¹ Ne yelo yoihe ya Jeriko kuma aiyanjelile mulivaka lyo mashwalale a Isilaele. Kwithsa munu oyu wa punenine pola kalo kwithsa munu oyu nengena mukachi. ² Shinda sha moyo ayepo amba kwa Joshua, ''Mone, inapa Jeriko mumoko oe, mafumu enji, kalo no mashwalale enji oku funda. ³ Mwaloela kucaula kuthzinguluka liumbo, wahe akwelume o mvuo a thzingulukile liumbo lo fochi. Mwaloela kutenda kenge mu mayuwa mutanu no lyofochi. ⁴ Ma prista mutanu no eli aloela kushimba pala thzo manyia omengo posho thzo aleka. Muliyuwa lyo mushitanu no mayuwa eli, mwaloela ku thzinguluka liumbo miendo mutanu no thzili, kalo ma prista ashike nene ma pala. ⁵ Ne aloela kushika nene ma pala omanyia omengo shikati sho shile, kalo apa muyuva liywi mapala wahe anu kuwe nene, ne mbimo thzo shipaka kenge thza kuwa pashi. Masole alwishe, munu no munu athze posho.'' ⁶ Ne Joshua mwana Nuni ayepo isha ma prista no kuwa ambela echi, ''Mushimbe aleka thzo umbusha, kalo mushie ma prista mutanu na eli ashimbe ma pala mutanu na eli omanyiya o mengo posho thzo aleka thza shinda sha moyo.'' ⁷ Ayepo amba kenge kwa anu, ''Muthze kalo mucaule kuthzinguluka liumbo, kalo akwelume awa ana shimbi yo kulwisha kenge aenda posho thzo aleka thza shinda sha moyo.'' ⁸ Echi Joshua eli naamba kwa anu, maprista mutanu na eli awopo ashimba mapala mutanu na eli omanyiya o mengo posho thza shinda sha moyo. Kwathza kengeyo, awopo a shika nene mapala. Aleka thzo ombusha thza shinda sha moyo ayepo thziwa shupwela munyima. ⁹ Akwelume awa ana shimbi yo kulwisha awopo aenda posho thzo maprista, kalo no kushika nene mapala oo, ambene muka kunyunga enda mumanyima thzo aleka, kalo maprista kwa shika mapala oo ku kwatelela. ¹⁰ Ambene Joshua ayepo tumina anu, kuamba, ''Lelo mwa kuwa. Kwithsa liywi lyo kutunda mukanwa kenu kupitela apa nakumiambela echi mukuwe. Hime apo penji muloele ku kuwa.'' ¹¹ Ne ayepo tumina aleka thza shinda sha moyo kuthzinguluka lo fochi muliyuwa elyo. Ne awopo engena mushilombo shoo, no kukala oshiku mushilombo. ¹² Ne Joshua ayepo pinduka mashiku-shiku kalo maprista awopo ashimba aleka thza shinda sha moyo. ¹³ Maprista mutanu na eli awa na shimbi mapala omanyiya omengo mutanu na eli posho thzo aleka thza shinda sha moyo, awopo aenda ko anyanyami kalo no kushika mapala. Masole awa ana liloishela kulwa awa enda posho. Ambene aka kunyunga awa na ende mumyima thzo aleka thza shinda sha moyo, ne mapala awopo aleta muyoyo kukwatelela. ¹⁴ Awopo a caula kuthzinguluka liumbo lofocho mu liuwa lyo mushili no kuhuka ku shilombo. Na kwama kengeya mu mayuwa mutanu na lyofochi. ¹⁵ Muliyuwa lyo mushitanu no mayuwa eli, owu lyavile liuwa awopo achaula kuthzinguluka liumbo wechi eli na kwamanga wahe mayuwa, awopo athzinguluka liumbo miendo mutanu no thzili muliuwa eli. ¹⁶ Neli muliyuwa lyo mushitanu na eli, maprista awopo ashika ma tolombita, eyi atumenine ku anu echi aikwame, ''Mutambakane! Mukonda shinda sha moyo ona mipa eli liumbo. ¹⁷ Liumbo no itenga yoyihe eyi ilimo kenga ipakiwa kunyonga echi ya Shinda sha moyo ipishiwe. Hime Rahahava wo luthziho yoliyo yoya_aye nowa ali nenji munjiyo_mukonda kuma aholekile tunenga twetu otu twatumine. ¹⁸ Unone amwe mumone echi mwa nyunga itenga eyi ina anweniwa echi yiipishiwe, munyima thzo kui hengeka echi ipishiwe, koloela kalo echi oshimbepo shimweya. Apa okwama hengeyo, henga okwama shilombo sho Isilaele echi wangu shiipishiwe ne kuma oletamo ukalu. ¹⁹ Silivera yomuhe, gauda, no itenga yoku kwama pa bronze no ifu ihengekiwe kunyonga echi ya Shinda sha moyo. Yaloela kuthza mulitulekelo lya Shinda sha moyo.'' ²⁰ Nehoni anu awopo a kuwa nene ne awopo ashika no ma tolombita. Honine anu owu nayuvu maywi o tolombita, awopo akuwa nene, ne shipaka ashopo shiumbuluka no kuwela pashi, ne ²¹ mukwelume yomuhe ayepo ingena mukachi no kukakupala liumbo. Awopo aka thzilisha yoihe eyi yakalile muliumbo no otwe wo mwele_mukwelume no mbuyama, mwanuke no mukulu, ngombe, mangu no indongi. ²² Ne Joshua ayepo ambela waya akwelume eli awa tumine kukanenga litunga, ''Muthze munjiyo thzoya mbuyama wo luthziho. Mumupunishemo nawa alinenji wahe, echi eli mwamukulupelishile.'' ²³ Ne awa akwelume atumine kukanenga awopo engena mukachi ne awopo aka punisha Rahava pola. Awopo apunisha tata wenji, mama wenji, andumbuthzenji, napenji wahe awa akalile nenji. Awopo awa leta kushivaka shopola thzo shilombo sha isilaele. ²⁴ Awopo atumeka liumbo lyolihe noitenga yoihe eyi yakalilemo. Hime silivera, gauda, no tunyungu to kumba pa kopa no pa ifu yoliyo apakile mushitulekekelo sha Shinda sha moyo ²⁵ Ambene Joshuwa ayepo tawisha Rahava wo luthziho, tatawenji nawa wahe akalile noo, nawa wahe aliyuvile nenji mukutunga. awopo aka tunga na ka Isilaele kuleta no lelo lino mukonda kuma aholekile waya a kwelume a tumine Joshuwa echi akashoke liumbo lya Jeriko. ²⁶ Ne Joshuwa ayepo watumina muya mushikati shiya ko kwethza, ne ayepo amba echi, ''Ona kutiwa pa meho a Shinda sha moyo munu yomuhe oyu wakuumba eli liumbo, lya Jeriko. Kuma akufisha mwanenji wo mweli wenji wo mukwelume, yoliyo akuli shishisha, ne kuma akufisha mwanenji wo nómba pa kupaka ekwalo yalyo.'' ²⁷ Ne Shinda sha moyo ayepo kala na Joshuwa, ne kuthsimana kwenji akwopo kuthza mulitunga momuhe.