus ni philetus, ¹⁸ aba ni banthu bamene baphonya choonadi. Bakamba kuti kuukisidwa kunachitika kudala. Bapindamula chikulupiliro cha benangu. ¹⁹ Koma, maziko yolimba ya mulungu yaimilira. yali na zolembedwa izi: "ambuye aziba wamene ali wake"na "aliyense wamene akamba pa zina la mulungu ayenera kuchoka ku njira zoipa." ²⁰ Mu nyumba yochita bwino, mulibe zikopo chabe za golide na siliva. muli zikopo za mitengo na dothi. zina mwa izi ndi zogwirisa nchito molemekezeka, na zinango nchito zosalemekezeka. ²¹ Ngati winangu azisuka yeka pa nchito zosalemekezeka, ankhala chikopo cholemekezeka. apatulika, chofunikira kwa mwini wake, na chokonzedwa pa nchito zabwino. ²² thabani chilako-lako. funani chiyelo, chikulupiliro, chikondi na mutendere na iwo bamene baitana pa ambuye na mtima oyera. ²³ Koma kanani upuba na mafunso ya ufontini. muziba kuti yamabala mukangano. ²⁴ Kapolo wa mulungu safunika kuchita mukangano. ²⁵ Mumalo mwake ayenera kunkhala odekha mtima kwa aliyense, okwanisa kupunzisa,na ofasa. ayenera kupunzisa mwachilungamo bamene bamushusha. mulungu angabapulumuse kamba ka nzeru za zoona. ²⁶ Bangankhalenso bwino na kuleka musampha wa satana, pamene bagwiriwa kuchita nchito zake.