¹ Bana ba Israeli eyenda mpaka emanga ma tenti mvidikha va Moabu pafupi na Yeriko, mbali iyakine ya mkolo wa yorodani kufuma ku manzi. ² Balaki mwana mwanalume wa Zipora eona vonse vecita Israeli kwa Amori. ³ Moabu ecita mantha ngako na banthu ba Israeli cifukwa eze anyinji ngako, ndipo Moabu efipa kumkonsi na banthu ba Israeli. ⁴ Mfumu ya Moabu yeciti kwa akulu-akulu ba Midiyani, "gulu ili iliye kalikonse katizungulira seo monga nkhabi zikulya uzu m'munda," lomba Balaki mwana wa Zipora enze mfumu ya Moabu pa nthawi iyo. ⁵ Etuma otumikila kwa Balamu mwana mwanalume wa Beoli, ku Petori wamene ali ku mkolo wa Yufreti, mcalo ca mtundu wake na banthu bake, emuita nakuti, "langani, mtundu wawela kufuma ku Aigupto. Ophimba nkhope za calo calo ndipo lomba ali pafupi na neo. ⁶ Napapta welani lomba munitembelele calo ici, cifukwa onipyola mphamvu neo, payakine ningakwanishe kubanyata na kubafumya m'malo. Nuziba kuti ao bamwadalisa ankhale odalisika nakuti aowo bamwatembelela ankhale otembeleleka." ⁷ Teto akulu-akulu ba Moabu na akulu-akulu ba Midyani efuma, benyamula malipilo ba maula. Ewela kwa Balamu nakulabila mau ba Balaki. ⁸ Balamu eciti kwa beve, "nkhalani pano usiku nikuleteleni cati aniuzye Yehova." Teto asgoleri ba Balaki enkhala na Balamu usiku wamene uyo. ⁹ Mulungu ewela kwa Balamu nakuti, "ni analume otyani aba akuza kwa weo?" ¹⁰ Balamu eyankha Mulungu, "Blaki mwana mwanalume wa Zipora, mfumu ya Moabu, wabatumizya kwangu. Eciti, ¹¹ 'langa banthu efuma ku Igipito ovwinikira nkhope ya calo cangu, lomba wela unitembeleleko payakine ningakwanishe kubanyata nakufumya.'" ¹² Mulungu emuyankha Balamu, "usalute na analume ao, usakatembelele banthu ba Israeli cifukwa niodalisika. ¹³ Balamu euka m'mawa nakuti kwa asogoleri ba Balaki, "welelani ku calo canu cifukwa Yehova walesha kuti neo kuluta na mweo. ¹⁴ Teto asogoleri ba Moabu ecoka nakuwela kwa Balaki. Beciti, "Balamu wakan kuwela na seo." ¹⁵ Balaki etuma soti asogoleri anyinji amene enzopasiwa ulemu ngako kupambana gulu loyamba. ¹⁶ Ewela kwa Balamu nakuti kwa eve, "Balaki mwana mwanalume wa Zipora akuti teti, 'napapata pasankhale cokuleshani ,mweo kuwela kwa neo, ¹⁷ cifukwa nikulipileni bwino ngako nakukupasani ulemeu ngako, ndipo nicite ciliconse catimuniuzye kuti nicite. Teto napapata welani munitembeleleko banthu aba.'" ¹⁸ Balamu eyankha nakuti ku analume ba Balaki, "olo kuti Balaki akanipase ng'anda yake yozula na siliva na golide, siningapitilire pa mau ba Yehova, Mulungu wangu, nakucosapo olo kuikilapo cakuniuzya Yehova. ¹⁹ Lomba soti, napapata lindilani usiku uno soti, kuti nizibe ciliconse cati Yehova alabile nane." ²⁰ Mulungu ewela kwa Balamu usiku nakuti kwa eve, "Pakuti madoda aba awela kukufoera weo, nyamuka nkhoya nao. Koma ukacite tyala vatinkakuuzye weo kucita." ²¹ Balamu euka m'mamawa nakumanga bulu wake nakuya nao asogoleri ba Moabu. ²² Koma cifukwa eluta, ukali wa Mulungu wenze nao. Mngelo wa Yehova eziika njira ngati wokangana na Balamu, wamene enzekwela pa bulu wake, anchito abili ba Balamu enze naye pamozi. ²³ Bulu wa Balamu eona mngelo wa Yehova ali imilire panjira na cingwanja conola m'manja mwake. Buluekwentha kufuma mnjila nakuloba m'munda. Balamu emuchaya bulu kuti awelere mnjira. ²⁴ Ndipo mngelo wa Yehova epanama pa kanjira katontho pakti pa munda wa mpesa, na cipupa ku mbali yaku kwendi na cipupa ciyakine ku mbali yakumanjere. ²⁵ Bulu emuona soti mngelo wa Yehova. Efwendela kucipupa nakufyanthilira kwendo ya Balamu kucipupa, Balamu emnyata soti. ²⁶ Mngelo eciya nakuyopanama mbali iyakine pamene penzevye mbali iliyonse kokwenthela. ²⁷ Bulu emuona mngelo wa Yehova, ndipo elala pansi pa Balamu. Ukali wa Balamu wekula ndipo emchaya bulu na ndondo yake. ²⁸ Ndipo Yehova emvula pakamwa bulu kuti alabile, eciti kwa Balamu, "nacitacinji kwa weo kuti unichaye katatu?" ²⁹ Balamu emuyankha bulu, "ncifukwa cakuti unicitila zopusa neo. Kuti nenze na cingwanja ku manja, kuti cenzepo, apalomba teti ngeni nakupaya weo." ³⁰ Bulu eciti kwa Balamu, "nineo lini bulu wako ukwelapo nthawi zonse mpakana lero? necitapo msangu wwoteti nakale?'" Balamu eciti, "yayi" Bulu eciti kwa Balamu, ³¹ Ndi[po Yehova evula menso ba Balamu, ndipoeona mngelo wa Yehova waimilira panjira na cingwanja conola m'manja mwake. Balamu ezyilika nakunesha cinso cake pansi. ³² Mngelo wa Yehova eciti kwa eve, "wamuchaila cinji bulu wako katatu? langa, nawela ngati muyakine kukangana nawe cifukwa zocita zko kwa neo zankhala ziipa ngako. ³³ Bulu waniona na kukwetha kupatuka neo katatu. Kuti enzevye kwenthe kupatuka neo, ngeni nakupaya weo nakusiya moyo wake yeve." ³⁴ Balamu eciti kwa Mngelo wa Yehova, "nacimwa niliyezibe kuti mwapanama mokangana na neo pa njira, teti lomba, ngati ncokuipilani mweo nuwelera." ³⁵ Koma mngelo wa Yehova eciti kwa Balamu, "pitilizya na madoda. Koma ukalabile mau bati nikuuzye weo," teto Balamu eciya na asogoleri ba Balaki. ³⁶ Pamene Balaki ecimvwa kuti Blamu wawela, efuma kukumana naye ku munzi wa Moabu ku Alinoni, amene ali m'malire. ³⁷ Balaki eciti kwa Balamu, "niliye tume madoda kukuita weo? cifukwa ncinji uliye wele kwa neo? nuyenela lini kukupasa ulemu weo?" ³⁸ Ndipo Balamu emuyankha Balaki. "Ona, nawela kwa weo. Ko lomba nilinayo mphamvu yolabila ciliconse? ningalabile tyala mau bamene Mulungu waika mkamwa mwangu." ³⁹ Balamu eciya na Balaki, ndipo efwika ku Kiliyati Huzoti. ⁴⁰ Ndipo Balaki epeleka nsembe ng'ombe na mbelele na kupasa nyama iyakine Blamu na asogoleri benze nao. ⁴¹ M'mawa, Balaki etla Balamu nakukwela naye m'malo apalulu ba Baala. Kufumila apo Balamu enzoonatyala mbali ya a Israeli m'misasa yao.