¹ Omwo Yesu wathemukile mu Mbetelehema mulifuti lya ba Yunda athimbu ya Mwene Helonda,bakamana batundile munhgangela betele mu Yelusalema nakwendeka ngwabo, ² "Ulijo ou nathemuka ou kapwa mwene wa ba Yunda? Twamwene ngongonothi yendi ili na kutunda mungangela cho tunaija na kumulemetha." ³ Omwo mwene Helonda wathzibe byuma ebi,cho walijujukwilile manene,na boshe baje bakele nendi mu Yelusalema. ⁴ Helonda wanenele hamo boshe baje bakulunu bakakulombelela na balongethi ba majwi amashiko abanu,cho wa behwile ngwendi, "Kulijo Kilisitu kwa kathemukila?" ⁵ Cho bamulekekele ngwabo, "Mu Mbetelehema mu Yunda,omwo echi chikecho basonekele kuli tupolofita, ⁶ 'Oloni yobe,Mbetelehema,mu lifuti lya Yunda,omwo,kethi uwa mundondo hakati kabakakuyula mu Yunda,mwafwa muliyobe mukaija uje ka yula,owo ikeye akanyunga banu bange baka Isilaele."' ⁷ Ngachije bene Helonda watumina bakamaana mubushwekethi wabakong'ele thimbu ikajo ya kajombolola ije ngongonothi. ⁸ Cho waba tumine ku Mabetelehema,cho wabalekele ngwendi, "Yeni mukehwithithe mwamubwa hali mwanike ou,Omwo mukamuwana,cho mukanjineneleko muthzimbu omwo mukamuwana ngechi nange lalo njakuyeko nakukamulemetha." ⁹ Hanima ya kuthziba ku majwi a mwene,bakatukile nakuya mubungendthzi bwabo,cho ije ngongonothi bamwene muje mu ngangela ya ba twameneneko nmu yemanene akamwa kumutambela kuje kwakele kakeke. ¹⁰ Omwo bamwene ngongothi,cho bajolelele manene. ¹¹ Bakobelele munjubo cho bamwene kakeke na Maliya baina.Cho bathsikamene nakumulemetha. Bafukwile mubiyepela byabo cho banene bwana bwa ngolinde,frankinsense,na na miila. ¹² Njambi waba nangwile chilota ngwendi kethi bakeluke kuli Helonda,cho belukile kulifuti lyabo na kupangetha ngila yeka. ¹³ Omwo banayi laja,kangelo ka Shukulu washolokele kuli Yosefa muchilota cho wendekele kuli ikeye ngwendi, "Katuka,ambata kakeke nabaina,cho mutewele ku Ingipito.Mukakaleko noho njikamileka,mwafwa Helonda alinakutonda kakeke aka mubulumune." ¹⁴ Kubuthsiki buje bene Yosefa wendukile wamabatele kakeke hamo na baina cho batewelele ku Ingipito. ¹⁵ Wakele kujebene chalingiwile inga bipwe bya bushunga bije byendekele Shukulu muli kapolofita ngwendi, "Kutunda mu ingito mukemo munjathanenen munange." ¹⁶ Cho Helonda omwo wamwene ngocho ngwendi bamukwithile kuli baje banalume bakulilongetha,cho wathzibile manene litotoo. Cho watumine na kutapa boshe baje tukeke ba banalume baje bakele na mu Mbetelehema na muje mumitambela yoshe tukeke babanalume bakele na myaka ibali nakwiluka mwithi,kwetheketha naije thimbu bamulekele kuli baje banalume ba ku Ingito. ¹⁷ Cho ngechoni bashulithile aje a majwi bendekele kwitila muli kapolofita Njelemiya, ¹⁸ ''Bathzibile lijwi mu Rama, kulila na thikoka manene,Rakele ali na kulila bana bendi, cho ngechibene wa byanene kumuthemebeleka,mwafwa bana boshe baiko." ¹⁹ Cho omwoni Helonda wathsile, taleni,kangelo ka shukulu washolokele muchilota kuli Yosefa muje mu Ingipito na kwendeka ngwendi, ²⁰ "Katuka ambata ou mwana na baina cho uye kuchifuti cha Isilaele,mwafwa ababatondele mwonyo wou mwana banathsi laja." ²¹ Cho Yosefa wakatukile,wamabtele uje mwana na baina,cho bethzile mulifuti lya Isilaele. ²² Oloni omwo wathzibile ngwabo Akelesi wakele nakuyula hali ba Yuleya muchela cha baishe Helonda,wathzibile lyoba lya kuya kuje. Cho Njambi wmunyanyamethele muchilota,cho waile muchifuti cha Ngalileya ²³ cho waile nalu tumbama munganda bathana ngwabo Nazaleta. Cho echi chashulisile bije bendekele kwitila mutupolofita,ngwabo bakamuthana ngwabo ikeye Nazalena.