¹ Chojo cha sholokele omwoni Yesu wa manethele kwendeka majwi awa,wa tundile ku Ngalileya na kwija ku mutamabela wa ku Yundeya muthambwa ya lishali lya Yondau, ² Mayongomena abanu amukabele kuje,chojo nendi wa ba kangwithile. ³ Cho naba Faliseobethzile kuli ikeye,na ku mumwetheka,cho bendekele kuli ikeye mgwabo, "Kumani chinatha mu mashiko kulinga ngwabo munalume a kondole munakathzi wendi a mulonga woshe woshe?" ⁴ Chojo Yesu wabakumbulwile na kwendeka kuli bakebo ngwenndi, "Kuma kanda muchitandeho ngwe uje waba tangele kufuma ku kushangumuka waba pwithile munalume wa munakaathzi? ⁵ Cholalo uje wa batangele wendekele ngwendi, 'Ha mulonga wechi munalume akathethza baishe na baina na kuya na kulinunga kuli munakathzi wendi,cho na aba babli bapwoni mubila umo likoni. ⁶ Chojo ku kubethi lalo babali,olojo mubila umolika. Ha kupwa ngocho kukwa pandele kulkala munu ali woshe uje yalina moko ya kwangununa woshe chije Njami na nungathana hamo." ⁷ Chojo bendekele kuli ikeye ngwabo,"Choni bikoni Mosesa wa twanene lishiko lya kwana mukanda wa kuthsiya bulo cho munalume natha kukondola uje munakathzi?" ⁸ Cho wendekele kuli bakebo ngwendi, "Kukaluwa kwa bimbunge byeni lika,mukemwo kwa nenethele ngechi Mosesa a mi tabethe ku thsiya malo eni,na kukondola bnakathzi beni.Olojo kucha pwile ngocho ku maputukilo. ⁹ Njmileka chije ngwange,woshe ya kakondola munakathzi wendi,kubanga ha mulonga wa bupangala,na kwamabta weka,nalingi bupangala,cho lalo munalume woshe uje akambata munakathzi bana kondola na ikeye nawa nalingi bupangala." ¹⁰ Choko omwoni bandongethi bendi bathzibile ebi bendekele kuli Yesu ngwabo, "Cho ngwe mukemwo muchinafu mukati ka munalume na munakathzi wendi,choni china bwaha lika na kulikela kwambata," ¹¹ Olojo Yesu wenekele kuli bakebo ngwendi, "Kethi ngwe boshe banatha kutaba na ku kabangeya echi nji nendeka hano,ku banga baje lika obo echi bana chana kuli bakebo. ¹² Mwafwa obyo bibi konowetha banlume bamo baheuka kufuma bene mu memo a bainabo,cho kuli banalume ba heuka a mulonga wobyo banu ba lingile kuli bakebo,cho lalo kwakala na banalume baje baya muchana a mlonga wa kulinga bali lutwe bakebo babenya omwo ya bumwene bwa mwilu. Chojo ow woshe yanatha kutaba na kwononoka echi na kuchilingetha,cho echi tambula na chikabangeya." ¹³ Chojo bamunenelele nanike bamo ba bandondo ngwabo mangana aba kambeke maboko endi na kuba lombelela,olojo bandongethi bendi babtenukilile. ¹⁴ Oloni Yesu wendekele ngwendi, Tabetheni aba banike ba bandondo,cho lalo kethi mubabaynethe kwija kuli yange,mwafwa bumwene bwa kwilu bwa kala bwa bake bakulifwa ngwe bakebo." ¹⁵ Chojo wakambekele maboko endi ali baje banike,chi na hanima watundileko kuje na kuya kweka. ¹⁶ Chojo kachikengeni,munalume umo wethzile kuli Yesu na kwendeka kuli bakebo ngwendi, "Mulongethi,chuma muka cha chibwa ocho chinjapande kulinga nji kale mna mwonyo waya yee?" ¹⁷ Cho Yesu wamukumbulwile ngwendi, "Bikajo unjihwila a mulonga wa byuma bya bibwa? mwafwa umo lika uje wakala wa mubwa,olojo ngwe ngwabo utonda kukakobela mukuyoyani,cho tulika mashiko." ¹⁸ Chojo uje munalume wa mwihwile ngwendi, " Mashiko alijo amo?" Cho Yesu wamukumbulwile ngwendi, "Kethi uthsiye,kethi ulinge bupangala,kethi wibe,kethi ikabangeye munu ocho kalingile, ¹⁹ thingimika baisho na bainako,cho lalo thzema mukweni ngwe omwo wali lithzmena yobe babenya." ²⁰ Chojo uje mukwenje wendekele kuli ikeye, "Byoshe byuma ebi njinabinyungu.Bikajo lalo bikwabo obyo bi bya chilituluho binjina pande kulinga?" ²¹ Cho Yesu wendekel kuli ikeye ngwendi,"Oshonini ngwe uthetele kupwa wa kulamba,chonya,yaka landethe biuli na byo byoshe,na kwana bihutu bije uka wanamo,mwafwa uka kala na bufuko bukwabo mwilu;na hanima ya kulinga ngocho cho ijoni, mangana wakunjikabangeye." ²² Oloni mwonini uje mukwenje wathzibie bije bya mulekele Yesu,watundile kuje na kuya kweka na buthiwa bya kama,mwafwa wakele na bufuko bwa bwingi manene. ²³ Chojo Yesu wendekele kuli bandongethi bendi ngwendi, "Buthunga bene njimileka ngwange,chi napu cha chikalu manene mukakufuka ku kobela mu bumwene bwa mwilu. ²⁴ Cholalo njimileka ngwange,chinapu chachathi manene kulinga ngwabo ngamele ahite mulisho lya nguya kutubakana mukakufuka kuya na kkukobela mu bumwene bwa Njambi." ²⁵ Chojo omwoni bandongethi bendi bathzibile echi,balikomokelele manene na kwendeka ngwabo, "Iyajo ya natha kwoboka?" ²⁶ Cho Yesu wa kengele bakebo cho lalo wendekele kuli bakebo ngwendi, "'Echi chinapu cha chi kalu manene ku banu,olojo kuli Njambi byuma byoshe byapwa bya byathi lika." ²⁷ Cho haje bene Petulu wa kumbulwileko na kwendeka kuli ikeye ngwendi, "Kenga,twathethza byoshe na kukukabangeya. Chojo bikoni tukawaneneho yetucho?" ²⁸ Cho Yesu wendekele kuli baebo ngwendi, "Mwabuthunga bene njendeka kuli yeni mgwange, omwoni muje mu lifuti lya lihya Muna Munu akatumbama ha liatanda a matanda likumi na bali,na kutwamenena ije miyati likumi na ibali ya bana ba Isilaelele. ²⁹ Ou woshe ya nathethze binjubo,bandolome,banakathzi,Ishe,baina,bana,nameme lihya,ha mulonga wa lithzina lyange aka tambwilaho bikwabo mutheteko ya chiita na chimo chije nathzethze cho akaswana mwonyo uje waya yee. ³⁰ Olonini bwingi bwa baje bana libanga bakakala ba kakukotokela,cho lalo na bwingi bwa baje bakotokela bakapwa baka kulibanga.