¹ Mu masiku yala Yohane Obatiza ewela olalikila mu cipululu ca Yudeya onena kuti, ² "Lapani, pakuti ufumu wa kululu uli pafupi." ³ Pakuti uyu niye ula wenze elabilapo muneneli Esaya, kuti, "Liu la umozi oita mucipululu , "Konzani njila ya Ambuya,yondololani njila zake.'" ⁴ Lomba Yohane enze vwala malaya a usako wa ngamila na lamba la cikumba kuzunguluka musana wake. Cakulya cake cenze zombe na uci wamsanga . ⁵ Teto Yelusalemu, yone Yudea, na malo onse ozunguluka mumana wa Yodano efuma kuya kwa kwake. ⁶ Beve ebatiziwa na eve mum'mawa wa Yolodano,oulula macimo bao. ⁷ Koma eve peciona anyinji afalisi na Asaduki owela kwake ku ubatizo,eve eciti , "Imwe bana banjoka ,ni bani ekucenjezyani kuti muutuke mkwiyo ukuza? ⁸ Balani vothwala voyenela kulapa. ⁹ Osaganiza zonena pakati panu, 'Tili naye Abrahamu usuwasu; pakuti neo nukuti kwa mweo kuti Mulungu okwanisha bana ba Abrahamu olo kufuma mumyala iyi. ¹⁰ Katemo kaikiwa kale ku muzyu wa vimiti.Teto cimuti ciliconse cosatwala vipaso vabwino utendewa na kuponyewa mu mulilo. ¹¹ Neo nukubatizani na manzi ku kulapa. Koma eve akuza pavuli pangu nionipambana neo, na kuti neo nine wosayenela kunyamula nsapaato zake. Eve akakubatizeni na mzimu utuba na mulilo. ¹² Couluzhyila cake cili m'manja mwake kuti akatubishe pa malo bake osebenzela na kuyola tiligu wake mu malo osungilamo. Koma eve akashoke mungu mu mulilo wakuti ungazimike lini." ¹³ Apo Yesu ewela kufuma ku Galileya ku msinje wa Yolodano kuzobatiziwa na Yohane. ¹⁴ Koma Yohane eyesa kuti amuleshe eve, eciti, "neo nufunika kubatiziwa na mweo, ndipo mukuza kwangu?" ¹⁵ Yesu emuyankha na kuti, "civomelezhye lomba , pakuti nikwabwino kuti seo tikwanilishe cilungamo conse." Apa Yohane emuvomelezhya. ¹⁶ Pavuli pobatiwa eve, Yesu efuma pamene apo mu manzi, ndipo onani, kululu kwemuvulikila. Eona mzimu wa Mulungu useluka monga nkhunda na kunkhazikika pa eve. ¹⁷ Onani lizu liwela kufuma ku mululu lakuti, "Uyu niye mwana wangu okondewa. neo nne okondwela naye.