¹ Yesu wathanene bandongethi bendi likumi na babali hamo kubana bithzili hali munthzindthzime ya kujwala,kitundathamo,na kukangwitha mishongo yoshe na kubinja kwoshe. ² Cho bathzina abo miluwa likumi na babali awa.wakulibanga Simona,(uje bathanene Petulu),na Anduleo ndolome yendi;Yakomba muna Zembendiya,na YOwano ndolome yendi; ³ Filipu na Mbatolomeo; Tomasi, na Mateo muka kutambula lisimu;Yakomba muna Alufeya,na Tandeo; ⁴ Simona Zeloti, na Yundasa Isikalyote,uje aka mwenda bungungu. ⁵ Aba likumi na babali batumine Yesu.Wabashikele na kubaleka ngwendi, "Kethi muye mu mu mutambela wayoya bakamafuti,cho lalo kethi mukakobele mu mbaka yabaka Samaliya. ⁶ Oloni mwatela kuya kubimanga bakuthzimbala ba munjibo ya Isilaele; ⁷ Choni muje mulinakuya,ambululeni na kwendeka ngweni, 'Bumwene bwa mwilu buli muyehi.' ⁸ Cho kangwitheni baka kubinja, thanguleni bathsi.jeletheni baka mamba,tunditheni mamba.Mubwana bwa kanyombo muna tambula,neni lalo muka bwane mubwana bwa kanyombo. ⁹ Kethi mukambete golinde yoshe,siliba,nambe bunengu mubinkombo byeni. ¹⁰ Kethi mukambate lipakumuna mubungethzi bweni,nambe bikobelo bikwabo,nambe bing'aku,nambe mbweti,mwafwa mukakupanga napande bya kulya byendi. ¹¹ Muje mukakobela munganda nambe mu limbo lyoshe,cho theteleni uje wa mubwa,cho tumbamenimo noho mukatundamo. ¹² Omwo mukobela muje munjibo,bamenekeni. ¹³ Nga ije njibo inapu ya ibwa,cho echeleni kwoloka kweni kukalemo.Oloni ngwe kuyethi mwa mubwa,kwoloka kweni kwiluke kuli yeni babanya. ¹⁴ Cho kuli baje kubakamitanmbula na kumitolilila ku majwi eni,omwo muka tunda muje munjibo nambe munganda,cho tgotomoneni likungu ku mendi eni. ¹⁵ Mwa buthunga njimileka ngwange,chikwampwa cha chathi mu lifuti lya Sondoma na Gomola halitangwa lya kuthompetha kuhyana ije nganda. ¹⁶ "Taleni,njili nakumitumina ngwee bamanga mukati ka tungunga,cho thzangameni ngwee manyoka na kulikomeka ngwee mayembe. ¹⁷ Toneni ku banu! cho bakami twala kubaka bimbanja,cho bakami pupa bikote mu Sinangonga yabo. ¹⁸ Cho bakamitwala lu mesho aba ngubulu na bimyene ha lithzina lyange,mukapwa binjiho kuli bakebo na kuba kamafuti. ¹⁹ Omwo bakamikundika,kethi mushote bimbunge nambe bije bimukendeka,mwafwa bya kwendeka bakamyanabyo haliije thiumbu. ²⁰ Omwo kethi yeni mukendeka,oloni munthzinthzime wa ishwenu ikeye akendeka muli yeni. ²¹ ndolome akatwala ndolome kukuthsa,na baishe kuli mwana,Bana bakatengulukila bithemi babo, na kubatwala kukuthsa. ²² Mukathzindiwa kubanu halithzina lyange.Oloni uje akakateya na kweta ku shongo,uje munu akoboka. ²³ Omwo bakamiyandetha muje munganda,teweleniku limbo likwabo,mwa buthunga njimileka ngwange, kumukatha kwita mubinganda bya Isilaele thimbu kanda Munu Muna aije. ²⁴ "Ndongethi katubakana mulongethi wendi,nambe ndungo hali shukulu yendi. ²⁵ Chakama ndongethi linga apwa mulongethi wendi,ndungo kupwa shukulu.Ngwe bathana babenya njibo Mbelezembele,akubihya bati mathzina bakathana nanga ya njibo yendi! ²⁷ Chohoni kethi mubatewe, mwafwa kukwethi chije banashweke chije kubaka jombolola,nachimo chije bana shweka chije kubaka thibuka. ²⁶ Bije njimileketha mulithuthulungu,muka byendeke mutanya,nabije bimuli na kurhziba bya kuyebeta mu matwi eni,bya mbululeni kubinjobo bweni. ²⁸ Kethi muthzibe lyoba kuli baje bathsiya mubila oloni kubatha kuthsiya mwonyo.Oloni,muthzibe lyoba uje athsiya byoshe mwonyo na mubila mu mbulu ya tuhya. ²⁹ Nkumani kubekuklandetha tundthzilili babali na mbongo imo? cho naumo wahi atha kuwila hathi kwa kujeneka kutanekeya mangana aba ishe. ³⁰ Oloni na bing'ambu bya ku mitqwe yeni byapwa bya kulaba. ³¹ Kethi muthzibe lyoba,yeni muli na theho kutubakana tunzthilili babengi. ³² Oloni woshe uje akanjitaba ku mesho a banu,Nange njikamutaba kumesho a Tate uje ali mwilu. ³³ Oloni woshe uje akanjibyana ku mesho a banu,Nange lalo njikamubyana ku mesho a Tate ali mwilu. ³⁴ "Kethi muthinganyeke ngweni njinaija na kunena kwoloka hano ha kaye. Ku baka mafuti na kuneha kwoloka,oloni moko ya mukwale. ³⁵ Omwo yange njinaija na kwangununa mwana munalume kuli baaishe, na kwangununa mwana wa munakathzi kuli baina,na kwangununa baina mweno kuli ina mweno. ³⁶ Cho bithothzi babanalume bakapwa baje bamu njibo yendi. ³⁷ Woshe uje a thema baishe nambe baina kutubakana yange kapandele kupwa wange;uje a thema mwana wa munalume nambe wa munakathzi kutubakana yange kapandele kupwa wange. ³⁸ Woshe uje kambata chilindakano chendi na kunji kabangeya yabge kapandele kupwa wange. ³⁹ Uje woshe akanyunga mwonyo wendi akau thzimbaletha.Oloni uje akathzimbaletha mwonyo wendi hali yange akau wana. ⁴⁰ "Woshe uje a kamitambula na tambula yange,cho woshe uje natambula yange natambula uje wanjitumine. ⁴¹ Woshe uje akatambula kapolofita,mulithzina lya kapolofita ka tambula fweto ya kapolofita,nauje akatambula munalume wa buthunga mulithzina lya munalume muka buthunga akatambula fweto ya munalume muka buthunga. ⁴² Woshe uje akana umo wa babandondo chipwe nganja ya mema akutonola akunwa mulithzina kya ndongethi,mwa buthunga nji mileka ngwange kakathzimbaletha fweto yendi.