¹ Ndipo esonkhanisha mitundu yonse ya a Israeli ku Sekemu na kuita akulu akulu ba a Israeli, asogoleri bao, oweruza bao, na akapitao bao bezitwala beka pamenso pa Mulungu. ² Yoswa eciti kwa banthu ba Israeli, "Ici niye camene Yehova, Mulungu wa Israeli, olabila, 'kale kale makolo banu benzonkhala kupitilira mkolo wa Efurate- Tera, awisi ba Abrahamu na Nahori- benzopembeza mafano. ³ Koma nitola ausuwako kufumila ku Efurate na kumsogolera mcalo ca Kenani na kumpasa mibadwo inyinji kupitila mu mwana wake mwanalume Isaki. ⁴ Ndipo kwa Isaki nempasa Yakobo na Esau. Nepasa Esau calo ca kumalupili ba Aseri kuba coloba, koma Yakobo na bana bake besondokela ku Aigipito. ⁵ Netuma Mose na Aroni ndipo nesausha Aigipito na milili. Kufuma apo, nekufumyani. ⁶ Nefumya makolo banu mu Igipito, dipo mwewela ku nyanja. Aiguputo ebakonkha na magaleta na akavalo mpaka kuyofwika ku nyanja ya Mishanga. ⁷ Pamene makolo banu baita kwa Yehova, eika mdima pakati pa mweo na Aigupto. Eleta nyanja kuwela pa beve nakubavinikira. Mweona vinecita ku Igipito. ndipo mwenkhala mcipululu kwa nathawi itali. ⁸ ekuketani ku calo ca Amori, enzonkhala ku silya iyakine ya Yorodani. Enyatana namwe, ndipo nebapeleka m'manja mwanu. Mwetola mao bao, ndipo nebaononga pamenso panu. ⁹ Teto Balaki mwana wa Zipora, mfumu ya Moabu, enyamuka nakuukila Israeli. Etuma kuyoita Balamu mwana wa Beori, kuti akutembeleleni. ¹⁰ Koma niliye muvwilire Balamu. Zoona, ekudalisani. Teto nekupulumushan mumanja mwake.