¹ Ndipo cecitika nicakuti pamene Yesu pesilizhya mau onse aba, eciti kwa ophunzila bake, ² "muziba kuti pakapita masiku yabili paskha yufwika, ndipo mwana wa munthu akapelekewe kuti akanyikiwe." ³ Ndipo akulu ba nsembe na akulu ba banthu benze besonkhana ku ng'anda ya mkulu wa nsembe zina yake Kayafa. ⁴ Epanga kuti am'mange Yesu mwacinyengo na kumupaya. ⁵ Pakuti benze kuti, "osati pa madyelelo kuti banthu basakacite cipolowe. ⁶ Lomba pamene Yesu penze ku Beteniya mng'anda ya Simoni wa mambombo, ⁷ penzoseama pa thebulu, linina lewela kwa eve na nsupa ya alabastero ya mafuta a mtengo wapatali, ndipo ethila pa mutu wake. ⁸ Koma pamene ophunzila peona teto, bakalipa nakuti, "nadaba cinji kuononga koteti? ⁹ Aba mafuta sembe agulisiwa pa mtengo ukulu na kupasa osauka. ¹⁰ Koma Yesu, poziba ici, eciti kwa beve "muvutilanji linina ili? pakuti wacitta cinthu cabwino kwa neo. ¹¹ Pakuti mulinao nthawi zonse koma neo mube nane lini nthawi zonse. ¹² Pakati pobathila mafuta bapamuli wangu, wacitila kuikiwa kwangu. ¹³ Ncendi nulabila kwa mweo, kulikonse kwamene uthenga uyu ukalalikiwe ku calo ca pansi, calacita linina ili cikalabiliwe molikumbukila leve." ¹⁴ Lomba m'mozi wa bala twelufu, zina lake Yudasi Iskarioti, eluta kwa ansembe akulu ¹⁵ ndipo eciti, "munipase cinji neo kuti nimpeleke kwa mweo?" ndipo beve emubelengela ndalama za ma siliva sate. ¹⁶ Kufumila pamene apo enzosakila mpata wakuti apeleke eve kuli beve. ¹⁷ Lomba pasiku loyamba la buledi uliye vofufumisha ophunzila ewela kwa Yesu na kuti, "mufuna tikakukonzeleni kuni kwati mkalyele paskha?" ¹⁸ eciti, nkhoyani ku mzinda kwa muyuakine mukanene kwa eve, mphunzisi akuti, "nthawi yangu yafwika. Nilyele mng'anda mwanu na ophunzila bangu." ¹⁹ Ndipo ophunzila ecita mwebazhyila Yesu, ndipo bekonza cakulya ca paska. ²⁰ Nthawi ya usiku piyefwika, enkhala pansi na kulya na ophunzila bake twelufu. ²¹ Pabenzokulya, eciti, "cendi nukuuzhyani kuti m'mozi wa mweo anipeleke neo." ²² Becimvwa cisoni, na aliyense eyamba kumkonsha, "ko nineo ambuye?" ²³ Eyankha, "wamene wati atobele na neo mbale niwamene wati anipeleke. ²⁴ Mwana wa munthu alute monga mwavelembewela za eve. Koma niwasoka munthu wamene wati ampeleke sembe cenze bwino uyu munthu aliye badwe." ²⁵ Yudasi, mwamene wati ampeleke eciti, "ko nineo Ambuye?" ecti kwa eve " mwalabila teto mweo mweka." ²⁶ Pabenzokulya, Yesu etola buledi, noudalisa, nousuna. Eupasa ku ophunzila nakuti, "tolani, lyani. Uyu ni mubili wangu." ²⁷ Etola kapu nakuyamika, nakubapasa nakuti, "imwani monse. ²⁸ Pakuti iyi ni ngazi yangu ya cipangano yu thiliwa kwa banyinji ya kukhululukila macimo bao. ²⁹ Koma nukuuzyani, nikamwe lini soti za cipaso ici ca mpesa, kufwika siku lila lati nikamwe calomba na mweo mu ufumu wa Atata." ³⁰ Pabeimba nyimba, befuma nakuluta ku lupili la azitona. ³¹ Ndipo Yesu eciti kwa beve, "mweo monse mupone usiku wa lelo kamba ka neo, pakuti kwelembewa, 'nikapaye mcibeta ndipo gulu ya mbelele ikamwazhyike.' ³² Koma nikaukishiwa nikakutangulileni mu Galileya." ³³ Koma Petro eciti kw eve, olo kuti onse apone kamba ka mweo, neo ningapone lini. ³⁴ Yesu eciti, "nicendi nulabila kwa weo, lelo lamene usiku, akaliyolila kombwe, unikane neo katatu." ³⁵ Petulo eciti kwa eve, "olo kuti nikafwe na mweo, ningakukaneni lini. Ophunzila onse elabila cimozi-mozi. ³⁶ Ndipo Yesu eluta nao kumalo oitiwa kuti Getsemani ndipo eciti kwa ophunzila bake, "nkhalani pano neo panukuya uko kuyopemphela. ³⁷ Etola Petulo na bana abili ba Zebedayo nakuya nao noyamba kumvwa cisoni na kuvutika. ³⁸ Ndipo eciti kwa beve, "moyo wangu ulu na cisoni cikulu, kufwikila ku imfwa, nkhalani pano, mucezele nane." ³⁹ Eciya pasogolo patontho, noponesha cinso cake pansi, nopemphela. Eciti, "Atata, ngati cingakwanishike lekani kapu iyi inipitilile. Koma, osati mwanufunila, koma mwamufunila." ⁴⁰ Ewelela kwa ophunzila bake nobapeza ali mtulo, ndipo eciti kwa Petulo, "nicinji, ko simungacezele nane kwa ola limozi? ⁴¹ Cezelani na kupemphela kuti msalobe mkuyesewa. Mzimu ufuna koma mubili niofoka." ⁴² Eciya kwa nathawi ya cibili kuyopemphela, eciti, "Atata, ngati ici sicinganipitilile koma kuti nimwe ici, kufuna kwanu kucitike. Ewelela ⁴³ soti nobapea ali mtulo, pakuti menso bao benze olema. ⁴⁴ Teto pobasiya soti, eluta nakupemphela kwa nthawi yacitatu, nolabila mau yamozi na yamozi. ⁴⁵ Ndipo Yesu ewela ku ophunzila bake ndipo eciti kwa beve, "mukali lele nopumula? onani, nthawi yakwana, na mwana wa munthu opelekewa mu manja ya banthu ocimwa. ⁴⁶ Nyamukani, tiyeni takuya. Onani, wamenewati anipeleke ali pafupi." ⁴⁷ Akalulabila, Yudasi, m'mozi wa bala ophunzila twelufu ewela. Cigulu cikulu cewela nayekufumila kwa ansembe akulu na akulu ba banthu. Bewela na vingwanja na nduku. ⁴⁸ Lomba mutnhut wamene enzopeleka Yesu ebapasa cizinkilo, kuti watinifyofyone niye wamene. Mumkate." ⁴⁹ Pamene apo ewela kwa Yesu nakuti, tikuoneni Rabbi!" nakumfyofyontha. Yesu eciti kwa eve, "muyangu, cita cawawelela." ⁵⁰ Ndipo bewela, nakuika manja bao pa Yesu namkukata. ⁵¹ Onani, m'mozi wa wala enze na Yesu etambasula kwanja yake, nofumya cingwanja cake nakucenchena wanchito ku kwatu. ⁵² Ndipo Yesu eciti kwa eve, "ika cingwanja m'malo mwake pakuti bala okata cingwanja, akafwe, na cingwanja. ⁵³ uona monga sembe niliyeite Atata, ndipo smbe atum kuposa magulu twelufu ba angelo? ⁵⁴ Koma sembe malemba akwanilishika tyani kuti ici cifunika cicitike?" ⁵⁵ Panthawi iyi Yesu eciti kwa gulu ila, "mwawela na vigwanja na nduku kuzokata neo mnga nikawalala? nthawi zonse nezonkhala nophunzisa mkacisi, muliye nimange. ⁵⁶ Koma vonse ivi vacitika kuti malemba ba mneneri bakanilishike." Ndipo ophunzila onse emusiya nakuutuka. ⁵⁷ Bala bekata Yesu emsogolela nomtwala kwa Kayafa mkulu waa nsembe. Kwamene alembi na bakulu basonkhana pamozi. ⁵⁸ Koma Petro enzokonkha patali kuluta ku ng'anda ya mkulu wa wansembe. Eloba mkati na kunkhala pansi na malonda na kuona vati vicitike. ⁵⁹ Lomba ansembe akulu na msonkhano wonse benzosakila mboni za wenye zosusha Yesu kuti bamupaye. ⁶⁰ Baliye peze olo imozi, olo kuti mbini zinyinji za zawenyezewela. Koma pasogolo babili bewela ⁶¹ na kuti, "uyu munthu eciti, ningapasule kacisi wa mulungu na kumanga soti mumasiku batatu." ⁶² Akulu ansembe beima nakuti kwa eve, "uliye yankho?" nicinji ici cakukususha weo? ⁶³ Koma Yesu enze cete. Mkulu wansembe eciti kwa eve, "Nukulamulila weo mwa Mulungu, Tiuzhye seo ngati niwe Kristu mwana wa Mulungu." ⁶⁴ Yesu ebankha kuti, "mwalabila nimweo." Koma nukuuzhyani, kuyambila lomba mukaone mwana wa munthu wankhala pa kwanja kwa kwendi kwa mphamvu, nakuwela pa mitambo ya kululu." ⁶⁵ Ndipo mkulu wansembe eng'amba vovwala vake nakuti, "Olabila va mwano! tufunilanji mboni ziyakine? Onani lomba mwaumvwa mwano wake. ⁶⁶ Muganiza tyani?" beynkha nakuti, "oyenela kufwa." ⁶⁷ Ndipo bemthunyinla mata pa menso na kumnyata, nakumnyata khofi, ⁶⁸ Nakuti, "lota weo Kristu nibani wakunyata weo?" ⁶⁹ Lomba Petro enze nkhale panja pa ng'anda ya milandu, kamsimbika nchito kewela nakuti kwa eve, "weo nawe wenze na yesu waku galileya." ⁷⁰ Koma ekana pamesno pa onse, nakuti, "nuziba lini vamumukamba." ⁷¹ Peluta panja pa mlyango, kamsimbi ka nchito kayakine soti kemuona nakuti kwa bala enze pafupi "uyu munthu na eve enze na Yesu waku Nazareti." ⁷² Ekana soti na kulumbira, "numziba lini munthu uyu!" ⁷³ Pakepitapo ka nthawi bala enze peneme pafupi bewela nakuti kwa Petro, "Nchendi niwe mozi wa beve, pakuti kulabila kwako kukuzibisha weo." ⁷⁴ Ndipo eyamba kutembelela nakulumbila , "Zoona numziba lini munthu uyu." Pamene apo kombwe elila. ⁷⁵ Petro ekumbukila mau ba Yesu beciti, "Akaliyolile kombwe unikane katatu." Ndipo eluta panja nakuyolila mobaba mtima.