¹ Apa kwa pwile myaka thzo likumi nathzine nakambile kalo ku Jelusalema na Banabasi, nashim bile Tite kupaka name. ² Nathzileko mukonda ukuambeliwa kuleta, Evangeli nalongishile kuko ao akukenge. nambile kokuli holama ko awa okulundanhela, kukwama ci na ndandumuka kana ndandumukela yo kwithsa. ³ Unone shinga Tite, oyu nakala nange oyu Mungelike,kanani muhotelela ci athze ku mukanda. ⁴ A Kwelume oñonda akeile ku fotishisha ka kwa liholeka kuna fotishisha kuliyala tuli na kilesite Jesu. Afota kutu kwama opika, ⁵ Unone kana tulipaka kuko kwesho shikati,honinji oshemwa oliywi lia Nyambi kenge likalelela kukwenu. ⁶ Unone awana monahala kukala okulundaela (kwithsa taba ku kwa nge kwenu yoihe akwama Nyambi kahangula) awo, namba ci,kuko alimona ci akulundahela kuthsa eshi anapaka ku kwange. ⁷ Ko kulwisha, amonine ci kutwala Evangeli kuko aka kukwana kuthza ku mukanda, eci Pitolosi atwalile Evangeli kuko akakuthza ku mukanda. ⁸ Kwa Nyambi, oyu na kwamine na pitilosi muapositola wa kwa mukanda, ona kwama nange kwanu kenge. ⁹ Honi Jakobo,Kefasi, na Johani, olio na kala mithsumo,kuhongahonga shishemo eshi ninapiwa, alikwatishile nawo na Banabasi name. ¹⁰ Kuma aliyubile ci twalohela kuthza kwanu kenge nokuka tongwela eci aloela kuthza ku mukanda. ngapa alombile ci twa kabulama ehutu, eyo yolio nathzelile kuka kwama. ¹¹ Unone honi Kefasi wakeile ku Antioke, ona mukananishile inene hime aloelile kunyathziwa. ¹² Kwashime kukeya akwelume awa tundile kwa Jakobo,Kefasi walile na anu kenge. unone ohu akeile akwelume, wemanine no kutunda kwanu kenge. Hime ayapile akaku otela yo mukanda. ¹³ Owahe Majuda naliwana kulihonga. Inga Banabasi kutawile eyo yo kulihonga. ¹⁴ Unone na monine epelemeka yo kaya endelelile no shemwa o Evangeli, onambelile Kefasi pameho anu, ''Ngeci po mwa Majuda unone mwa yoya eci anu kenge noku kana kuyoya eci Majuda,ngepi elinga muhotela anu kenge eci ayoye eci Majuda? ¹⁵ Twahenu twa Majuda mukuhelekiwa neoni kali twa anukenge amathzilo; ¹⁶ Honi tulimuka ci kwithsa munu oyo wqku kenishiwa ke kwama yo mulao unone ko litawa kwa Jesu kilesite.Twahe tunalitawa ci kwa Jesu kilesite eci tukenishiwe kolitawa kwa kilesite kali ke kwama yo mulao. ked kwama yo mulao kwithsa nyama thza kukenishiwa. ¹⁷ Unone ngenjipo, pamweya twafota kukenishiwa mwa kilesite, natwe hime twqakalile anu oamango, kilesite ne muimaneni oshivi? Lyombo! ¹⁸ Ngeci epo nihumba inu Einina umbululile, naliwa ci ninalee mulao. ¹⁹ Kuthza mu mulao nafile no mulao, ci niyoyele Nyambi. ²⁰ Nani ngongotelwa na kilesite. kaliyame niliyoyela, unone kilesite yolioyoya mumwange. Ou moya ni yoya honi munyama nahuyoya ko kulitawa kwa mwana Nyambi, oyu nani himi no kulipa yo shinda ku kwange. ²¹ Kani pakile shihemo sha Nyambi kunyonga, ngecipo kukena kenge kuwaniwa ko mulao, tulimuke kufa kwa kilesite kwa kenge!