1 Ethzi buka thza shikuta sha Adama. Muliyuwa eli Nyambi a umbule munu, wa umbile mu kuliputula nenji. 2 Wa umbile mukwelume no mbuyama.Ayepo wapa ifuyauthzi no kuwa isha ci munu apa a umbiwile. 3 Ou Adama ayoile myaka 130, a ayepo kala tata o mwana mukwelume mukulipitula nenji, mushifwa shenji, ne ayepo muta lithzina lyo Seta. 4 Adama munyima thzo kukala tata wa Seta, hime ayoile myaka 800. Wakalile tata wa ana wom akwelume na ambuyama. 5 Adama hime ayoyile myaka 930, ne ayepo faa. 6 Ou Seta ayoyile myaka 105, ayepo kala tata wa Enoki. 7 Munyima thzo kueleka Enoki, wa yoile myaka 807 ne ayepo eleka akwelume no ambuyama o angi. 8 Seta hime a yoile myaka 912, ne ayepo ofaa. 9 Ou Enoki ayoile myaka 90, ayepo kala tata wa Kenani. 10 Munyima thzo kueleka Kenani, Enoki hime ayoile myaka 815. Ayepo kala tata wo akwelume no mbuyama o angi. 11 Enoki wa yoile myaka 905, ne ayepo faa. 12 Ou Kenani ayoile myaka 70, ayepo kala tata wa Mahalalele. 13 Munyima thzo kueleka Mahalalele, Kenani ayoile myaka 840. Ayepo kala tata wa wa kwelume no ambuyama wo angi. 14 Kenani wa yoile myaka 910, ne ayepo faa. 15 Ou Mahalalele ayoile myaka 65, ayepo kala tata wa Jaredi. 16 Munyima thzo kueleka Jeridi, Mahalalele hime ayoile myaka 830. Ayepo kala tata wa kwelume no mbuyama o wangi. 17 Mahalalele wa yoile myaka 895, ne ayepo faa. 18 Ou Jeridi ayoile myaka 162, ayepo kala tata wa Enoki. 19 Munyima thzo kuela Enoki, Jeridi hime ayoile myaka 800. Ayepo kala tata wa kwelume na ambuyama o angi. 20 Jeridi wa yoile myaka 962, ne ayepo faa. 21 Ou Enoki ayoile myaka 65, ayaeo kala tata wa Metusela. . 22 Enoki wa en dile na Nyambi myaka 300. Munyima thzo kueleka Metusela. Ayepo akala tata wa akwelume no ambuyama o wangi. 23 Enoki hime ayoile myaka 365. 24 Enoki wa endile na nyambi, ne ayepo yongelekethza, mukonda Nyambi wa mushimbile. 25 Ou Metusela ayoile myaka 187, ayepo kala tata wa Lameki. 26 Munyima thzo kueleka Lameki, Metusela hime ayoile782. Ayepo eleka akwelume na mbuyama o angi. 27 Metusela wa yoile myaka 969. Ne ayepo faa. 28 Ou Lameki ayoile myaka 182, ayepo eleka mwana mukwelumu . 29 Wamutile lithzina ci yoliyo Nuwe, amba, "Oyu henge atupa ku ayuluka kuikwama yetu no kututundisha ku kuaya ko moko etu, ei tuna loela kutenda mukonda o shikuto sha shinda sha moyo pashi." 30 Lameki hime ayoile myaka 595 munyima thzo kueleka Nuwe. Ayepo eleka akwelume no ambuyama o angi. 31 Lameki hime ayoile myaka 777. Ne ayepo faa. 32 Munyima thza Nuwe kuyoya 500 myaka, ayepo eleka Sema, Kama no Jafeta.