¹ Bantu bakeenda kuhwa ku Elimu, ubantu Baizilaili boonse bakashika kulukula lwa Sini, luli akati kati ka Elimu uSinayi, mubuzuba bwekumi umazuba one mumwezhi wabili kuhwa nibakamuhwa munshi ya Ijipiti. ² Bantu boonse Baizilaili bakatongaukila Mozesi u Aloni mulukula. ³ Bantu Baizilaili bakaamba nkubabele ati, "Anu nitwakafhwa bulyo kwitashi lyaka Yaave munshi ya Ijipiti lelyo nitwakaakukala kumbali umapoto abuzani alimwi twakaakulya chinkwa twakaakukuta. Watuleta mulukula kwiza kuyaya mikwashi yesu yoonse kunzala." ⁴ Inzho Yaave wakamwaambila Mozesi ati, "Ndamuunshizha chinkwa kuhwa kwizeulu. Bantu balakaya kuya kubweza cheelela kubuzuba bobo abuzuba ubuzuba kwaamba ati mbasunke mbone naa tabakonzha kweenda mumulawo wangu. ⁵ Mubuzuba bwa chisambomwi , balakabweza chibaala mbuli mbubaakubweza mazuba akayita, alimwi balakayika shesho nshibaleta." ⁶ Inzho Mozesi u Aloni bakabaambila bantu boonse Baizilaili ati, "Mangolezha mulazhiba kwaamba ati ngu Yaave wezo wakamukusha kuhwa munshi ya Ijipiti. ⁷ Chifwumo fwumo mulabubona bulemu bwaka Yaave, kaambo wakuteelela kutongauka kwenu ukumutongaukila. Ndiswe bani uswe umwe kwaamba mututongaukile?" ⁸ Mozesi aze wakaamba ati, "mulakachizhiba chechi lelyo Yaave akamupa buzani mangolezha alimwi u chinkwa chifwumo fwumo mukakute.--kaambo wakuteelela kutongauka kwenu kumumukanana. Ndiswe bani ume u Aloni? kutongauka kwenu takuli kwesu pe; mulatongaukila Yaave." ⁹ Mozesi wakaambila Aloni ati, "Ambila boonse bantu Baizilaili, 'Amuzhize kufhwaafhwi kubushu bwaka Yaave, kaambo wakuteelelela kutongauka kwenu.''' ¹⁰ Chakachitika bobo, awo Aloni naakaakwaamba kubantu Baizilaili, kabalangilile luya lwa lukula, alimwi, bona, Bulemu bwaka Yaave bwakalibonya mwikumbi. ¹¹ Amane Yaave wakamwaambila Mozesi, waamba ati, ¹² Ndakuteelela kutongauka kwa bantu Baizilaili. Amba nkubabele uwambe ati, 'Mangolezha mulalya buzani, alimwi chifwumo fwumo mulakakuta uchinkwa. Awo mulakazhiba kwaamba ati Ndime Yaave Leza wenu.''' ¹³ Chakachitika bobo kumangolezha bakanchele bakazhiza ukuhwumba inkambe yoonse. Chifwumo fwumo mume koozalene inshi yoonse ya nkambe. ¹⁴ Lelyo mume niwakamana, awo anshi yoonse yalukula kaali tukoto koto twamume twaangene anshi woonse. ¹⁵ Awo bantu Baizilaili nibakachibona, bakaamba bolya kuli umwi uumwi, "Nchiinzhi chechi?" Bayina nibakachizhiba kwaamba nchiinzhi. Mozesi wakabaambila ati, "Chechi chinkwa checho nchaamupa Yaave kwaamba mulye. ¹⁶ Aza ngumalailile azo Yaave ngaamupa: 'Mulyeelele kubweza, umwi uumwi wenu, checho chaazanda kulya, Umwi makilo obile amweelwe wa bantu bakwe. Mbubolya mbumuya kuchibweza: Amukabweze chakulya nchimukwana ubantu babo mbumukala abo mwitente lyako.''' ¹⁷ Bantu Baizilaili bakachita bobo. Bamwi bakabweza shinji shinji, bamwi bakweza shi shoonse. ¹⁸ Awo bamane nibakacheeleka uchipimyo chamakilo obile, babo boonse bakabweza shinji shinji bakabula nchibashaanzha, amana babo bakabweza shishoonto bakabula choolwe. Umwu uumwi muntu wakabweza nchaakwana. ¹⁹ Ngoonaawo Mozesi wakabaambila ati, "Kwiina uyelele kuchishinzha kushika chifwumo fwumo." ²⁰ Nikuba bobo, bayina nibakamuteelela Mozesi. Bamwi babo bakashinzha shimwi kushika chifwumo fwumo, pele shakakwata maumba shimane shakanunka. Inzho Mozesi wakabalemanina chini chini. ²¹ Kabachibweza chifwumo uchifwumo. Muntu umuntu kabweza cheelele kulya kubuzuba bobo. Izuba lyabala bulyo, kacheenzunuka. ²² Chakachitika bobo mubuzuba bwachisambomwi kababweza kobile chinkwa chinji chinji, shilema makilo obile muntu umuntu. Basololi boonse mumunzhi bakazhiza kwa Mozesi bamushimwina checho. ²³ Wakabambila bolya, "Mbubolya Yaave mbwaamba: 'Uzona chifwumo mbwakulyookezha, Nchibelu chisalala mukulemeka Yaave. Amutemeke checho nchimuzanda kutemeka, alimwi mwiike chechi nchimuzanda kwiika. Choonse checho nchimukashizha, amulizobwele nubeni nchakulya chazona chifwumo."' ²⁴ Ubobo bakachizobola kushika chifwumo, mbubona Mozesi mbwakabalalila. Chiina nichakanunka pe, nikuba kukwata maumba pe. ²⁵ Mozesi wakaamba ati, "Amulye chakulya checho bwasunu, kaambo bwasunu mbuzuba bubike amabali bwansabata kulemeka Yaave. Ubwasunu tamukozha kuchiyana mu myuunda. ²⁶ Mulakachibweza kumazuba aali chisambomwi, pele mubuzuba bwachiloba ninsabata. mubuzuba bwansabata kulakabula mana." ²⁷ Chakaba bobo mubuzuba bwachiloba ati bamwi bantu bakaya kuya kubweza mana, pele kwiina nchibakayana pe. ²⁸ Inzho Yaave wakamwaambila Mozesi ati, "Chamukakila buti kubamba malailile alimwi umilawo yangu? ²⁹ Bona, Yaave wakamupa insabata. Ubobo mubuzuba bwachisambomwi ulakamupa chinkwa kwamazuba obile. Umwi uumwi ulyeelele kukala mubusena bwakwe; kwiina uyelele kuhwa abusena bwakwe mubuzuba bwansabata." ³⁰ Ubobo bantu bakapumuna mubuzuba bwansabata. ³¹ Bantu Baizilaili bakachibanda chechi chakulya ati "mana." Kachituba bu ukoya inseke ya Koliyanda, alimwi mbuchaakuteelelwa mukanwa kachili ukoya tupampasha twachinkwa tubike buchi. ³² Mozesi wakaamba ati, "Mbubolya Yaave mbwaakalailila: 'Makilo bulyo obile a mana ngaayelele kuzobolwa kubantu bako balunungu boonse kwaamba ati baluhubo lwako bakalozhe kubona chinkwa checho chindakamusanina mulukula, indakamana kumukusha munshi ya Ijipiti.''' ³³ Mozesi wakaamba kwa Aloni ati, "Bweza chibiya wamana ubuke makilo obile a mana mukati. Mwaazobole kubushu bwaka Yaave kwaamba abambwe kumazhalane abantu boonse." ³⁴ Mbubona Yaave mbwaakamulailila mozesi, Aloni wakachizobola kumbali ikwati lya chihwuminano chamilawo. ³⁵ Bantu Baizilaili bakaalya mana kwamakumi one a myaka kushikila nibakashika kunshi yakenani. Bakachilya mpaka nibakashika kuminyinza yanshi Yakenani. ³⁶ Inzho makilo obile nchipanzha chekumi cha efa.