¹ "Pakuti ufumu wa Mulungu uli monga ni mwine wa malo efumapo m'mmawa kuyosakila bacnhito ba munda wake wampesa. ² Pekatizhyana na banchito bake pa ndalama imozi, ebatuma mu munda wake wa mpesa. ³ Eluta soluta soti pa nthawi yacitatu noona banchito bayakine bali peneme paliye vakucita pa malo ogulisila. ⁴ Kwa beve eciti, 'mweo soti, nkhoyani mu munda wa mpesa, ndipo ciliconse cabwino nikupeni.' Teto beciya kuyosebenza. ⁵ Eluta soti pa ola yasikisi soti pa yanaine, na kucita comozi-mozi. ⁶ Nakuya soti pa ola ya leveni nakubapeza soti bayakine bali peneme paloye vakucita. Eciti kwa beve, 'mupanamilanji pano muliye na vocita pakati pa siku?' ⁷ "Beciti kwa eve, 'cifukwa kuliye munthu otilemba nchito'. Eciti kwabeve, 'mweo soti nkhoyani mu munda wa mpesa.' ⁸ Pikwecica m'mawa, mwine wa munda eciti kwa mkulu wa banchito, 'baite banchito nakubapasa malipilo bao, kuyambila ku osilizhyia mpaka ku oyambilila.' ⁹ "Pabewela banchito belembewa pa nthawi ya leveni, aliyense elandila ndalama yake imozi. ¹⁰ Pabewela oyambilila banchito, beganiza kuti balandile zinyinji, koa belandila soti ndalma imozi aliyense. ¹¹ Pibelandila malipilo bao, Bedandaula pali mwine munda. ¹² Beciti, 'Aba banchito osilizhyila bankhala tyala ola limozi pa nchito, koma mwabalinganizhyia na seo, tamvwa kubaba kwa siku na kupya kwake.' ¹³ "koma mwine eyankha nakuti kwa umozi wa beve, 'muyangu, niliye kucitileni ciipa. Muliye katizhyane nane kuti ni ndalama imozi? ¹⁴ Tolani zanu mulute. Nasankha kupasa aba banchito banalemba posilizhyila cimozi-mozi na mweo. ¹⁵ Ko nufunika lini kucita mwanufunila na vinthu vangu? kapena mwamvwa caipa cifukwa ca kuwama kwangu?' ¹⁶ Teto osilizhyila akabe oyambiila, na oyambilila akabe osilizhyila." ¹⁷ Yesu penzokuya ku Yerusalemu, etola ophunzila twelufu pabeka, ndipo mnjila eciti kwa beve, ¹⁸ "Langani, tukuya ku Yerusalemu, ndipo mwana wa munthu akathwalaiwe kwa akulu ansembe na alembi. Bakamusushe ku imfwa ¹⁹ na kumupeleka kwa akunja kuti akamuvutishe, kumunyata, nakumupanyika. Koma pa siku yacitatu akaukishiwe." ²⁰ Amai bao ba bana ba Zebediyaewela kwa Yesu na bana bao. Egwadila pamenso pake nakumupempha cinthu. ²¹ Yesu eciti kwa eve, "ufuna cinji?" eciti kwa eve, "lamulilani kuti aba bana bangu abili angayonkhala, umozi ku kwanja kwanu kwa kwendi na umozi ku kwanja kwanu kwa manjele, mu ufumu wanu." ²² Koma Yesu eyankha nakuti, "uziba lini caupempha. Mukakwanishe kumwa mu kapu yunufunika kumwelamo?" Beciti kwa eve, "tingakwanishe." ²³ Eciti kwa beve, "Mkapu yangu mungamwelemodi. Koma kunkhala ku kwanja kwangu kwa kwendi na kumanjele nine lini nupasa, koma ni kwa bala bamene Atata abakonzekela." ²⁴ Pibecimvwa bayakine ophunzila teni za ici, bekalipa na bala abululu abili. ²⁵ Koma Yesu abaita na kuti, "muziba kuti olamulila ba akunja oziyesa amphamvu, na banthu bao ofunikila ocita ulamulilo pa beve. ²⁶ Koma zufunika kuba teti pali mweo. M'malo mwake, ofuna kunkhala mkuleni pakanti panu ofunika kuba wanchito wanu, ²⁷ ndipo aliyense ofuna kunkhala oyambilila pakati panu ofunika kuba wanchito wanu, ²⁸ Monga mwana wa muntu aliye wele kuzotumikiliwa, koma kuzotumikila, na kupasa moyo wake monga mphoto ya banthu banyinji." ²⁹ Pabenzofuma mu Yeriko, gulu inyinji yemukonkha. ³⁰ Kwenze analume abili osalanga enzonkhala pa mbali pa njila. pibecimvw akuti Yesu enzopita, bekuwa, Ambuye, Mwana wa Davite, ticitileni cifundo." ³¹ Gulu yebazuzula, kubauzhya kuti anlhale cete, koma bekuwila ngako, "Ambuye, mwana wa Davite, ticitleni cifundo." ³² Yesu pepanama cilili na kubaita nakuti, "mufuna kuti neo nikucitileni cinji?" ³³ beciti kwa eve, "Ambuye, kuti menso basu aseguke." ³⁴ Teto Yesu, pokatiwa na cifundo, ekata m'menso mwao. Pamene apo belandila kulanga kwao nomkonkha.