¹ Kale kale Leza kaamba kuba shaakale besu kwiitila mu bashinshimi mushiindi shinji shinji alimwi u munzhila shinji shinji. ² Pele ku mazuba aza a mamanino, u laambila mwesu kwiitila mu Mwana, wezo ngwaakabika kuba shimulyazhina wa shintu shoonse. Kwiita mwakwe Leza wakalenga luundu. ³ Walo ngu mumuni wa bulemu bwaka Leza, nchinkozha cha mbwaabele Leza. Ulakwabilila shintu shoonse antoomwi kwiita mwizwi insana shakwe. Naakamana kusalazha shibi, wakakala kwitashi lyalulyo lya shinsana wa mazeulu. ⁴ Wakaba mukandosha a baangelo mbubona inzhina lyakwe ndyaakakona ndikandosha kubaala izhina lyabo. ⁵ Nguuliye a baangelo ngwaakaambila Leza ati, "Uli mwanangu, bwasunu waba mwanangu"? Naaba nguuliye a baangelo ngwaakaambila ati, "ndakaba ushi, alimwi ulakaba mwanangu"? ⁶ Pele alimwi, lelyo Leza a kazhola mwana mutaanzhi mu luundu, ulakaamba ati, "Boonse baangelo baka Leza balyeelele ku mukomba." ⁷ Ku makani a baangelo wakaamba ati, "Inguwe walo uchita baangelo bakwe kuba myoza, alimwi basebezhi bakwe kuhwilima ukoya mulilo." ⁸ Pele ku Mwana wakaamba ati, "Chuuna cha bwami bwako, u Leza, ncha lyoonse u lyoonse. Musako wa bwini ngu musako wa bwami bwako. ⁹ Ulifwini bululami alimwi uliswile shitaluleme. U bobo Leza, Leza wako, wakakunanika mafwuta a lutangalo kubaazha bamwi." ¹⁰ Ku matalikilo, Mwami, ndiwe wakalenga inshi. Mazeulu mulimo wa matashi ako. ¹¹ Balakaloba, pele uwe ulakatolelela. Balakamana boonse ukoya chisani chakabola. ¹² U lakabahunga hunga ukoya isani lyakabola, alimwi balakachincha ukoya chipazha cha chisani. Pele mulikozhene, alimwi myaka yako teemana." ¹³ Pele nguuliye a baangelo wezo Leza ngwaakaambila ati, "Kala kwitashi lyangu lya lulyo kushikila nkachite bashinkondonoko kuba chilyatilo cha matende ako"? ¹⁴ Saa baangelo boonse teeli myoza yezho isebeza, alimwi babo bakatumwa kubamba babo bati bakakone lufwutuko?