¹ Pamene mfumu ya Akanani ya Aradi, yenzonkhala ku Negevu, piyecimvwa kuti Israeli epitila njira ya yaku Atarimu, enyatana na Israeli nakutolako ayakine nobamanga. ² Israeli elonjeza pangano kwa Yehova nakuti, "Ngati mutipasa kupambana pa banthu aba, ndipo tiphwanye minzi yao." ³ Yehova ecimvwa lizu la Israeli nakubapasa kuopamba pa Akanani. Ebaononga na kuphwanya minzi yao. Ayo malo yeitiwa kuti Horima. ⁴ Beyenda kufuma kulupili la Hori kupitila njira yaku nyanja isweta kuzunguluka ku calo ca Edom. Banthu mnjila bemvwishiwa ulesi. ⁵ Banthu elabila mokangana na Mulungu na Mose: "Wetifumyilanji mu Agipito kutitizafwe mcipululu? paliye buledi, paliye manzi, ndipo tavizonda vakulya vatyala ivi." ⁶ Pamene apo Yehova etuma njoka zamuliro pkati pa banthu. Njoka zebaluma banthu; banthu anyinji ecifwa. ⁷ Banthu ewela kwa Mose nakuti, "tacimwa cifukwa telabila mosushana na Yehova na weo. Pemphera kwa Yehova kuti aticosere njoka izi kwa seo." Teto Mose ebapemhelera banthu. ⁸ Yehova eciti kwa Mose, " Upange njoka nakuiika pa cimuti. Cicitike ncakuti aliyense ankhale na moyo, malinga akailanga." ⁹ Teto Mose epanga njoka yamkuwa nakuiika pa cimuti. Ngati njoka yaluma munthu, ngati walanga pa njoka yamkuwa, enzonkhala na moyo. ¹⁰ Ndipo bana ba Israeli eyenda na kunkhazikika mu Oboti. ¹¹ Eyenda kufuma mu Oboti na kunkhala mu Abarimu mcipululu culangana na Moabu cakum'mawa. ¹² Kufuma uko eyenda mphelelera na kunkhala mcidikha ca Zaredi. ¹³ Kufuma uko eyenda mphelelera na kunkhala kumbali kwa mkolo wa Arinoni, wamne uli mcipululu camene cupyolela malire ba Amori, mkolo wa Alinoni niye upanga malire ba Moabu, pakati pa Moabu na Aamori. ¹⁴ Ncifukwa cake zukambika mu buku la zankhondo ya Yehova "... Wahebi mu Sufa, na na mu vidikha va Aalinoni, ¹⁵ kumsondo kwa vidikha kwamene kusogolela ku munzi wa Ali, na kufwendela ku malire ba Moabu." ¹⁶ Kufuma uko kuya ku Beri, cisime camene Yehova ekamba kwa Mose, "kumanizya banthu pamozi kuti neo nibapase manzi." ¹⁷ Ndipo Israeli eimbanyimbo iyi, "fumya manzi, cisime! tiimbe za ceve, ¹⁸ za cisime cekumba asogoleri basu, cisime cekumba olaumlira ba banthu, na wolamulira na dodndo zao," ndipo kufuma ku cipululu eyenda kuya ku Matana. ¹⁹ Kufuma ku Matana beyenda kuya ku Nahaliyeli, ndipo kufuma ku Nahaliyeli kuya ku Bamori, ²⁰ ndipo kufuma ku Bamoti eciya ku cidikha mcalo ca Moabu, uku niye kululu kulupili la Pesiga molangana na cipululu. ²¹ Ndipo Israeli etuma otumikila kwa Sihoni mfumu ya Aamori na kuti, ²² "lola kuti tipyole mcalo cako. Sitipatukila m'munda uliwonse kapena m'munda wa Mphesa. Sitikamwa manzi mvisime vanu. Tikayende mu mseu wa a mfumu mpaka tikapyole m'malire bako." ²³ Koma mfumu Sihoni aliye lole kuti Isralei apyole m'malire bake, m'malo mwake, Sihoni ekumanizya bankhondo bake pamozi nakukumana na Isralei mcipululu. Efwika ku Jahazi, kwamene enyatana na Israeli. ²⁴ Israeli enyata gulu la nkhondo la Sihoni na cingwanja conola nakutola calo cao kufuma ku Alinoni kufwika ku mkolo wa Yaboki, kufwika ku calo za banthu ba Amoni. Lomba malire ba bana ba Amoni enze okosa. ²⁵ Israeli elonda minzi yonse ya Aanoli nakunkhalamo beve wonse, kuphatikizapo Hesiboti na minzi yake yonse. ²⁶ Hesoboti wenze munzi wa Sihoni mfumu ya Aamori, amne enyatana na mfumu yakale ya Moabu. Sihoni eleonda malo bake wonse kufuma kwakae mpakana ku mkolo wa Arinoni. ²⁷ Ncifukwa cake bala okamba m'miyambi akuti, "welani ku Hesiboni, lekani munzi wa Sihoni umangiwe soti na kunkhazikika soti. ²⁸ Muliro wefuma mu Hesiboni, muliro wofuma ku munzi wa Sihoni wamene wecilya Ari waku Moabu, na anikazi ba malo apalulu ba Arnoni. ²⁹ Soka kwa weo, Moabu! wasilizyika, banthu ba Kemosi. Wapanga bana bake analume kunkhala wothaba-thaba na bana bako banakazi kuba mjere la Sihoni mfumu ya Aamori. ³⁰ Koma tagonjesa Sihoni, Hesiboni waonongeka mpaka ku Diboni. Tabagonjesa beve mpaka ku Nofa, niye ufwika ku Madeba." ³¹ Teto Israeli eyamba kunkhala mcalo ca Aamori. ³² Ndipo Mose etuma analume kuyoona Yazele. Elonda minzi yao nakucosamo Aamori enze kwamene uko. ³³ Ndipo ecunguluka na kukwera ku njira yaku Basanna. ogi mfumu yaku Basana efuma kukumana na beve, eve na bankhondo bake onse kuyonyatana nao pa Edreyi. ³⁴ Ndipo Yehova eciti kwa Mose, "osamuyopa cifukwa nakupasa weo kumpambana eve, na bankhondo bake onse, na calo cake. Cita kwa eve monga muwecitila na Sihoni mfu ya Aamori, enzonkhala ku Hesiboni." ³⁵ Teto ebapaya beve na bana bake analume, na bankhondo bake onse, mpaka penzeve munthu aliyense esiiwa wa moyo. Ndipo elonda calo cao.