¹ Jesusi ghengenine mu wato, gha tjiinaghanine mu mutara ghumweya, no gheyire ku mbara dhendi. ² Mone ha mu reterire katughuru gho murema ghana rara pa ngugho. Jesusi pa ku mona matawero gha katughuru gho marema, gha mu ninga gheshi ''mwanange tjimape. Maharwero ghoghe ghana thighereriwa. ³ Podiyo, hakamarukwaro ha ku ningire hathinda ,'''ghoyu katughuru ku ghana ku tu tukadhana. ⁴ Jesusi gha dimukire ghighayara yagho no gha ningire eshi, ghinye gho ghi muna ku ghayarera ghughi mu mitjima dhenu? ⁵ Ghipi keho yo jghiredhu , pa ku ninga eshi maharwero ghenu ghana thighereriwa; ghendi pa ku ninga eshi ; pinduke ghu ghende? ⁶ Eshi mu dimuke keho shine mwana munu ne ghadi no ncamu pa kaye mu ku thigherera maharwero,....'' gha ningire mu ka ghurema , eshi shimbe ngugho ghoghe, gho ghende ku ndhugho dhoghe.'' ⁷ Podigho katughuru gha pindukire no ku ghenda ku ndhugho dhendi. ⁸ Ghopa mbunga dha monine ghinu ghi, dha yapire,no dha kuwire Nyambi , ghoyu gha tapa ncamu dho kemo kwa wanu. ⁹ Ghopa Jesusi gha pitire pa ku shwagha po , gha monine katughuru gho dina eshi Mateghushi ghana hungumana pa ndhugho dho haketithi. Gho gha mu ninga eshi, '' ni thighare munyima.'' Ghemanine no ku mu thighara munyima. ¹⁰ Ghopa Jesusi gha hungumanine no gha dire mo dho ndhugho, mone keho,wingi wa wa ketithi no haharuri heghire no ha dire nendi no hakathishongero thendi. ¹¹ Hafarasai pa ku mona kenge, ha ningire hakathishongero thendi gheshi, '' ngepi di mohongi wenu ghana ku dya na waketithi no haharuri?'' ¹² Ghopa Jesusi gha yuvire kemo, ha ningire eshi, '' hanu wa hadi ghirama yagho ghiwa mbadi gha nyanda nganga, shime wa hadi no tjitju. ¹³ Mu ghende no mu ka ku honge eshi ghoghi nye ya toya: ni na rumbera thingeke mbadi muyambo. Mbadi neyera hapongoki eshi ha kwere , neyera haharuri . ¹⁴ Podigho haka thishongero tha Johani heghire ku kwendi no ha mu ninga eshi, '' ngepi ghatwe nawafarasai no ku ku yumenenanga ghidya, ghoku hakathishongero thoghe ghawo mbadi hana ku yumenanga ghidya? ¹⁵ Jesusi gha wa huthire eshi, '' hakadiyekero ku dira ndi ghuku muyekiwi po ghandi? Nganyi pa kwiye diyuwa ghopa muyekiwi gha ku shimbiwa mu ,mwagho no nganyi ha ku ku yumene ghidya. ¹⁷ Karo hanu mbadi wa ku tura venyu gho mupya mu maturo gho venyu gho thikukumba tho thikurukuru. Ku tenda kemo, thikukumba ne ha thi payuka, venyu ko ku notoka, no thikukumba tho venyu ko kwipa. Mu ku negha kengeyo, ha na pakanga venyu gho mupya mu ghikukumba yo venyu gho ghi shime ghi ku yuvu, munyima yo ghiheya ku ku punguriwa. ²⁰ Mone keho, mbuyama ghoyu gha nyandire no ku notoka manyinga myaka dikumi no dhiwadi gheghire mu nyima dha Jesusi no gha kwatire mungunda gho thishupata thendi. ²¹ Yoghishi gha ku tongwere gheshi ngeshi vene ha ni kwata ghishupata yendi nganyi na kwirukithiwe. ²² Po digho Jesusi gha pirukire no gha mu monine, ku ku mu ninga gheshi, ''mwanange, kare no ncamu , matawero ghoghe ghana kwirukitha.'' Podigho mbuyama ko kwiruka mo ro ruvedhe. ²³ Ghopa Jesusi gheyire mu ndhugho dho mokwati gho memano,gho gha monine ha ku pepa no mbunga dhina ku yoghotera. ²⁴ Gha ningire gheshi, '' mo ghende, yoyishi mukamadighana mbadi ghana pu, ko ghana rara.'' Ghawo ko ku mu heka no ku mu shamuna. ²⁵ Ghopa mbunga dha karire panunda, ghengenine mu ndhugho no gha mu kwatire ku dyoko, popo ne mukamadighana ne ko ku pinduka. ²⁶ Mangando gho ghitenda ghi yarire mu mukunda gho ghuheya. ²⁷ Ghopa Jesusi gha shwaghire po, hatutughuru hawadi ho kufa meho ne ha mu thigharire munyima. Ha ghendire ghu kuwa gheshi, '' tu fere ngeke , mwana Dafita!'' ²⁸ Ghopa Jesusi gha ghengene mu ndhugho, hakakufameho heghire ku kwendi. Jesusi gha wa ningire gheshi, '' ku muna ku tawa gheshi ku kona ni tende ghi ndi?'' Ha mu huthire gheshi, '' tuna tawa hekudyetu.'' ²⁹ Podigho Jesusi gha kwatire meho ghawo no gha ningire gheshi, '' ku kareke shika matawero ghenu,'' ³⁰ munyima meho ghawo gha yandhurukire. Jesusi gha wa raghire no gha wa ningire gheshi, '' mu mone keho gheshi mbadiko munu yu sho gha yuve keho ghinu ghi.'' ³¹ Ghawo hatutughuru hawadi ha ghendire ghu tongora ghinu ghi mu thiko tho thiheya. ³² Ghopa hatutughuru hawadi ha fundhukire, podigho, katughuru gho ku pira ku ghamba gho yu gha karire no mopepo gho ghughi ha mu retire kwa Jesusi. ³³ Munyima dho ku shwaghithiwa mupepo gho ghughi, katughuru gha tangire ku ghamba. Mbunga dha tetukire no dha ningire gheshi, ''shime tu shemwa ko ku mona ghinu yo kenge mu Iseraela.'' ³⁴ Hafarasai ghawo ha ningire gheshi, '' no fumu gho mepepo dho dhighi , ghana shwagitha mupepo gho ghughi.'' ³⁵ Jesusi gha ghendire mu madoropa gho mahaghi gho maheya. Gha ghendire honga mu ma senagogo, gha yaghure mangando gho ghufumu gho diwiru no kwirukitha makorwa gho ku ku tjaka. ³⁶ Ghopa gha monine mbunga, gha karire no thingeke, yoghishi ha nyeghenyine no hakutovohire. Ha karire ghira ntjwi gho ku pira mudithi. ³⁷ Gha ningire hakathishongero thendi gheshi, '' mbuyo ne dhingi, hakamukesho ne hapu. ³⁸ Podigho mwithe hekudyetu gho mbuyo no ndapero, gheshi gha tumene hakamukesho gho mbuyo.