¹ "Dipo ufumu wa kululu ukabe monga ni anamwali teni betola nyale zao nakuyokuana na ukwati. ² Bali faivi benze opusa na bali faivi benze banzelu. ³ Pakuti anamwali opusa betola nyale zao, baliye nyamuliletu mafuta. ⁴ Koma anamwali banzelu benymamulilatu mafuta bao. ⁵ Lomba pibecelwa baikwati, bonse beymba kukusila nolala. ⁶ Koma pakati pa usiku kwenze kukuwa, 'Langani, baukwati! nkhoyani panja mukakumane nao.' ⁷ Pamene apo bonse anamwali teni beuka nocepesha kayakidwe ka nyale zao. ⁸ Opusa becita kwa banzelu, 'tipenkoni mafuta banu cifukwa nyale zasu zuzima.' ⁹ "Koma banzelu beyankha nakuti, 'Pakuti kunkhale lini yokwanila pali mweo na seo, m'malo mwake nkhoyani kwabala ogulisa mukaguleko yayakine yanu mweka.' ¹³ Pabeciya kuyogula, baukwati bewela, ndipo bala benze okonzekela beluta nao ku madyelelo ya ukwati, na pa khomo bevalopo. ¹¹ "Kufuma apo bayakine anamwali bewela nakuti kwa, 'Bwana, tisegulileni.' ¹² "Koma eyankha na kuti, 'Cendi nukuti kwa mweo. nukuzibani lini.' ¹⁰ Mwaici lindilani, pakuti muziba lini siku kapena nthawi. ¹⁴ "Pakuti cili monga pamene munthu ofuna kufumapo kuya ku calo ciyakine. Eita banchito bake na kubapasa cuma cake. ¹⁵ Ku umozi wa beve emupasa ndalama zili faivi, muyakine zibili, na muyakine imozi. aliyense elandila ndalama kulinga na mwangakwanishile, na munthu eluta pa ulendo wake. ¹⁶ Wala epasiwa zili faivi eluta nakuyosebenzesha kuti zimupangile phindu na kupangilapo ziyakine faivi. ¹⁷ Cimozi -mozi wala enze na zibili epangilapo ziyakine zibili. ¹⁸ Koma wala enze na ndalama imozi eluta, nakukumba cilindi pansi, nabisa ndalama za abwana bake. ¹⁹ Lomba papepita nthawibwana wa banchito ewela na kuwezhya nkhongole na banchoto. ²⁰ Wanchito enze na ndalama faiviewela noletelapo faivi ziyakine. eciti, 'bwana, mwenipasa ndalama zili faivi. Langani, napangilapo faivi ziyakine.' ²¹ "Abwana bake eciti kwa eve, 'wacita bwino, wachinto wabwino ndipo wokhulupilika! wakhulupilika pa kanthu katontho. Niukuike woyang'nila pa vinthu vinyinji. Loba mu cimwemwe ca abwana bako.' ²² "Wanchito elandila ndalama zibili ewela nakuti, 'bwana, mwenipasa ndalama zili. Langani, napangilapo ndalama zibili.' ²³ Bwana wake eciti kwa eve, 'wacita bwino, wanchito wabwino ndipo okhulupilika! Wankhala ophulupilika pa cinthu citontho. Nikuike woyang'anila pa vinthu vinyinji. Loba mu chimwemwe ca abwana bako.' ²⁴ "Ndipo wanchito wala elandila ndalama imozi ewela nakuti, 'bwana, nuziba kuti nimwe munthu ovuta. Mukolola pamuliye cale, muyika vinthu pamozi pamuliye mwazhye. ²⁵ Nenze na mantha, teto neluta nakuyobisa ndalama yanu pansi. Langani, tolani cufumila kwa mweo.' ²⁶ "koma bwana wake eyankha nakuti kwa eve, 'weo munthu muipa na wanchito waulesi, 'uziba kuti nukolola paniliye cale ndipo nuika vinthu pamozi paniliye mwazhye. ²⁷ Moteto wenzofunika kupeleka ndalama yangu ku bala osunga ndalama, ndipo neo pakuzasembe nelandila ndalama zangu zapalulu. ²⁸ Moteto mulondeni ndalama muipase wala ali na ndalama zili teni. ²⁹ Pakuti aliyense alinavo, akapasiwe viniyinji-na vosasila. Koma kwa alyense aliye kalikonse, na cala cakucita akalondowe. ³⁰ Mtoleni wanchito mumtaye kunja ku mdima, kuli kulila na kukuta menu. ³¹ Mwana wa munthu akuza mu ulemelelo wake na angelo onse na eve, ndipo ankhale pa mpando wa cimfumu wa ulemelelo. ³² Pamenso pake vyalo vonse vikaiwe pamozi, ndipo akagabe banthu umozi na muyake, monga mwakugabila mbusa mbelele na mbuzi. ³³ Akaike mbelele ku kwanja kwe kwa kwendi, koma mbuzi kumanjele. ³⁴ Ndipo mfumu ikati kwa bala ali ku kwanja kwa kwendi, 'welani, mweo mwedalisika na Atata, lobani mu ufumu wekukonzelani kufuma pa ciyambi ca calo conse ca pansi. ³⁵ Pakuti nenze na njala ndipo mwenipasa cakulya; nenze na njota mwenipasa cakumwa; nenze mulwendo mwenilandila; ³⁶ nenze cinthaku mwenimvwalika; nenze olwala mwenisamalila; nenze mu jele mwecizoniona.' ³⁷ "Ndipo olungama bakakambe kuti, 'Ambuye, nilini patekuonani na njala ndipo tekulyeshani? kapena na njota nakukupasani cakumwa? ³⁸ nilini petekuonani nimwe mulwendo nakukulandilani? kapena cinthaku nokuvwalikani? ³⁹ nilini pitekuonani olwala kapena kujela nakuza kuzokuonani? ⁴⁰ "Ndipo mfumu ikayankhe nakuti kwa beve, 'cendi nukuti kwa mweo, vimwecitila umozi wa azikwasu aba, mwecitila neo.' ⁴¹ Ndipo akalabile kuti kwa bala ali ku kwanja yaku manjele, 'fumaniponi pano, mweo otembeleleka, mu mulilo wosasila wamene wakonzewa wa satana na angelo bake, ⁴² cifukwa nenze na njala, koma muliye nipase cakulya; nenze na njota, koma muliye nipase cakumwa; ⁴³ nenze mulwendo, koma muliye nilndile; cinthaku, koma muliye nivwalike; olwa na mjele, koma muliye nisamalile.' ⁴⁴ "Nao bankayankhe soti nakuti, 'Ambuye, nilini pitekuonani na njala, kapena na njota, kapena mlwendo, kapena cinthaku, kapena olwala, kapena mjele, ndipo tiliye kutumikileni?' ⁴⁵ "ndipo abayankhe na kuti, 'cendi nukuti mweo, vimuliye kwa umozi wa aba, muliye nicitile.' ⁴⁶ Aba abekuya mu cilango cosasila, koma olungama mu moyo osasila."