¹ Andengenu, ngeci yu mweya ayepo waniwa ci one pithsa, amwe muli no mupepo mumuhuthse komupepo o thsihemo. uno muanekele, eci katele muwele muileka namwe. ² Muci shimbe mipango, kalo muyalishelele mulao wa kreste. ³ Mu nu okuayala ci, mukulu unone aye po kwithsa, aci angela yo shinda. ⁴ Munu yo muhe aloela kunyaka ekwama yethzi, wangu honi ku cinuneka yofoci kali kwa munu yomweya. ⁵ Munu na munu kenge a kushimba mupango wenji. ⁶ Oyu na fundisha maywii aloela kuliela enu yoiwa yoyihe eyi no fundishawi. ⁷ Katela amyangela. Nyambi kahendauliwa, eihe ei munu akuna, yoliyo aku yanga. ⁸ Oyu ci kunena munyama yenji, kenge a kugyanga makando, Oyu yu mweya okukuna mupepo,Mupepo henge yanga moyo okuna kupwa. ⁹ Katile tuvapele ku kwama owa, ko thsikati thso thsiwa henge wa kuyanga ngeci katwa kuvapa. ¹⁰ Honi pano, tuna yalama, tukwamene anu wahe yoiwa, manene kwanu awali munthziyo thzo asitawo. ¹¹ Mumone okulu omiñolo ethzi nimiñolela no lyoko lyange. ¹² Awafota kumishangala munyama amiotele eci muthze ku mukanda. A kwama ei eci katele anyandithsiwe ko mbimba thza Jesu. ¹³ Kwisha shinga awa thza ku mukanda amamela mulao, unone afota eci nowe othze ku mukanda eci wanguali nunekele elama yoe. ¹⁴ Unone kunaci nuneka a hime ko mbimba thza Fumu Jesu kilesite. Uyu kano kaye kangongotelile kwange eci ni yoye name kokano kaye. ¹⁵ Kali kuthza ku mukanda nji kukana kuthza ku mukanda Ei ikwathsa unone eyi ina kwathsa po kumbiwa ope. ¹⁶ Wowahe awa enda ko mulao, kuci yala no thsihemo kano, shange no kowa Isilaele wa Nyambi. ¹⁷ Kutunda pano katele kukale munu oyu ni nyandisha, ni nashimbi mwilama yange maswayo a Jesu. ¹⁸ Thsihemo thsa Fumu wetu Jesu kilesite thsikale no mupepo wenu, apange.Amen.