¹ Itomba yo magalata! elie no miloo? Neli mumeho enu apa Jesu kilesite namungongotela pa mbimba. ² Sholio shofoci nifota kuli fundisha ku kwenu: muna tambula mupepo oukenu kuthza ku kwama yo mulao nji ko kuyuva kulitawa ? ³ Eane mwai tomba nji?Apa muna mutateka no mupepo,ci mukamane no Nyambi? ⁴ Namunyanda makando wangi, okupila shi mweya? ⁵ Oyo namipa mupepo oukenu no kukwama ikomaulisha kukwenu neai kwama ko mulao, nji ko kuyuwa kulitawa? ⁶ Eci Ablahama ''watawile kwa Nyambi kalo neli apilwa kukena,'' ⁷ mushifwa shofoci ,muyubishishe, cohoni, awa analitawa olio ana Ablahama. ⁸ Liñolo, lya monine ci Nyambi henge a kukenisha anu angana ko litawa, wa longishile evangeli kothzi shime kupiwa Ablahama, wa mbile ci, ''koo ye mu matunga wahe henge aku fuyauliwa.'' ⁹ Cohoni awa analitawa henge akufuyauliwa pofoci na Ablahama, mukwelume wokulitawa. ¹⁰ Wahe awathza kkoikwama yo mulao ali mushikuto; kalo kuna ñoliwa, ''kuna kutiwa anu wahe awaanakana inoyoihe ina ñoliwa mubuka thzo mulao, no kuikwama. '' ¹¹ Pano kuma monahala mwithsa munu omukenu pameho a Nyambi kuthza ko mulao, mukonda ''wakenu henge ayoya mukuli tawa. '' ¹² Unone mulao kali kuliyo kulitawa, kalo, ''munu oyu ukwama ekwama yo milao ayoye nathzo.'' ¹³ Kilesite nana tuamwena kushikuto sho mulao kokupiluka shikuto shetu eci kuna ñoliwa, ''kuna kutiwa munu yo muhe ana ngongotela pa shitondo.'' ¹⁴ Eci fiyauthzi thza Ablahama thzi keye kwa mbunga ko kulesite Jesu, ci mukulitawa tuwane mupepo ana tu sepishile. ¹⁵ Apange, mushiye niambe mu maywii onu. kuliyuba kwanu apo kuenda ko mulao, kwithsa oyu twethsa kutundisha kapa kupa kako. ¹⁶ Cohoni akulupelishile Ablahama no kushikuta shengi. Kaku amba ci, ''kuci kutashengi ,''Kwimane o no owangi, unone kumunu yofocilika, ''no oshikuta shoe,'' elye kilesite. ¹⁷ Ei niamba apa ei: Mulao ou wakile, mumanyima o myaka thzo 430, kana mana kuliyuba ko kale atomine Nyambi, kumana shikulupelisha. ¹⁸ Ngeci po ku cwana kwakeya ko mulao,ka kwakukeya ko kukulupela. Unone Nyambi wa pile Ablahama kokumu ko kukulupelisha. ¹⁹ Ine, cohoni, o kwathsi o mulao neli ipi? Hime ekethzile mukonda inene yokulipilukela kukumena apa mbela akeye mukashikuta sha Ablahama oyo akulupelishile ku mangeloi koo mooko omukwathsi. ²⁰ Cohoni mukwathsi aimanena anu wangi unone Nyambi po yofoci. ²¹ Apone mulao walwisha kulupelisha kwa Nyambi? Kwambiwa iyoombo! Ngeci nga mulao naupiwa kuluka ngana kukeya ko hime owape mooyo, honi kukena hime kwa keile ko mulao. ²² Unone liñolo lia pak inu yoihe mu kamenga ko shivi.Nyambi kuma a kwamine hengeya ci kukulupelisha ko ku tuyoyisha shitawo kwa Jesu kilesite thza kupiwe ao alitawa. ²³ Shitawo ko shishime kukeya, kumana upaki wa mu kamenga ku kumena apo shitao enge sha kulimukishiwa. ²⁴ Ono mulao wa tu nyungile kukumena apa Jesu wa keile eci tukale wo wa kenu ko shitawo. ²⁵ Unone shitawo shinakeya, katuli mushi thzo muka ku tungunga. ²⁶ Uno mwae mwana Nyambi ko ku litawa kwa kilesite Jesu. ²⁷ Oni mwaheno muna kolobethziwa kwa kilesite muna lithsiki kilesite. ²⁸ Kwithsa ci Majuda kapa ma Gelike, kwithsa ngamba nji muka kuliyala , mukwelume nji mbuyama mwahe mwahe mwa anu ofoci kwa Jesu kilesite. ²⁹ Ngeci omu kilesite, mwa kwa shikuta sha Abrahama,yamwe aka kushwana.